Jutře zaso škotuja

póndźela, 12. decembera 2022 spisane wot:
Budyšin. Posledni lětuši škotowy turněr serbskich seniorow wotměje so jutře, wutoru, w 14 hodź. w rumnosćach Budyskeho zwjazka seniorow na Löhrowej. Kartyplacanju přizamknje so cyłkowne wuhódnoćenje lětušich zetkanjow. Při tym třoch najlěpšich škotowarjow z pokalemi počesća. Kaž hłowny organizator Měrćin Nowak zdźěli, su tež tónraz nowačkojo wutrobnje witani.

Adwentno-literarny wječor

pjatk, 09. decembera 2022 spisane wot:

Chrósćicy. Hudźbno-literarne čitanje z awtorku Měranu Cušcynej a z komponistom Janom Cyžom za klawěrom dožiwja wopytowarjo jutře, sobotu, w 19.45 hodź. w Chróšćanskej putniskej hospodźe. Ze swojimi cunimi adwentnymi stawiznami kaž „W Hodźanach“, „Jandźe­lina“ abo „Flockdownkino“ přihotuje ­Měrana Cušcyna publikum tak prawje na hody. Ale tež na dalše zabawne powědančka, na stawiznički wo ludźoch a humorno-skurilne wobkedźbowanja wšědneho dnja smědźa so zajimcy wjeselić.

Z horcym winom pomhać

Budyšin. Z wosebitym stejnišćom je wot dźensnišeho hač do njedźele towarstwo „Witajće w Budyšinje“ na Budyskich ­adwentnych wikach zastupjene. Na Bohatej hasy napřećo drogeriji DM poskićuja horce wino kaž tež wot ćěkancow zhotowjene hodowne dariki. Tež rozmołwy budu při stejnišću móžne. Dobytk budźe na dobro dźěławosće towarstwa.

Na wiki do klóštra

Brigada koncertuje

štwórtk, 08. decembera 2022 spisane wot:
Budyšin. Chór 1. serbskeje kulturneje brigady přeproša wutrobnje na swój tradicionelny adwentny koncert sobotu, 10. hodownika, w 17 hodź., lětsa do Budyskeje Marje-Marćineje cyrkwje. Tam zaklinči Čěska hodowna mša, kotraž njeje jenož pola čěskich susodow swojich ludowych melodijow dla přewšo woblubowana. Sobuskutkowacy budu nimo chóra 1. serbskeje kulturneje brigady solisća Praskeho konserwatorija kaž tež orchester Serbskeho ludoweho ansambla. ­Cyłkowny wuměłski nawod změje cyrkwinski hudźbny direktor Friedemann Böhme. Zastup je darmotny, organiza­torojo a wuhotowarjo pak proša wo kolektu za financowanje koncerta a za koncertnu jězbu brigady w juniju 2023.

Hody dale jědu

srjeda, 07. decembera 2022 spisane wot:
Sulšecy. Pućowace jewišćo NSLDź a SLA z programom „Hody jědu“ tež přichodne dny w serbskich wjeskach zastanje. Na mobilny adwentny kalender wjeselić smědźa so jutře při Sulšečanskim kulturnym domje a pjatk při Radworskej „Meji“. Přichodny tydźeń móža ludźo program wot póndźele do pjatka na Malešanskej nawsy, na Smolic statoku we Wěteńcy, při klóšterskej bróžni w Pančicach-Kukowje, při Jasčanskej „Bjesadźe“ a w Bukecach na farskim dworje dožiwić. Započatk je stajnje we 18 hodź.

Počesća K. A. Kocora

póndźela, 05. decembera 2022 spisane wot:
Budyšin. Ze zhromadnym zarjadowanjom počesćitej Budyske staroměšćanske towarstwo a archiwny zwjazk wutoru, 6. decembra, w 19 hodź. w archiwnym zwjazku na Hrodowskej 12 Korlu Awgusta Kocora k jeho lětušim 200. po­smjertnym narodninam. Wo hudźbniku a komponisće přednošuje Měrko Šołta. K tomu zanjese dujerski kruh Consonare pod nawodom Evelyn Fiebiger twórby Kocora. Zastup je darmotny.

Premjera „Zernički“

pjatk, 02. decembera 2022 spisane wot:

Budyšin. Nowe serbske ewangelske spěwarske „Zernička“ změja njedźelu, 4. decembra, w 15.30 hodź. na Michałskej farje w Budyšinje swoju premjeru. Po kemšach (14.30 hodź. w Michałskej cyrkwi) předstaji so na slědowacej adwentničce zběrka z wjace hač 100 načasnymi kěrlušemi kaž tež z modlitwami za dźěći ­a młodźinu zjawnosći. Mjez druhim předleži nětko znaty němski kěrluš ­Dietricha Bonhoeffera „Von guten ­Mächten“ prěni raz w hornjoserbskim přełožku. Ilustrowała je „Zerničku“ ­grafikarka a molerka Jutta Mirtschinowa. Podate gitarowe akordy zmóžnja lochki instrumentalny přewod kěrlušow.

Wo dožiwjenjach w Assisiju

Chrósćicy. Spušćić komfort bohateho staršiskeho domu a jako chuduški prědar Boha slědować – to je Weroniku Žurowu z Lejna na swjatym Franciskusu a swjatej Klarje jimało. Fascinacija za jeju zmužitosć je Weroniku Žurowu dowjedła na městnosć jeju skutkowanja. Wo swojich dožiwjenjach w italskim měsće Assisiju, hdźež běštaj Franciskus a Klara žiwaj, rozprawja wona jutře, sobotu, w 19.45 hodź. w Chróšćanskej putniskej hospodźe.

Chór koncertuje w cyrkwi

Piwo warić wuknyć

štwórtk, 01. decembera 2022 spisane wot:
Smochćicy. Interaktiwny a kulinariski seminar warjenja piwa wuhotuje Smochčanske kubłanišćo swjateho Bena wot 31. měrca hač do 2. apryla 2023. Myslene je zarjadowanje předewšěm za nowačkow, kotřiž chcedźa nawuknyć, kak móžeš doma sam piwo warić. Wobdźělnicy dóstanu dohlad do wšitkich wobłukow tohole rjemjesła a změja składnosć, w Smochćicach pod nawodom fachowcow swójske piwo warić. Zastupjerjo wjacorych piwarnjow a fachowi wikowarjo rozłoža, kotru techniku a kotre surowizny trjebaš, chceš-li doma piwo warić. Přizjewjenja přijimuja internetnje pod www.bildungsgut-schmochtitz.de.

Seniorojo škotowali

srjeda, 30. nowembera 2022 spisane wot:

Kozarcy. . Jedna škotowarka a 26 ško­towarjow je so wčera na lětušim před­poslednim škotowym turněrje serbskich seniorow w Kozarcach wobdźěliło. Z 3 214 dypkami doby Achim Kral před Geratom Šmelingom (2 728) a Měrkom Šmitom (2 620). Po jědnaće turněrach nawjeduje Wolfgang Kühn před Herbertom Kretschmerom a Siegfriedom Rawu. Posledni lětuši turněr wotměje so 13. decembra w Budyšinje.

Premjera „Zernički“

Budyšin. Nowe serbske ewangelske spěwarske „Zernička“ změja njedźelu, 4. decembra, w 15.30 hodź. na Michałskej farje w Budyšinje swoju premjeru. Po kemšach (14.30 hodź. w Michałskej cyrkwi) předstaji so na slědowacej adwentničce zběrka z wjace hač 100 načasnymi kěrlušemi kaž tež z modlitwami za dźěći ­a młodźinu zjawnosći. Mjez druhim předleži nětko znaty němski kěrluš ­Dietricha Bonhoeffera „Von guten ­Mächten“ prěni raz w hornjoserbskim přełožku. Ilustrowała je „Zerničku“ ­grafikarka a molerka Jutta Mirtschinowa. Podate gitarowe akordy zmóžnja lochki instrumentalny přewod kěrlušow.

Za adwentničku so přizjewić

wutora, 29. nowembera 2022 spisane wot:

Chrósćicy. Swoje wuměnkarki a swojich wuměnkarjow přeprošuje Chróšćanska gmejna na adwentničku srjedu, 7. decembra, w 15 hodź. do wjacezaměroweje hale Jednota. Dla organizatoriskich přičin proša wo přizjewjenje na gmejnje hač do 1. decembra pod telefonowym čisłom 035796/ 96 210 abo přez mejlku na adresu .

Radźićeljo wuradźuja

Worklecy. Wustawki wo wotrunanju čestnohamtskeho dźěła we Worklečanskej gmejnje budu jedna z temow přichodneho posedźenja Worklečanskeje gmejnskeje rady štwórtk, 1. decembra, w 19 hodź. w tamnišej šuli. Dale póńdźe wo wohnjowu alarmowu připrawu za Worklečansku pěstowarnju „K wódnemu mužej“ a wo nadawk za wobstaranje drasty a wuhotowanja za gmejnsku wohnjowu woboru.

SKI přidatnje wotewrjena

pjatk, 25. nowembera 2022 spisane wot:

Budyšin. Na adwentnych sobotach budźe Serbska kulturna informacija přidatnje wot 10 do 15 hodź. wotewrjena a skića kóždu sobotu wosebite zarjadowanja. Tak přewjedu tam jutře dźěłarničku debjenja hodownych kulow. Na dalšich sobotach zhotowjeja tykački, podadźa so na slědy Serbow w Budyšinje a zhotowjeja šćěpjelowe taflički z wosobinskimi motiwami. Přizjewjenja přijimuja pod telefonowym čisłom 03591 42105.

Wuhotuja adwentne wiki

Ćisk. Zhromadne adwentne wiki wuhotuja Ćišćanske towarstwa jutře, sobotu, wot 14 do 19 hodź. na tamnišej nawsy. Wohnjowi wobornicy staraja so wo lěhwowy woheń a dźěćace towarstwo organizuje pječenje chlěba na kiju. Młodźina poskićuje pražene kołbaski, kulturne towarstwo pak plincy, kofej a tykanc. Horce wino dóstanu wopytowarjo při stejnišću rejwanskeje skupiny. Na Ćišćanskim ­statoku předawaja plećene, drjewowe a keramiske wudźěłki kaž tež tajke z Rudnych horin. W 17.30 hodź. wočakuja rumpodicha, z kotrymž chcedźa sej zhromadnje zaspěwać.

Spěwaja do adwenta

Serbska debata

nowostki LND