Duchowny oratorij nazwučowali

wutora, 04. septembera 2018
artikl hódnoćić
(0 )
Pod nawodom dirigenta Petra Cyža (srjedźa) a z pomocu pianistki SLA Soyoung Kim (naprawo) su spěwarki a spěwarjo chóra Meja minjeny kónc tydźenja w Jaworniku oratorij „Israelowa zrudoba a tróšt“ nazwučowali.  Foto: Marko Wjeńka Pod nawodom dirigenta Petra Cyža (srjedźa) a z pomocu pianistki SLA Soyoung Kim (naprawo) su spěwarki a spěwarjo chóra Meja minjeny kónc tydźenja w Jaworniku oratorij „Israelowa zrudoba a tróšt“ nazwučowali. Foto: Marko Wjeńka

Swoje kóždolětne zwučowanske lěhwo je Radworski chór Meja minjeny kónc tydźenja w Jaworniku přewjedł. W katolskim zetkawanskim a swójbnym wustawje swj. Wjacława mějachu spěwarki a spěwarjo, kotřiž su tam minjene lěta hižo wospjet přebywali, najlěpše wuměnjenja k zwučowanju.

W srjedźišću lětušeho proboweho lě­h­wa steješe Korle Awgusta Kocorowy duchowny oratorij „Israelowa zrudoba a tróšt“, kiž bě sławny serbski komponist lěta 1861 napisał a kotryž je wuraz jeho wysokeje wuměłskeje zdokonjanosće. Wotpowědnje wobćežne běchu „nor­malne“ proby chóra minjene tydźenje. Pod nawodom dirigenta Pětra Cyža a ze skutkownej pomocu pianistki Serbskeho ludoweho ansambla Soyoung Kim so Mejanam poradźi, twórbu w dalokej měrje nazwučować.

wozjewjene w: Serbski powěstnik
Prošu přizjewće so, chceće-li komentar podać

Serbska debata

nowostki LND