„Serbski wósadnik“ wušoł
Choćebuz. Prěnje wudaće noweho serbskeho cyrkwinskeho łopjena z mjenom „Serbski wósadnik“ předleži. Z nim chcedźa wo serbskim cyrkwinskim žiwjenju we wosadach ewangelskeje Berlinsko-braniborskeje-šleskeje Hornjeje Łužicy informować, kaž w předsłowje rěka. Wudawaćel je Spěchowanske towarstwo za serbsku rěč w cyrkwi.
Potrěbnych wobdarił
Špindlerův Mlýn. Njewšědnje šćedriwy bě tele dny předewzaćel Alexandr Bílek z čěskich Kyrkonošow. W swojim hotelu w Špindlerovym Mlýnje zmóžni wón štyrceći wopušćenym a chudym ludźom pjeć dnjow trajacy darmotny přebytk. Někotrym z nich je samo jězbne kóšty zarunał. Akciju bě Bílek internetnje nastorčił.
December na rekordnym puću
Offenbach. Lětuši hodownik ma najlěpše wuhlady, so z najćoplišim decembrom po zahajenju zapisowanja stać. Dotalny rekord běchu lěta 1934 z přerěznje 4,8 stopnjemi naměrili, piše němska wjedrarnja w Offenbachu. Aktualny december ma hižo nětko wyši přerězk. Miłe wjedro ma tež w januaru dale trać, byrnjež na něšto nišim niwowje.
Profijowe zrěčenje podpisał