Na domchowance pola susodow

štwórtk, 13. septembera 2018
artikl hódnoćić
(0 )
Na wopyće delegacije Chróšćanskeje gmejny w Leśnicy přepoda wjesnjanosta Marko Kliman swojemu pólskemu koleze Łukaszej Jastrzembskemu (prědku  wotprawa) žnjenski chlěb.  Foto: Katharina Jurkowa Na wopyće delegacije Chróšćanskeje gmejny w Leśnicy přepoda wjesnjanosta Marko Kliman swojemu pólskemu koleze Łukaszej Jastrzembskemu (prědku wotprawa) žnjenski chlěb. Foto: Katharina Jurkowa

Delegacija gmejny Chrósćicy pod nawodom wjesnjanosty Marka Klimana (CDU) poda so minjeny kónc tydźenja na wuprawu do partnerskeje pólskeje gmejny Leśnica njedaloko Opola. Chróšćenjo wopytachu „Dożynki“, kaž tam swoju domchowanku mjenuja.

Kóžde druhe lěto zarjaduje Leśnica domchowanku w jednym ze swojich wjesnych dźělow. Lětsa zahaji so swjedźeń z wulkim swjedźenskim ćahom sobotu popołdnju we wsy Raszowa. Nimo mnohich pyšenych wozow pokazachu w swjedźenskim ćahu jědnaće krasnych žnjenskich krónow. Kóždy wjesny dźěl gmejny bě jednu nawił. Najrjeńše króny su mytowali. W stanje su z pisanym programom pokročowali. Tež někotryžkuli němskorěčny programowy dypk při tym zapřijachu, wšako přisłušeja wjacori wobydlerjo Leśničanskeje gmejny němskej mjeńšinje w Pólskej. Dalša wosebitostka domchowanki bě, zo přepoda kóždy wjesny dźěl wjesnjanosće „žnjenski chlěb“. Tež Chróšćenjo běchu sej tajki chlěb wot pjekarja napjec dali a jón hosćićelam darichu.

wozjewjene w: Serbski powěstnik
Prošu přizjewće so, chceće-li komentar podać

Serbska debata

nowostki LND