Wolejbulistki SGB znowaz bronzu w sakskim finalu

wutora, 20. měrca 2018
artikl hódnoćić
(0 )
W sakskim wolejbulowym finalu wubědźichu sej holcy 10. a 11. lětnika Serbskeho gymnazija Budyšin w Dippoldiswaldźe wo spjet bronzowu medalju. Stejo wotlěwa: kapitanka Luiza Šubertec, Judit Wićazec, Wibke Zickmüller, Lea Krječmarjec, Verena  Suchec, Měrko Korjeńk; klečo wotlěwa: Liza Hrjehorjec, Tadeja Šeferec a Helena Hejduškec  Foto: Měrko Korjeńk W sakskim wolejbulowym finalu wubědźichu sej holcy 10. a 11. lětnika Serbskeho gymnazija Budyšin w Dippoldiswaldźe wo spjet bronzowu medalju. Stejo wotlěwa: kapitanka Luiza Šubertec, Judit Wićazec, Wibke Zickmüller, Lea Krječmarjec, Verena Suchec, Měrko Korjeńk; klečo wotlěwa: Liza Hrjehorjec, Tadeja Šeferec a Helena Hejduškec Foto: Měrko Korjeńk

Najwuspěšniše holče wolejbulowe mustwo Serbskeho gymnazija Budyšin (SGB) je sej w krajnym finalu wubědźowanja „Młodźina trenuje za olympiju“ w starobnej skupinje II mjez šěsć startowacymi gymnazijemi wospjet bronzu wuwojowało. Je to hižo štwórta medalja w pjatym sakskim finalu.

Po dobyću bronzy w aprylu 2014, šestym městnje w měrcu 2015, slěbru w měrcu 2016 a bronzy w měrcu 2017 slědowaše za nje tydźenja dalša bronzowa medalja. Kajki to wospjetny grandiozny wuspěch wolejbulistkow 10. a 11. lětnika SGB. Tak je so kóžda přidatna kapka potu na pjatkownych popołdnišich treningowych jednotkach wudaniła.

Serbski gymnazij Budyšin – Gymnazij Brandis 2:0 (25:12, 25:20)

wozjewjene w: Sport
Prošu přizjewće so, chceće-li komentar podać

Serbska debata

nowostki LND