Festiwal diversity wusměrja so na pisanosć a wšelakorosć
Serbske młodźinske towarstwo Pawk je zašły tydźeń młodostnych z najwšelakorišich europskich mjeńšin do Łužicy přeprosyło, zo bychu zhromadnje Festiwal diversity (mnohotnosć) swjećili. Što su na nim wšitko dožiwili, chcyše Jakub Wowčer wot předsydki Pawka Kristin Heelemanec wědźeć.
Festiwal diversity je nimo, ćeža je wotpadnyła. Čehodla je festiwal runje w Budyšinje swoju premjeru měł?
K. Heelemanec: Budyšin a z tym tohorunja Serbja w Budyšinje a blišej woklinje su znaći za swoju pisanosć a wšelakorosć kultury a wězo tež folklory, rejow, spěwow atd. Dokelž so Festiwal diversity runje na tele wobłuki wusměrja, smy sej prajili, čehodla nic tole prěni króć pola nas wuspytać, hdźe by było lěpje?
Što su wobdźělnicy w běhu festiwala wšitko dožiwili?