Sćežor wobmyslenja wuwabił

štwórtk, 03. septembera 2020 spisane wot:
Wobydlerjo Limbarka we wokrjesu Sprjewja-Nysa hněwaja so na nowy škričkowanski sćežor, dokelž boja so strowotnych poćeženjow elektromagnetiskeho pro­mjenjenja dla. Němska telekom bě 100 metrow wysoki sćežor natwariła a spěšny ­internet a najlěpši telefoniski zwisk přilubiła. Skerje pak čuja so potrjecheni pruhow dla poćežowani. Wězo přeje sej kóždy spěšny zwisk do syćow, tajke připrawy pak nochce nichtó w bliskosći měć. Wosebje w zwisku z nowej 5G-techniku su tuchwilu hišće wulke wobmyslenja. Wšako njeje potencielne riziko za strowotu ludźi a zwěrjata dosahajcy přepytowane, kaž kritikarjo twjerdźa. Foto: Michael Helbig

Mysle ludźi sej wažić

štwórtk, 03. septembera 2020 spisane wot:
Njemóžu zwjazki a zwjazkarstwa ani naličić, kotrež chcedźa so ze swójskeje perspektiwy na strukturnej změnje po kóncu wudobywanja brunicy wobdźělić, zo bychu po móžnosći sobu lěpšinu měli z miliardow eurow Zwjazka a krajow. Hłownje pak ­běchu to dotal prócowanja z komunalnych zarjadnistwow. Wo tym, kak su tam wobydlerstwo zapřijeli, mało słyšiš. Toho­dla je za mnje Grodkowski puć wobydlerskeho wobdźělenja spomóžny přikład, kak spy­tatej zarjadnistwo a ludnosć za jedyn ­postronk ćahnyć. Komuna dyrbi w přichodźe žiwjenjahódna być. Za to trjebaš wukonite hospodarske stejnišćo runje tak kaž fungowacu infrastrukturu ze zjawnym ­wosobowym bliskowobchadom, kotryž ­to­mule narokej woprawdźe wotpowěduje, abo z wukmanjenej syću kolesowarskich pućow jako wuchadźišćom za turizm. Zo w Grodku najprjedy raz žanu ideju zaćisnyli njejsu, swědči wo tym, zo sej tam mysle wobydlerjow waža. Axel Arlt

We wosebitym busu warili

štwórtk, 03. septembera 2020 spisane wot:
Wulke wjeselo mějachu tele dny šulerki a šulerjo w Bórkowach při warjenju. We wosebje wuhotowanym „warjenskim busu“ je sej mjenujcy 75 nowačkow zakładneje šule „Mina Witkojc“ w pjeć přechodach zhromadnje běrnjacu poliwku spřihoto­wało. Z modernej kuchnju wuhotowany bus je w nadawku noweho poskićowarja wobjeda MenüPartner po puću. Pozadk akcije, kotruž w Braniborskej hižo wot lěta 2008 přewjeduja, je, budźić w dźěćoch lóšt na warjenje z čerstwymi přidawkami a zajim za strowe zežiwjenje. Zdobom dawaja jim kucharjo kaž Martin Schneider (zady) poki­wy, so jednorje a přiwšěm derje zežiwić. Foto: Michael Helbig

„Přez kromu talerja hladać“

štwórtk, 03. septembera 2020 spisane wot:

Žadanje za strukturnej změnu wotdeleka, wot ludnosće, je w Sakskej a Braniborskej dźeń a razniše. W Grodku, hdźež je Christine Herntier měšćanostka a zdobom rěčnica Łužiskeje iniciatiwy, su so tuž z wobydlerjemi zaměrnje rozmołwjeli. Wuslědki zjimachu na zakónčacej konferency.

Grodk (JoS/SN). Prjedy hač je ně­hdźe 240 wobdźělnikow předwčera­wšim w Čor­nej Pumpje zakónčacu konferencu wotměło, zajimowaše so čoło města Grodka na dźesać wobydlerskich zhromadźiznach za ideje ludźi. „Rozmołwny rjad zaběraše so wot lěća z naprawami, z kotrymiž móhło­ so město do přichoda jako ho­spodarske stejnišćo atraktiwniše stać“, rjekny Manuela Kohlbacher z kompetencneho centruma Baršć. Tón je hro­madźe z Grodkowskej komunikaciskej agenturu Füller&Krüger a z Körberowej załožbu wobdźělenski proces ke kón­cej wjedł. „Dźe-li wo swójsku žiwjensku wo­ko­linu, ludźo najlěpje wědźa, što dyrbi so woprawdźe činić.“

Wobdźělnicy konferency mějachu 109 idejow a pokiwow, kotrež su sydom temowym wobłukam přirjadowali. Žana ideja njebu wotpokazana.

Krótkopowěsće (03.09.20)

štwórtk, 03. septembera 2020 spisane wot:

Dalšej nowoinfekciji

Budyšin. Po tym zo bě wčera dźeń bjez nowych natyknjenjow z koronawirusom, informuje krajnoradny zarjad dźensa wo zwěsćenymaj nowoinfekcijomaj w Bu­dyskim wokrjesu. Potrjechenaj staj nawrótnik z dowola a kontaktna wosoba. 17 ludźi je schorjenych, 65 w postajenej karantenje. W běhu sydom dnjow bě dwanaće nowych infekcijow.

Budyski projekt nominowany

Budyšin. Z wjace hač 900 přizjewjenjow je Załožba nebenan.de 107 projektow za Němske susodske myto nominowała. Jedyn tajki projekt je „Bautzen is(s)t solidarisch“ (SN rozprawjachu). 22. septembra chcedźa dobyćerjow kraja wozjewić, z nich wuzwola třoch zwjazkowych lawreatow. Hnydom po tym móža ludźo zdobom online wo publikumowym myće „Coronahilfe“ wothłosować.

Chcedźa ćisy sadźeć

Dietmar Koark tři lětdźesatki wjesnjanosta na Horach w Halštrowskej Holi

Dietmar Koark skutkuje mjeztym 30 lět jako wjesnjanosta. Wot lěta 1990 do 1995 nawjedowaše wón gmejnu Nowa Łuka-Hory (Neuwiese-Bergen). Wot 1995 je 57lětny prěni muž w gmejnje Halštrowska Hola z jeje wosom wjes­nymi dźělemi a 3 400 wobydlerjemi. Wo je­ho wobstajnej motiwaciji, wo ćežišćach dźěła kaž tež wo jeho serbskich korjenjach je so z Dietmarom Koarkom Andreas Kirsch­ke rozmołwjał.

Knježe Koarko, dopominaće so hišće na swój prěni dźěłowy dźeń jako wjesnja­nosta?

Drěwcy (AK/SN). Jako prěnja wjes we Łazowskej gmejnje maja Drěwcy nětko němsko-serbski system pućnikow za kolesowanske šćežki. Čłonojo wjesneje rady a domizniskeho towarstwa su je tele dny na štyrjoch městnach připrawili. „Smy wjacore lěta wo to wojowali. Stajnje pak pobrachowachu pjenjezy kaž tež wola, a nichtó so zamołwity nječuješe“, měni čłon wjesneje rady Werner Bunk, kiž so tohorunja w domizniskim towarstwje angažuje.

Hotuja so na přesydlenje do Noweho Miłoraza

srjeda, 02. septembera 2020 spisane wot:

Slepo (AK/SN). Přesydlenska městnosć Nowy Miłoraz sewjernje Slepoho mjez Lěskowskim a Dźěwinskim pućom je w dalokej měrje wotkryta. To zdźěli nawoda twarskeho wotrjada Slepjanskeho zarjadniskeho zjednoćenstwa Steffen Seidlich gmejnskim radźićelam na jich wčerawšim posedźenju. Twarska firma z Krušwicy ma jenož hišće mjeńše dźěła wukonjeć, kotrež běchu při wotewzaću napadnyli. 11. septembra chcedźa płoninu přepodać. Tak móža so potrjecheni wobydlerjo Miłoraza přesy­dleć započeć.

Za přichodny wjesny towarstwowy dom w Nowym Miłorazu přewjedźechu w juliju idejowe wubědźowanje. Tři planowanske běrowy so na nim wobdźělichu. Po wuhódnoćenju idejow ma nětko Drježdźanski architekturny běrow Horst Schubert projekt planować.

Nimale dozhotowjeny je tež kěrchow za nowe sydlišćo, a to bjezposrědnje ­pódla Slepjanskeho. Jednohłósnje rozsudźichu so radźićeljo wčera za mjeno „Pohrjebnišćo Miłoraz“. Wot smjertneje njedźele 22. nowembra maja tam chowanja móžne być.

W Nowym Miłorazu maja tři puće, ­kotrež rěkaja nětko Při nasypje, Při hońtwjerskim hrodźe a Nawjes.

Policija (02.09.20)

srjeda, 02. septembera 2020 spisane wot:

Pos zhubjenu žonu namakał

Hodźij. Tójšto zastojnikow hromadźe ze staflu policajskich psow je předwčera­wšim w Chanecach (Cannewitz) pola Hodźija za 63lětnej žonu pytało. Přiwuzny bě zdźělił, zo je wona zhubjena. Wšelakich schorjenjow žony dla hrožeše strach, zo so jej ­něšto stanje. Tež helikopter nad potrjechenej kónčinu lětaše, najprjedy wšak podarmo. Skónčnje tak mjenowany mantrailer, na pytanje za čłowjekami wukubłany pos, prawy slěd namaka a policistow k žonje wjedźeše. Trochu wochłódnjenu dowjezechu ju do chorownje.

Na kermušny kofej

srjeda, 02. septembera 2020 spisane wot:
Čorny Chołmc. Na zabawne zarjado­wanje wosebiteho razu přeprošatej Domowinska župa Delnja Łužica a Złokomorowska Domowinska skupina za njedźelu, 6. septembra, do Čornochołm­čanskeho Krabatoweho młyna. Tam wotměje so wot 15 hodź. kermušny kulturny kofej. K tomu přeprosyli su sej ­hercow Złokomorowskeje přazy kaž tež swing-kapału Kula Bula, kotraž tež serbske kruchi hudźi. K zabawje porjedźeja kofej a tykanc.

Serbska debata

nowostki LND