Padłych wojakow wopominali poručenje

wutora, 28. apryla 2015
artikl hódnoćić
(0 )
Chróšćanski wjesnjanosta Maćij Brycka, předsyda Domowiny Dawid Statnik, wjacori pólscy wójnscy weteranojo (wotprawa), za stu pjer Żarowskeho měšćanskeho zarjadnistwa Edward Skobelski (2. wotlěwa), dalši zastupjerjo serbskich towarstwow a zwjaz kow, pólscy hosćo kaž tež mnozy wobydlerjo Chrósćic a wokolnych wsow su dźens dopołdnja při pomniku na Fulkec hórce z  wěncami a swěčkami w Druhej swětowej wójnje wokoło Chrósćic padłych pólskich wojakow wopominali.  Foto: Feliks Haza Chróšćanski wjesnjanosta Maćij Brycka, předsyda Domowiny Dawid Statnik, wjacori pólscy wójnscy weteranojo (wotprawa), za stu pjer Żarowskeho měšćanskeho zarjadnistwa Edward Skobelski (2. wotlěwa), dalši zastupjerjo serbskich towarstwow a zwjaz kow, pólscy hosćo kaž tež mnozy wobydlerjo Chrósćic a wokolnych wsow su dźens dopołdnja při pomniku na Fulkec hórce z wěncami a swěčkami w Druhej swětowej wójnje wokoło Chrósćic padłych pólskich wojakow wopominali. Foto: Feliks Haza

W Chrósćicach na podawki před 70 lětami spominali

Chrósćicy (SN/JaW). Ani wětřik ani dešć njeje dźensa wulku syłu ludźi z Chrósćic a blišeje wokoliny kaž tež pólskich hosći wotdźeržał, wopominać pólskich wojakow, kotřiž běchu w Druhej swětowej wójnje padnyli. Cyłkownje nimale 200 ludźi, mjez nimi něhdźe 160 hosći z pólskich Żarow, Żaganja a Leśnicy – přitomni běchu tež někotři wójnscy weteranojo –, šulerki a šulerjo Chróšćanskeje za­kładneje šule a wyšeju šulow z Worklec a Ralbic, Chróšćanski wjesnjanosta Maćij Brycka (CDU), předsyda Domowiny Dawid Statnik a městožupanka Kamjenskeje župy „Michał Hórnik“ Zala Cyžowa běchu k Fulkec hórce w Chrósćicach přišli.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND