Z nowej drastu kolesuja

štwórtk, 16. nowembera 2023 spisane wot:
Kolesowarske zjednoćenstwo Kukow/Worklecy je wot kónc septembra z jednotnej drastu na łužiskich dróhach po puću. Ideju zrodźił je hižo před lětomaj Worklečan André Handrik, kiž je design naćisnył a prěnje trikoty skazał. Mjeztym su dalše trikoty, kapy a cholowy za kolesowarjow dóšli. Wone maja barby serbskeje chorhoje, na kornarju a prědku je napisana „Łužica“ a na chribjeće pod motiwom kolesa steji hrónčko „Z kolesom, z wětřikom ...“ . Serbscy kolesowarjo chcedźa drastu tež w dowolu wužiwać. Foto: André Handrik

Napjaty kónčny spurt na kermuši

srjeda, 15. nowembera 2023 spisane wot:

ST Radwor –

TSV Wachau 3:3 (0:0)

Zestawa domjacych: Šěrak – B. Grubert, Castejon, Schäfer, Paška, Reineke, Nuk, Schöne (56. Schulze), Wjacławk (81. Wróbl), Glücklich, Šnajder

Po njezbožownym wustupje w Großnaundorfje mějachu Radworscy koparjo na domjacej kermuši zaso połny kader. Tutón raz steješe jara wažna hra na programje, dokelž dźěše tu wo 6 dypkow. Dotal bjez zboža hrajacy Radworčenjo nadźijachu so nětko trochu na zbožo, zo bychu sej z pincy tabulki wulězli.

Radwor přińdźe trochu lěpje do hry a steješe tež hižo někotre razy před přećiwniskimi wrotami. Reineke měješe najwjetšu šansu na 1:0, ale połoži bul prěki na Šnajdera, kotryž pak bul nimo wrotow sadźi. Po tym bě Nuk z hłowu při bulu, wrotar pak derje dźeržeše. Tež wrotar domjacych móžeše so někotre razy dopokazać a ze swojimi akcijemi mustwo wobchować. Tak dźěše bjez wuspěcha do połčasa.

Worklečanki doma dobyli

wutora, 14. nowembera 2023 spisane wot:

Na prěnim domjacym hrajnym dnju w nowej hrajnej dobje w sakskej klasy powitachu žony prěnjeho zastupnistwa Viktorije Worklecy sobotu žony z Hamora/Běłeje Wody kaž tež ze Žitawy. Wobě mustwje hraještej hižo w zašłej hrajnej dobje w Sakskej klasy.

Viktoria Worklecy –

TSG Hamor/Běła Woda 3:1

(24:26, 25:11, 25:18, 25:12)

Jednostronski serbski derby

wutora, 14. nowembera 2023 spisane wot:

ST Marijina hwězda –

SJ Chrósćicy II 6:1 (5:0) 

Zestawa domjacych: Matik – Wróbl, K. Pakoßnik, Hoge, R. Cyž (54. Langer, 83. Zynda), Ch. Cyž, Peschmann, Zelnak, Clausen (76. Ladewig), J. Pakoßnik (68. M. El Dor), Kurink (54. Bulank)

Zestawa hosći: Hejduška – M. Donat, C. Handrik, Zynda, Kreuz, Liznar (62. S. Handrik), Ch. Zahrodnik, Wencl, Rätze (86. M. Mark), Matik (54. S. Donat), K. Mark (54. J. Donat)

K lětušej poslednjej domjacej hrě wočakowachu klóšterscy koparjo před wjace hač 100 přihladowarjemi druhe zastupnistwo z Chrósćic k serbskemu derbyjej. Po wysokej poražce tydźenja pola načolnika tabulki z Arnsdorfa chcychu so chowancy trenarskeje dwójki Frank Schneider/Kai Frenzel wězo zaso na čaru wuspěcha wróćić.

Čehodla nic hnydom tak?

wutora, 14. nowembera 2023 spisane wot:

FC Lok Lipsk –

FC Energija Choćebuz 2:2 (1:0)

Zestawa hosći: Sebald – Slamar, Hildebrandt, Campulka, Milde (70. Prokopenko), Heike, Putze (46. Pelivan), Hofmann, Halbauer (70. Ndualu), Oesterhelweg (46. Euschen), Thiele

Nimale 70 mjeńšin nima FC Energija přistup k hrě přećiwo Lipšćanam. Hač na wólny kop Tima Heike w 65. min., kotryž Niclas Müller we wrotach lokomotiwy z kuta drapny, njemějachu hosćo žanu šansu na wrota.

Potom pak zaměni trenar Claus Dieter Wollitz Maksimiliana Propopenka a Rudija Nduala. Wotnětka dósta wustup hosći nowu kwalitu. Lok pokaza so hnuty a njepřińdźe wjac ze swójskej połojcy won, tak zo so Timmyjej Thiele sezonowe wrota čo. štyri a pjeć poradźichu. W pjećminutowskim přidatnym hrajnym času bychu samo nimale hišće dobyćerske wrota docpěli. Georg Zielonkowski

W Slepom jugger hraja

wutora, 14. nowembera 2023 spisane wot:
Na Wyšej šuli „dr. Marja Grólmusec“ Slepo wukonjeja šulerki a šulerjo hižo wjacore lěta sportowu družinu jugger. Trenar mustwa je šulski socialny dźěłaćer rěčneho centruma WITAJ Frank Stukatz (zady naprawo stejo). Njedawno dobychu Slepjanscy šulerjo pokalnu hru přećiwo Wyšej šuli Rózbork z 3:1. Jugger je hra z polstrowanymi kijemi. Z tutymi dyrbi so přećiwnik po móžnosći zadźeržeć, zo njemóhł hrajny nastroj (jugg) do cila přinjesł. Hra, kotraž je jara fairna, je na Slepjanskim kubłanišću woblubowana. Foto: Marcel Rjelka

Wuslědki (14.11.23)

wutora, 14. nowembera 2023 spisane wot:

Kopańca, wokrjesna liga stafla I

1. Arnsdorfske KT 12 50 : 16 33

2. Bretnig-Hauswalde 12 43 : 20 27

3. ST Marijina hwězda 12 43 : 21 25

4. ST Porchow 11 32 : 18 23

5. SZ Steinigtwolmsdorf 11 29 : 29 16

6. ST Wjelećin 12 29 : 35 16

7. Motor Kumwałd 11 33 : 29 15

8. HZ Rakecy II/Minakał II 12 22 : 42 15

9. TSV Wjazońca 12 21 : 24 14

10. TSV Wjernarjecy 12 23 : 29 14

11. HZ Frankenthal 11 13 : 26 11

12. SJ Chrósćicy II 10 15 : 27 10

13. HZ Huska/Hodźij 11 20 : 25 9

14. SZ Drjewnica  11 9 : 41 2

Wěra do žiwjenja po smjerći

póndźela, 13. nowembera 2023 spisane wot:

Bonn (B/SN). W nowembrje na zemrětych spominamy. Naprašowanje Kölnskeho instituta YouGov za žiwjenjom po smjerći je konfesionalne rozdźěle pola 2 043 ludźi zwěsćiło. 23 procentow katolskich a 18 procentow ewangelskich křesćanow do žiwjenja po smjerći kruće wěri, pola njewěriwych zwěsćichu podźěl wosom do 19 procentow. Młódši bóle do toho wěrja hač starši ludźo. Kóždy šesty čłowjek so smjerće jara boji.

Strachi ludźi njeznjewužiwać

Drježdźany (B/SN). W zwisku z wólbami krajneju sejmow w Sakskej a Durinskej je biskop Heinrich Timmerevers před prawicarskim populizmom warnował. Wón praji: „Štóž škara a šćuwa je zapaler a žadyn posoł měra. Štóž strachi ludźi znjewužiwa, zo by so wolerjam lubił, wohrožuje drohotne kubło towaršnostneho měra.“

Předołho mjelčeli

Serija dobyćow so skónči

póndźela, 13. nowembera 2023 spisane wot:

Radebergske ST –

SJ Chrósćicy 2:0 (0:0)

Zestawa hosći: Králíček – Mark, F. Cyž (46. Sentiwan), B. Cyž, Kreuz, L. Zahrodnik (85. Graf), M. Zahrodnik, G. Zahrodnik, Matješk, Bogusz (69. C. Handrik), Młynk (78. Matik)

Sobotu podachu so Chróšćenjo do Radeberga z cilom swoju seriju njeporaženych hrow dale wutwarić. Tola hižo w předpolu bě jasne, zo budźe to wulki bój.

Spočatk hry so wobě mustwje wosebje na swójski škit koncentrowaštej. Přewažny srědk wobeju cyłkow běchu dołhe bule. Tute pak hustohdy cil njedocpěchu. Za to standarty kaž tež zamjety strašne situacije wutworichu. SJC wšitke nadběhi koncentrowanje wotwobara a tak wrotam zadźěwa. Chróšćenjo so prěni króć přez wólny kop w hrě přizjewichu. Po tym, zo bě wrotar dołhu flanku misnył, pak njezamó Klemens Mark kulowatu kožu z hłowu we wrotach zaměstnić. Dalšu dobru šansu měješe Gabriel Zahrodnik. Jeho wólny kop wrotar hosći wurjadnje wujasni.

Mjeztym hižo pjatu dypkowu hru přewjedło je dorostowe blidotenisowe mustwo Sportoweho towarstwa 1922 Radwor. Po tym, zo su chowancy wokoło trenarja Alexandera Žura wjacore mĕsacy kóždu póndźelu wutrajnje trenowali, je Žur swoje mustwo we wokrjesnej klasy přizjewił. Zašłu póndźelu nastupi Radworski kwartet přećiwo mustwu z Bukec. Tutu hru Radworčenjo z 8:6 dobychu. Mjez dźěćimi, trenarjom a přihladowarjemi knježeše wulke wjeselo. Za Radwor hrajachu: Artur Thiel, Hannes Winkler, Ludwig Jurk a Julien Sporka (wotlĕwa ). Foto: Manuela Jurkowa

Serbska debata

nowostki LND