Klětu wola noweho měšćanostu

srjeda, 16. decembera 2020 spisane wot:

Kulow (AK/SN). Wobydlerjo města Kulowa a jědnaće wjesnych dźělow Brěžki, Dubrjenk, Hózk, Kulowc, Koćina, Mučow, Klóšterska Nowa Wjes, Rachlow, Salow, Sulšecy a Spale wola klětu noweho měšćanostu. Wólby maja so 9. meje wotměć. Móžny druhi wólbny přechod chcedźa tři tydźenje pozdźišo přewjesć, potajkim 30. meje. To je Kulowska měšćanska rada na swojim zašłym posedźenju wobzamknyła. Sydomlětna hamtska doba měšćanosty so potom skónči.

Nimo wjetšich rěkow, kaž je to Klóšterska woda, dyrbja zamołwite zarjady wobstajnje tež mjeńše hladać, zo njebychu so zanjerodźili. Wšako spjelnjeja wažnu funkciju při wotwodźowanju wody. Při Dobroščanskej wodźe dźěłaše tele dny krajinotwarska ­firma z Łuha. Jan Pöschel wurězowaše tam hałzy a rozkuskowaše je hnydom na městnje. Foto: Feliks Haza

Wulki nawal nahubnikow dla

srjeda, 16. decembera 2020 spisane wot:
Wulki nawal knježeše wčera w apotekach, jako smědźachu sej ludźo z rizikowych skupin koronawirusa dla darmotne nahubniki typa FFP2 wotewzać, kaž tule w apotece Thomasa Neumanna (nalěwo) na Salomonowej w Zhorjelcu. Po informacijach zwjazka apotekow posłužowachu sobudźěłaćerjo dwójce telko pacientow kaž hewak. W někotrych lěkarnjach wuchodneje Sakskeje běchu nahubniki hižo připoł­dnju rozdawane. Po woli zwjazkoweho knježerstwa dóstanje 27 milionow ludźi z rizikowych skupin darmotne nahubniki. Hač do 6. januara smě sej kóždy potrjecheny tři tajke wotewzać, w druhej kročeli hišće raz dwanaće. Foto: Matthias Wehnert

Městnosće jasne

srjeda, 16. decembera 2020 spisane wot:

Budyšin/Drježdźany (SN/JaW). Po wšej Sakskej běža přihoty, zo móhli prawje bórze započeć wobydlerjow přećiwo koronawirusej šćěpić, ručež trěbny serum změja. Wo tym informuje sakske minis­terstwo za socialne a towaršnostnu zwjazanosć na naprašowanje.

Dźiwy geologije serbsce (22 a kónc)

srjeda, 16. decembera 2020 spisane wot:

Idejowe wubědźowanje sakskeho fondsa „Čiń sobu!“ je we wosebitej kategoriji „Žiwa dwurěčnosć“ znowa tworićelskosć na dobro našeje maćeršćiny po­zbudźiło. Serbske Nowiny tule dźensa posledni projekt w serialu předstaja.

We Wochožanskim parku błudźenkow budźe přichodnje móžno, so digitalnje tež serbskorěčnje po najwjetšej kamjenjowej zahrodźe Europy wodźić dać. Poskitk wudospołnja tak mjenowany, tuchwilu němčinu, pólšćinu a čěšćinu wopřijacy audioguide, z kotrymž móža sej wopytowarjo park samostatnje ze šmóratkom wotkryć. Wotpowědna aplikacija, kotruž tuchwilu dowuwiwaja, ma klětu na zwučenych platformach, kaž na přikład Google play abo App store, jako darmotny download přistupna być.

Krótkopowěsće (16.12.20)

srjeda, 16. decembera 2020 spisane wot:

Hladarnje jara potrjechene

Budyšin. Wo 295 nowych natyknjenjach z koronawirusom rozprawješe wčera Budyski wokrjes. Třo pacienća zemrěchu. Jara potrjechene su hladarnje w Sprjewinym Dole, Budyšinje, Ohornje, Biskopicach a Kamjencu, hdźež zwěsćichu wot kónca zašłeho tydźenja dohromady 133 infekcijow. W Zhorjelskim wokrjesu bě wčera w zwisku z koronu dalše 223 infekcijow a 14 smjertnych padow.

Hriwny přeco hišće měnjeja

Erfurt/Drježdźany/Frankfurt n. M. Ludźo w Durinskej a Sakskej namakaja přeco hišće mnóstwa stareje měny hriwny, hdyž rumuja abo hdyž namrěwaja. Lětsa měnjachu w filialach zwjazkoweje banki hač do kónca nowembra 1,86 ­milionow hriwnow, kaž z ličbow kreditneho instituta za wobaj krajej wuchadźa. Mějićeljo sumow stareje měny dóstachu za to 952 228 eurow.

Pjerizna dyrbi nutřka wostać

Najrjeńši štomik před apoteku

wutora, 15. decembera 2020 spisane wot:
Zo bychu sprjewine město adwentnje wupyšili, su lětsa na hasach a naměstach nutřkowneho města 350 šmrěkow rozdźělili. Mnozy přemysłownicy su je po swojich předstawach wupyšili. Minjeny pjatk je Budyski kulturny běrow wuhódnoćił, kotry štomik je so wosebje derje radźił. Rozsudźili su so za štomik, kotryž nimoducym před měšćanskej apoteku na Hłownym torhošću posměwk do wobliča kuzła. Štomik njeje mjenujcy jenož rjenje wupyšeny, ale na nim wisaja tež krótke pozbudźace poselstwa. Jako dźak přepoda nawoda kulturneho běrowa Andreas Hennig mějićelce lěkarnje Sylwiji Jancynej welnesowy dobropis. Foto: Laura Ziegler

Policija (15.12.20)

wutora, 15. decembera 2020 spisane wot:

Pjenjezy duplikaty byli

Wojerecy. Z witriny wotnožki pjenježneho instituta na Hrodowej we Wojerecach su njeznaći w nocy na minjenu njedźelu wustajene pjenjezy pokradnyli. Kaž policija zdźěli, pak jedna so wo duplikaty. Kelko jednotliwych pjenjez su skućićeljo sobu wzali, njeje hišće jasne.

Centralna biblioteka začinjena

wutora, 15. decembera 2020 spisane wot:

Budyšin. Wot nowych škitnych naprawow, kotrež wot wčerawšeho w Sakskej płaća, su tež serbske institucije potrjechene. Kaž Serbski institut zdźěli, wostanje serbska centralna biblioteka hač do 10. januara 2021 začinjena.

Za wikowarjow a kupcow

Budyšin. Dokelž dyrbja drobnowikowarjo swoje wobchody zawrjene měć, skići jim město Budyšin móžnosć, aktualne poskitki internetnje pod www.bautzen.de předstajić. Tam móža wobchodnicy darmotnje informować, što móža kupcy online skazać a hač jim twory domoj přiwjezu.

Radźićeljo so schadźuja

Pančicy-Kukow. Přichodne posedźenje gmejnskeje rady Pančicy-Kukow wot­měje so zajutřišim, štwórtk, w 19 hodź. w awli Šule Ćišinskeho. Na dnjowym porjedźe steji nimo twarskich naležnosćow wotzamknjenje zrěčenja wo planowanju a přizamknjenju noweje bydlenskeje štwórće z milinu.

Móža wuwiće posudźować

wutora, 15. decembera 2020 spisane wot:

Hač do januara naprašuja so wobydlerjow města a wjesnych dźělow

Kulow (AK/SN). Wuwićowy koncept hač do lěta 2035 zdźěłuja tuchwilu za město Kulow a jeho jědnaće wjesnych dźělow. Kaž měšćanosta Markus Posch (CDU) zdźěli, z tymle konceptom lokalne problemy analyzuja a móžne naprawy města pomjenuja. Při tym město swojich wobydlerjow intensiwnje sobu zapřijima.

W Kulowje přewjeduja tuchwilu wobydlerske naprašowanje wo měšćanskim wuwiću. Hač do 11. januara móža woby­dlerjo na internetnej stronje www.wittichenau.de wozjewjeny naprašnik z namjetami, pokiwami a kritikami wupjelnić a měšćanskemu zarjadnistwu připósłać.

Serbska debata

nowostki LND