Židźino (UH/SN). Jónu wob lěto přeprosy Židźinske drastowe towarstwo k swačinje na pólnej mjezy. Minjenu njedźelu bě to mjeztym hižo 23. tajke zarjadowanje. Najebać horce wjedro je wjele wopytowarjow na swjedźenišćo přišło. Tam poskićachu kaž stajnje twaroh z lanym wolijom a šmałcowe pomazki. K zazběhej zaspěwa Židźinski chór, a tón poda hižo mały wuhlad na swoje 32. spěwanje pod měrowym dubom, kotrež wotměje so 27. junija w 19 hodź.