Hódne wopomnišćoza Fryca Fobowa

póndźela, 01. junija 2015
artikl hódnoćić
(0 )
 Na Turjejskim kěrchowje su nowy rowny kamjeń za Fryca Fobowa poswjećili.  Foto: Horst Adam Na Turjejskim kěrchowje su nowy rowny kamjeń za Fryca Fobowa poswjećili. Foto: Horst Adam

Turjej (HA/SN). „Dźensa je historiski dźeń za Serbow a Domowinu w Delnjej Łužicy. Po smjerći delnjoserbskeho župana Fryca Fobowa 1975 dyrbjachmy 40 lět čakać na zjawne počesćenje a hódnoćenje jeho njesprócniweho dźěła za serbskosć.“ Tole rjekny minjeny pjatk Harald Koncak, župan župy Delnja Łužica a před­syda Domowinskeje skupiny Turjej, jako poswjećichu na Turjejskim kěrchowje znowa wuhotowane rownišćo za Fry­ca Fobowa a jeho swójbnych. Rowny kamjeń je ze serbskim napisom „K česći Fryca Fobowa, našeho njesprócni­weho wojowarja za delnjoserbsku rěč a kulturu“ wuhotowała a z jeho wobrazom wudospołniła Christine Zejmišowa z Drje­nowa. Załožba za serbski lud, gmejna Turjej a tamniša Domowinska skupina su pomnik spěchowali.

wozjewjene w: Towarstwa
Prošu přizjewće so, chceće-li komentar podać

Serbska debata

nowostki LND