Fairny a napjaty sportowy bój

póndźela, 15. julija 2019
artikl hódnoćić
(0 )
Najebać špatne wjedro je so sobotu we Worklecach wosom bičwolejbulowych dwójkow wubědźowało. Dobyło je turněr serbske  duwo Ludwig Eckert/Clemens Eckert.  Foto: Jörg Stephan Najebać špatne wjedro je so sobotu we Worklecach wosom bičwolejbulowych dwójkow wubědźowało. Dobyło je turněr serbske duwo Ludwig Eckert/Clemens Eckert. Foto: Jörg Stephan

Pjaty raz wotmě so sobotu na Worklečanskim sportnišću bičwolejbulowy turněr Captainscup. Tež lětsa běchu wupisane dźesać městnow z časom wuknihowane, štož organizatorow Matthija Šěna, Ludwiga Eckerta a Marcela Rjelku chětro zwje­se­li. Samo z Lipska, Kamjenicy a Choćebuza su hrajerjo přichwatali.

Časowy započatk turněra, kotryž steješe prěni króć pod kmótřistwom Alojsa Mikławška, běše na wubědźowanskim dnju hišće tróšku njejasny, dokelž so mócnje kidaše a trawnik sportnišća steješe zdźěla pod wodu. Snano­ tež hlada­jo na wjedro stej potom tola hišće dwaj cyłkaj krótkodobnje wot­pra­jiłoj. Ale nalada přitomnych hrajerjow běše najebać to dobra a krótko do 10 hodź. so pomału wuwjedri. Tak móžachu hry dypkownje zahwizdać.

wozjewjene w: Sport
Prošu přizjewće so, chceće-li komentar podać

Serbska debata

nowostki LND