Krótkopowěsće (13.10.15)

wutora, 13. oktobera 2015
artikl hódnoćić
(0 )

Kontrola ma być

Drježdźany. Sakski zličbowanski zarjad předstaji dźensa swoju lětnu rozprawu. Loni bě zarjad wudawki swobodneho stata we wjacorych padach kritizował a pobrachowace planowanje zwěsćił. Zarjad napomina k jednotnemu postupowanju hladajo na wosebite zamóženja. Někotrym frakcijam sejma zarjad wumjetuje, frakciske pjenjezy wopak zasadźeć.

Čołmarjo su spokojom

Lubnjow. Mało muškow, połne čołmy a wjace turistow z wuchodneje Europy: Błótowscy čołmarjo su spokojom z minjenej sezonu. W Lubnowje je jězbu po Błótach 400 000 hosći zahajiło, telko kaž hižo loni. W Bórkowach njemóža čołmarjo tohorunja skoržić. Woni su 40 000 hosći po groblach wozyli. Problem čołmarjow je pobrachowacy dorost.

Češa pomhaja Madźarskej

Praha. Čěske knježerstwo schwali plan pomocy Madźarskej při wobstražowanju hranicy Schengenskeje unije. W prěnjej fazy chcedźa do Madźarskeje pósłać 25 wojakow z trěbnej techniku za natwar namjeznych barjerow. Ličba čěskich wojakow a policistow, pomhacych južnu mjezu Madźarskeje stražować, na něhdźe 150 do 200 rozrosć.

wozjewjene w: Krótkopowěsće
Prošu přizjewće so, chceće-li komentar podać

Serbska debata

nowostki LND