Program dźěći a Koćinski twarožk na adwentničce

srjeda, 07. decembera 2016
artikl hódnoćić
(0 )
Tójšto staršich ludźi je tele dny adwentničku w Němcach wopytało a tam dobru zhromadnosć dožiwiło.  Foto: Achim Nowak Tójšto staršich ludźi je tele dny adwentničku w Němcach wopytało a tam dobru zhromadnosć dožiwiło. Foto: Achim Nowak

Na swoju tradicionalnu adwentničku běchu Němčanscy wuměnkarjo tele dny do Grofic galerije přeprošeni. Wjace hač 60 staršich ludźi je přeprošenje sćěhowało.

Zamołwita za dźěło ze seniorami Roswitha Šołćina wšitkich wutrobnje witaše. Zhromadnje spěwachu woni adwentne a hodowne pěsnje. Talerje ze słódnym wosuškom a kofej hižo wabjachu. Po tym postrowichu rentnarjow chowancy Němčanskeje pěstowarnje „Pumpot“. Ze serbskimi spěwami kaž „Swjaty Mikławš“ a wo rumpodichu kaž tež z dalšimi woni přitomnych zawjeselichu. Skupina předšulskich dźěći předstaji mały skeč. Z darom a wulkim přikleskom hosćo małych wuměłcow rozžohnowachu.

wozjewjene w: Serbski powěstnik
Prošu přizjewće so, chceće-li komentar podać

Serbska debata

nowostki LND