Lipjenjo z nowym předsydstwom

srjeda, 16. januara 2019 spisane wot:

Chór Lipa je na swojej hłownej a wólbnej zhromadźiznje nowe předsydstwo wuzwolił. Do toho je dotalne nawodnistwo wo swojej dźěławosći rozprawjało, a to z dobrej bilancu.

Pančicy-Kukow (SN/bn). „Dźensa je 38 našich čłonow přitomnych, z čimž smy wobzamknjenjakmani“, zwěsći 2. městopředsyda Beno Wawrich wčera wječor w awli Pančičansko-Kukowskeje Šule Ći­šin­­skeho. Tak bě wjetšina z cyłkownje 71 sobustawow na městnje. Loni su třo nowačcy – spěwarka a spěwarjej – towarstwu přistupili.

Městopředsydka Melanie Bulankowa předčita na to rozprawu dźěławosće. Dohro­­mady je chór minjene lěto pjeć wulkich­ koncertow wuhotował. Wusahowacej wjerškaj běštej za nju zhromadny wustup z chórom Slavica we wupředatej Drježdźanskej cyrkwi Třoch kralow kaž tež najebać špatne wjedro wuspěšny nócny koncert w město před Workle­čanskej kapałku. Nimo toho wuzběhny Bulankowa nahrawanje třoch spěwow za Serbski rozhłós, kotrež chce tele­ dny prěni raz wusyłać.

Znaty kulturnik dale angažowany

srjeda, 16. januara 2019 spisane wot:
W Budyšinje swjeći dźensa bywši direktor Budyskeho Serbskeho muzeja Tomasz Nawka­ 70. narodniny. Studowany etnologa bě serbsku instituciju wot lěta 1993 do 2014 nawjedował. Znaty je Nawka zdobom jako mnohostronski kulturnik. Tak njeje jenož hudźbnik, ale tež spěwar-basnik. Mnozy znaja jeho jako dudaka folklorneje skupiny Sprjewjan, kotruž bě lěta 1979 sobu załožił a z njej mnohe wustupy we a zwonka Łužicy zmištrował. Dale angažuje so Nawka we wjacorych towarstwach, kaž w Zwjazku serbskich wuměłcow, kotryž je sobu załožił. Tuž njejsu jemu dźensa jeno swójbni a přećeljo k jubilejej gratulowali, ale tež bywše kolegowki a bywši kolegojo­, kaž nětčiša direktorka Budyskeho Serbskeho muzeja Christina Boguszowa (naprawo) a dalši sobuwojowarjo serbskich towarstwow. Foto: SN/Hanka Šěnec

Z Łužicy do stolicy

wutora, 15. januara 2019 spisane wot:
Ně, meja so hišće njezeleni, ale Berlin, wabjacy za Zeleny tydźeń we wikowych halach. Wot pjatka pojědu tež busy łužiskich předewzaćow z Radworja, Niskeje, Wjelećina a wot druhdźe zaso do němskeje stolicy. Wulki je powabk, něšto dobre k jědźi abo piću woptać, sej něšto wosebite kupić abo so cyle jednorje po wustajeńcach kwětkow abo skotu rozhladować. K tomu słuša kóžde lěto kulturny program w halach Swobodneho stata Sakskeje, hdźež je tež hižo tójšto serbskich hudźbnikow, spěwarjow a rejwarjow wustupiło. Lětsa budźe tam słyšeć hnydom dwójce serbska dujerska kapała Horjany. Što nam to praji?­ Sakska hotuje w swojej hali podij za serbsku rěč a kulturu. Zdobom změja łužiske předewzaća a zarjadnišća składnosć, swoje wudźěłki a poskitki předstajić. Nětko by derje było, by-li serbšćina jako srědk wabjenja za Łužicu na stejnišćach bóle słyšeć była. Tež na to w Berlinje nadźi­jomnje­ mysla! Milenka Rječcyna

Wo dorost njetrjebaja so starosćić

wutora, 15. januara 2019 spisane wot:

Cyle w znamjenju znowazałoženja před 25 lětami steješe zawčerawšim w Salowje lětny swjedźeń towarstwa katolskich Serbow Kulowskeje wosady Bratrowstwo.

Salow (aha/SN). Kóždolětnje spočatk januara zetkawaja so čłonojo towarstwa Bratrowstwo k zabawnemu zarjadowanju. Nawjazuja tak na staru tradiciju, zo je něhdy spočatk lěta čeledź swojeho knjeza měnjała. Lětuši lětny swjedźeń zahajichu njedźelu z dźaknym nyšporom w połnje wobsadźenej Salowskej kapałce. Farar Gabriš Nawka hódnoćeše spomóžne skutkowanje towarstwa po znowazałoženju před 25 lětami. „Bratrowstwo je w Kulowskej wosadźe bytostnje k tomu přinošowało, zo su serbscy a němscy wěriwi našli zwjazowacu zhromadnosć“, wón rjekny. Zhromadźeni wuprajichu próstwu, „zo by towarstwo w swojim skutkowanju wšitkim generacijam přiwabliwe było“.

Ručne dźěło přiwšěm wostanje

wutora, 15. januara 2019 spisane wot:
Ze swinjorězanjom su sobotu na Rownjanskim Njepilic statoku rjad lětušich zarjadowanjow zahajili. Čłonojo tamnišeho spěchowanskeho towarstwa mějachu cyły tydźeń ruce połnej dźěła, zo bychu wšitko spřihotowali. Cyle tak kaž za čas Hanza­ Njepile wšak dźensa swinjorězanje hygieniskich přičin dla přewjesć njemóža. Tohodla maja tam spušćomneho dodawarja hotowych swinjacych połojcow, kotrež na połćik, kołbasu a sykane mjaso dale předźěłuja, tak zo maja přiwšěm dosć ručneho dźěła. Zo je na kóncu wšitko wulkotnje słodźało, wobkrućichu mnozy wopytowarjo, kotrychž mjez druhim Karin Krawcowa posłužowaše. Foto: Jost Schmidtchen

Namjetuje cyłoserbsku instituciju

štwórtk, 10. januara 2019 spisane wot:

Předsyda župy „Handrij Zejler“ Woje­recy­ Marcel Brauman je po wuzwolenju do zastojnstwa wjacekróć připowědźił, zo chce so za to zasadźić serbsku instituciju w srjedźnej Łužicy zaměstnić. Nětko je zamołwitym w załožbowej radźe­ a Domowinje prěni naćisk namje­ta předstajił.

Hłownu a wólbnu dopřihotowali

štwórtk, 10. januara 2019 spisane wot:
Budyšin (kl/SN). Předsydstwo župy „Jan Ar­nošt Smoler“ Budyšin hotuje so na hłownu zhromadźiznu 19. januara w Budyskim Serbskim domje. Na wčerawšim wuradźowanju su čłonojo tuž swoju „hłownu“ dopřihotowali. Na zhromadźiznje, kotraž je zdobom wólbna, maja delegaća župje přisłušnych Domowinskich skupin, towarstwow a dalšich cyłkow zdobom nowe předsydstwo a župana abo županku wuzwolić. Dojednali su so čłonojo předsydstwa na časowy plan a dnjowy porjad zhromadźi­zny. Disku­towali su tohoru­nja wo roz­prawje skutkowanja předsydstwa, kotruž ma tuchwilna županka Jana Pětrowa přednjesć. Zdobom namołwjeja čłonojo předsydstwa angažowanych młodych ludźi, kotřiž su zwólniwi na dobro serbskeje rěče­ zamołwitosć přewzać, so gratu přimać a w župje sobu skutkować. Rozjimali su wčera tež dźěłowy plan, wobsahowacy předewzaća za přichodnej dwě lěće. Jón na hłownej zhromadźiznje předstaja. Mjez druhim chcedźa nalěto znowa dźeń wotewrjenych duri w Njechorńskim Domje Měrćina Nowaka přewjesć a dotalne šulerske projekty dale wjesć.

Rozmołwa ze starostu Serbskeho Sokoła Milanom Funku

Lěta 1920 w Budyšinje załoženy Łužiskoserbski Sokołski zwjazk bě hač do swojeho rozpušćenja na ćišć nacionalsocialistow 1933 wuspěšnje na dobro serbskeho ludu skutkował. Za čas NDR njeje so poradźiło jón wozrodźić. Po politiskim přewróće je 28. decembra 1993 skupina ludźi w Hórkach Serbski Sokoł znowa załožiła. Składnostnje 25lětneho wobstaća towarstwa je dźensniši starosta Milan Funka bywšich sobuzałožerjow a někotrych jeho aktiwnych čłonow nětko na jubilejnu swjatočnosć do Kozarc­ přeprosył. Alfons Wićaz je so z nim rozmołwjał.

Hdy sće so započał za Serbski Sokoł horić?

M. Funka: Hižo jako šuler hrajach wolejbul w mustwje Rotacija Budyšin, pozdźišo pola Słowjana a Sokoła Budyšin, kotremuž nětko tež předsteju. Zastupich po znowazałoženju 1994 do Serbskeho Sokoła. Wot lěta 2015 sym jeho starosta.

Sće so hižo do přistupa k Serbskemu Sokołej ze stawiznami Łužiskoserbskeho Sokołskeho zwjazka zaběrał?

Serbske stawizny sej wotkrywać

póndźela, 07. januara 2019 spisane wot:

Łazowske spěchowanske towarstwo Dom Zejlerja a Smolerja je zaměr swojeho skutkowanja jasnje definowało: wotkrywać sej serbske stawizny, je přeslědźić­ a wobchować.

Łaz (AK/SN). Spočatk lěta 2018 je towarstwo podobiznu w Druhej swětowej wójnje wotstronjeneje bisty Handrija Zejlerja leć dało a na Łazowskim Zejlerjowym pomniku postajiło. Čestnaj hosćej bě­štaj tehdy předsyda Domowina Dawid Statnik­ a Łazowski wjesnjanosta Thomas Leberecht­ (CDU). „Dźakowano dokładnym slědźenjam smy zwěsćili, zo njebě Budyski wuhotowar pomnikow Wjacław Mocek, ale kamjenjećesar Curt Tausch z Kinsporka bistu tworił. Tak smy historisku dźěru zapłatali“, wuswětla předsyda towarstwa Reinhardt Schneider. Towarstwo zamó z Anku Konz a Mikom Jägerom­ z Třoch Žonow a z Andreasom Löpku­ z Wojerec nowych čłonow nawabić. Wot lěta 1994 spěchowanske towarstwo mjeztym skutkuje a ma dźensa 41 čłonow. Ličba wosta minjene lěta sta­bilna.

Haja dobru zhromadnosć a sportowu zaběru

póndźela, 07. januara 2019 spisane wot:

Konjecy (aha/SN). Mjeztym 25 lět je Konječan Křesćan Gruhn předsyda tamnišeho blidotenisoweho towarstwa. Před dwaceći lětami měješe wón ideju, po hodownych swjatych dnjach přeprosyć njeaktiwnych hrajerjow na žurlu towarstwoweho domu. Minjeny pjatk zaso tak daloko bě, zo na pózdnim popołdnju pod nawodom aktiwneho hrajerja Jana Bjeńša wjace hač dwaceći dźěći ze Šunowa, Smjerdźaceje, Konjec a Ralbic za štyrjomi zelenymi blidami na swoje hrajerske zamóžnosće skedźbni. „Je to dobra składnosć za talentowanymi hrajerjemi so rozhladować“, posudźowaše Jurij Čórlich, kiž bě jako bywši aktiwny wječor jedyn z něhdźe dwaceći wólnočasnych blidotenistow. „Sym so dotal stajnje wobdźělił, dokelž mje dobra zhromadnosć wabi. A nimo toho sej ze sportom ćělnu hibićiwosć zachowaš“, wón smějo doda. Ilona Šołćina so wjeseleše, zo běštej nimo njeje dalšej žonje mjez hrajerjemi.

nawěšk

  • Sernjany su swoju róčnicu prěnjeho naspomnjenja wsy před 600 lětami z wosebitym wjesnym swjedźenjom wuspěšnje woswjećili. Tule nańdźeće někotre fotowe impresije wo tym:
Zerna feierte unlängst die Ersterwähnung des Ortes vor 600 Jahren mit einem beson

nowostki LND