Je z tradiciju, zo poda so chór Lipa jónu wob lěto na wulět ze swójbnymi. Je to zdobom mały dźak swójbnym, kotřiž nas spěw­arjow a spěwarki na koncertach a při wšelakich akcijach přez cyłe lěto­ podpěruja. Druhdy zwjazamy wulět ze zwučowanskim lěhwom. Lětsa pak wuda so rjana składnosć sej do Kulowa dojěć. Towarstwo Bratrowstwo bě naš chór minjenu njedźelu na swój patro­natny swjedźeń přeprosyło.