W Ralbicach knježi tučasnje dobra nalada

wutora, 23. julija 2019
artikl hódnoćić
(0 )
Při 3. serbskim supercupje je Krystof Gloxyn (druhi wotprawa), trenar wokrjesneho wyšeho ligista Sokoła Ralbicy/Hórki, hišće  tróšku měrnje na trenarskej ławce sedźeć móhł. Při winowatostnych hrach pak tajki wobraz hižo móžny njebudźe. Potom  budźe rodźeny Ralbičan swój cyłk stejo z kromy hrajnišća dirigować. Foto: Jan Hrjehor Při 3. serbskim supercupje je Krystof Gloxyn (druhi wotprawa), trenar wokrjesneho wyšeho ligista Sokoła Ralbicy/Hórki, hišće tróšku měrnje na trenarskej ławce sedźeć móhł. Při winowatostnych hrach pak tajki wobraz hižo móžny njebudźe. Potom budźe rodźeny Ralbičan swój cyłk stejo z kromy hrajnišća dirigować. Foto: Jan Hrjehor

Wjelelětny wrotar Sokoła Ralbicy/Hórki Chrystof Gloxyn ma swoju prěnju hrajnu dobu jako trenar za sobu. 29lětny rodźeny Ralbičan, kiž bydli w Bretnigu-Hauswalde, měješe do sezony wulki respekt před swojim nowym nadawkom jako nazwučowar, je pak jón wulkotnje zmištrował. Jurij Bjeńš je so z młodym trenarjom rozmołwjał, minjenu­ sezonu wuhódnoćił a z nim do přichoda pokuknył.

Swoju prěnju sezonu jako trenar Sokoła sy na 6. městnje zakónčił. Kak spokojom sy z tutym zaměstnjenjom.

Ch. Gloxyn: Šeste městno je cyle w porjadku. Byrnjež sej z mustwom do sezony wulki cil stajili, so pod prěnimi třomi zaměstnić, njeběchmy na kóncu wulce zrudni. Wokrjesna wyša liga je ekstremnje wurunana a z jeničkim dypkom wjace bychmy na štwórtym městnje stali.

Kak spokojom sy powšitkownje z wukonom mustwa?

Ch. Gloxyn: Najprjedy raz móžu rjec, zo je nastajenje w nimale kóždej hrě trjechiło.­ Na bojowniskim polu smy tak a tak přeco hižo jara dobri byli. Hrajersce a taktisce ma kóžde mustwo zawěsće hišće rezerwy, tola w 90 procentach wšěch hrow běch z mustwom tež na tutym polu spokojom.

wozjewjene w: Sport
Prošu přizjewće so, chceće-li komentar podać

Serbska debata

nowostki LND