Bukowc. Smjerdźečanske swójbne a kubłanske srjedźišćo LIPA a Serbske šulske towarstwo přewjedźetej jutře, sobotu, wot 9 hodź. fachowu kubłansku konferencu na bywšim ryćerkuble w Bukowcu (Bocka) pola Wotrowa. Tam přednošuje wědomostnica prof. dr. Barbara Wolf z Mittweidaskeje wysokeje šule na temu „Agresije pola šěsćlětnych“. Kubłarki a kubłarjo, wučerjo a starši kaž tež dźědojo a wowki su na zarjadowanje wutrobnje přeprošeni.
Na kermušne reje
Radwor. Štóž chce sej na Radworskej kermuši zarejwać, móže to jutře, sobotu, w tamnišim hosćencu „Meja“. Tam zahraje wot 21 hodź. kapała Logarhythmus, pozdźišo přizamknje so diskoteka RDE. Wot 21 hodź. płaći zastup pjeć eurow, do toho je zastup darmotny.
Počesća wopory wójny