Ataki přiběraja

póndźela, 24. julija 2023 spisane wot:

Frankfurt n. M. (B/SN). „Agresije přećiwo křesćanam ze židowskeje strony w Swjatym kraju přeco husćišo dožiwjamy“, zwěsći Pierbattista Pizzaballa w Jerusalemje. Nimo werbalnych ranjenjow křesćanow napluwaja, wosebje tež ze stron dźěći. Arcybiskop Pizzaballa prosy mjezynarodne knježerstwa z Israelom wo tamnišim połoženju křesćanow rěčeć. Bamž chce arcybiskopa jako kardinala pomjenować, zo by domoródnych lěpje zastupować móhł.

Židowske kěrchowy

Berlin (B/SN). Rownišća su w židowstwje njedótkliwe. Tohodla so jich rowy ženje njezrunaja a znowa njewužiwaja, ale často zwostanu zarosćene. W Berlinje Weißensee je na přikład tajki wuznamny 42 hektarow wulki kěrchow. Wjace hač 115 000 ludźi je na nim pohrjebane, lětnje wokoło 30 wosobow. Tež spisowaćel Stefan Heym je tam pochowany.

Biblija w lochkej rěči

„Posłuchaj lěkarja, prjed hač jeho ­trjebaš!“, serbske přisłowo namołwja.

Tuž wěnuje so student mediciny ­Pětr Dźisławk znatym a mjenje znatym chorosćam, zo by je ­čitarjam trochu ­bliže rozłožował (23).

Quo vadis strowotnistwo?

štwórtk, 22. junija 2023 spisane wot:

Budyšin (WeL/SN). Wo tym, zo trjeba němski strowotniski system nuznje reformy, nichtó njedwěluje. Mjeztym zo so ludnosć wo wěstotu swojeje strowoty dla starosća, boja so dźeń a bóle lěkarjo a apo­tekarjo kaž tež přistajeni w chorownjach wo swoje dźěłowe městna. Chorobne kasy a mediciniske zwjazki bědźa so dale a wjac z formularami, statistikami a běrokratiju. Pacienća pak po tym ćerpja.

Chorownju chcedźa zachować

štwórtk, 22. junija 2023 spisane wot:

Běła Woda (AK/SN). Běłowodźanska wokrjesna chorownja ma so wot lěta 2024 z přesahowacym strowotniskim centrumom stać. Tole wuzběhny minjeny štwórtk krajny rada Zhorjelskeho wokrjesa dr. Stephan Meyer (CDU). Ćežišća měli w přichodźe nutřkowna medicina, chirurgija, gynekologija a nuzowa medicina w zwisku z njezbožemi być. Dale wobchowaja w chorowni pediatriju (dźěćacy hojenski wobłuk). Hojenje na stacijach chorownje a ambulantne lěkowanje maja so sylnišo mjez sobu zwjazać. Za zastaranje na sewjeru Zhorjelskeho wokrjesa je stejnišćo Běła Woda nuznje trěbne, krajny rada podšmórny. Z jednaćelom domu Steffenom Thiele, sakskej socialnej ministerku Petru Köpping (SPD), socialnej decernentku Zhorjelskeho wokrjesa Martinu Weber a sobudźěłaćerjemi chorownje je dr. Stephan Meyer wo přichodźe domu wuradźował.

W lěću so před klěšćemi prawje škitać

póndźela, 19. junija 2023 spisane wot:

„Posłuchaj lěkarja, prjed hač jeho ­trjebaš!“, serbske přisłowo namołwja.

Tuž wěnuje so student mediciny ­Pětr Dźisławk znatym a mjenje znatym chorosćam, zo by je ­čitarjam trochu ­bliže rozłožował (22).

Runja žiwemu slěbru stupa w lěću tež požadosć mnohich bydlenje wopušćić a so wonka zaběrać, najlěpje w přirodźe. Za strowotu je to přewšo spomóžne. Wšojedne hač dźěło w zahrodce, sportowanje pod hołym njebjom abo prosće małe wuchodźowanje, aktiwita tyje ćěłu a duchej. Tendencielnje je čłowjek w lěću strowši hač w zymje. To zaleži hłownje na mjenowanej aktiwiće a na parowanju typiskich zymskich infekciskich chorosćow.

Štóž bě před třomi lětami posledni raz při Kamjenskim wustawje miłosćiwosće a jón nětko znowa wopyta, starodawne twarjenje lědma zaso spóznaje. A to ma dobru přičinu.

Kamjenc (UM/SN). Tak mjenowany wustaw miłosćiwosće, kotremuž tež Bönischowy wustaw rěkaja, je w Kamjencu zamołwitym wjele lět starosće činił. Wot časa, zo je chorownja maltezow w lěće 2020 do noweho twarjenja na kromje města přećahnyła, dom prózdny steji. Lěta­ 2019 móžeše wyši měšćanosta Roland Dantz (Swobodni wolerjo) zwjeseleny zdźělić, zo je so z Budyskej twarskej firmu Hentschke inwestor namakał.

Hormony w prawej měrje

wutora, 30. meje 2023 spisane wot:

„Posłuchaj lěkarja, prjed hač jeho ­trjebaš!“, serbske přisłowo namołwja.

Tuž wěnuje so student mediciny ­Pětr Dźisławk znatym a mjenje znatym chorosćam, zo by je ­čitarjam trochu ­bliže rozłožował (21).

Přimńće sej raz kedźbliwje za šiju na wysokosći kyrka. Tutón nadeńdźeće tam, hdźež maja mužojo mjenje abo bóle prominentnje so jewjacy wohryzk. Kyrk při póžěranju tež horje a dele pućuje. Hnydom pod kyrkom čujeće mjechki organ, kiž je za mnoho procesow čłowječeho ćěła wažny, husto pak nažel tež zawinowar chorosćow: tarčowu žałzu. Wona produkuje hormony, kiž postajeja rytmus přeměny maćiznow w ćěle. Bjez tarčoweje žałzy by runowaha tychle procesow mylena była.

Wosom typow jednoho wirusa

wutora, 16. meje 2023 spisane wot:

„Posłuchaj lěkarja, prjed hač jeho ­trjebaš!“, serbske přisłowo namołwja.

Tuž wěnuje so student mediciny ­Pětr Dźisławk znatym a mjenje znatym chorosćam, zo by je ­čitarjam trochu ­bliže rozłožował (20).

Dnjowe maćerje: „My tu tež smy“

pjatk, 12. meje 2023 spisane wot:

Budyšin (UM/SN). Žołta barba je předwčerawšim na Budyskim Hłownym torhošću dominowała. Zjednoćenstwo Budyskich dnjowych maćerjow je pod hesłom „Dnjowe hladanje dźěći samozrozumliwe“ k akciskemu dnjej před radnicu přeprosyło. „Chcemy pokazać, zo tež my tu smy. Mnohim staršim scyła wědome njeje, zo móža swoje dźěći w žłobikowej starobje tež pola dnjoweje maćerje hladać dać“, praji Bernada Bulankowa. Wona je jedna z 13 dnjowych maćerjow, kotrež w Budyšinje swoje posłužby poskićeja. „Pjenježnje njeje žadyn rozdźěl, hač so kubłarka w žłobiku abo dnjowa mać wo dźěćo stara. Při hladanju samym pak je rozdźěl wulki. W małej skupinje maksimalnje pjeć holcow a hólcow móžeš so kóždemu dźěsću indiwiduelnišo wěnować.“

Wosebity dźak dnjowej maćeri

štwórtk, 11. meje 2023 spisane wot:
Dnjowym maćerjam, kotrež zjawnosć husto jako přidatnu pomoc za pěstowarnje widźi, słuša wo wjele wjetša kedźbnosć. Wšako wone dźěći pedagogisce kubłaja a přewšo wuski zwisk k swójbam a swojim chowancam maja. Na to pokazuje tutón tydźeń cyłoněmska akcija pod hesłom „Derje zastarane – při hladanju dźěći“, kotruž Serbske šulske towarstwo podpěruje. SŠT je nošer serbskeje dźěćaceje dnjoweje skupiny w Drježdźanach, w kotrejž kubłarka Sabina Cyžowa tuchwilu pjeć dźěći zastaruje. Jednaćel towarstwa Andreas Ošika dźakowaše so tam wčera Sandrje Schmidke, kotraž dnjowu mać zastupuje. Foto: Andreas Ošika

Serbska debata

nowostki LND