SerBeat na korčmowym swjedźenju

srjeda, 22. apryla 2015
artikl hódnoćić
(0 )

Mjeztym hižo jědnaty raz organizuja Budyscy hosćencarjo 2. meje swój tradicionalny korčmowy swjedźeń. Wose­bity flair stareho města, kombinowany z live-hudźbu, ma wospjet prawje wjele wopytowarjow přiwabić.

Budyšin (SN/MWj). We wobłuku jědnateho korčmoweho swjedźenja 2. róžownika w Budyšinje zaklinči tohorunja serbska popowa hudźba. W hosćencu „Culinarium“ Romana Wagnera ma kapała SerBeat hrać, zdźěla mějićel hosćenca Haseneck Frank Haase, rěčnik towarstwa Staroměšćanska tejka, kotrež swjedźeń organizuje. Dohromady wobdźěli so na nim lětsa 16 restawrantow, hdźež ma najwšelakoriša live-hudźba zaklinčeć. Haase so wjeseli, zo tež serbska mło­dźinska band składnosć dóstanje, so we wobłuku korčmoweho festiwala prezentować. „Naš narok dźě je, po móžnosći prawje wulku paletu hudźbnych kapałow měć. W tymle zmysle móže nam jenož tyć, zo so SerBeat wobdźěli. Ja znaj­mjeńša so na nju hižo wjeselu.“

wozjewjene w: Lokalka
Prošu přizjewće so, chceće-li komentar podać

nawěšk

  • Tež lětsa je Domowina na swjedźenskim zarjadowanju wjacorym čestnohamtsce skutkowacym Serbam Myta Domowiny, Čestne znamješko Domowny a tohorunja čestne čłonstwo třěšneho zwjazka spožčiła.  Mjez wuznamjenjenymi běchu zastupjerjo wjacorych generacijow.

nowostki LND