Awtor dźensa
Toni Ryćer
Wutrobny postrow z Budyskeje chorownje. Ně, njejsym chory, njemějach njezbožo, ani njebědźa mje strowotniske wobćežnosće. Dźěłam přez swjate dny hač do noweho lěta čestnohamtsce w kuchni chorownje. To pomha druhim efektiwnje, dokelž runje w tutym času su dźěławe mocy hišće bóle prašane. To zwyši swójsku spokojnosć, zwjesela potrěbnych kaž tež sebje samoho a nimo toho je dobra wotměna k mojemu běrowowym dźěłu.
DEL
1. Fischtowns Pinguins 31 64
2. LM Berlin 31 63
3. Straubing Tigers 31 57
4. Žrawcy Köln 31 53
5. EHC Mnichow 31 52
6. ERC Ingolstadt 31 52
7. Grizzlyje Wolfsburg 31 52
8. Wild Wings Schwenningen 31 48
9. Adler Mannheim 31 46
10. Lawy Frankfurt 31 39
11. Panthery Auhsburg 31 35
12. Düsseldorfska EG 31 34
13. Nürnberg Ice Tigers 31 33
14. Iserlohn Roosters 31 23
DEL 2
1.EC Kassel Huskies 30 61
2. Ravensburg Towerstars 30 53
3. ESV Kaufbeuren 30 49
4. LP Crimmitschau 30 47
5. Łužiske liški 30 47
6. EC Bad Nauheim 30 47
7. EV Landshut 30 46
8. Krefedske Pinguiny 30 43
9. LM Regensburg 29 43
10. EHC Freiburg 31 40
11. Starbulls Rosenheim 30 40
12. Selbske Wjelki 30 40
13. Drježdźanske LL 30 39
14. Bietigheim Steelers 30 35
Wolejbul w Radworju
Serbske młodźinske towarstwo PAWK je dźensa wječor zarjadowar a wuhotowar nócneho wolejbuloweho turněra w Radworju. Přizjewjenja hižo móžne njejsu, startowa lisćina je z 12 mustwami kompletnje wupjelnjena. Hrać budźe so w Radworskej sportowni wot 18 hodź.
Běhanje w Němskich Pazlicach
Sportowa akcija „Wotběhanje hodowneje husycy“ přewjedźe so w Němskich Pazlicach lětsa zaso na zwučene wašnje, a to na druhim hodownym swjatym dnju, 26. decembra, jako ludosportowy běh. 23. nakład započnje so w 10 hodź..
Blidotenis w Konjecach
Blidotenisowe towarstwo Konjecy přeprošuje zaso na tradicionalny blidotenisowy wječor. Wšitcy, kiž so aktiwnje na winowatostnych hrach njewobdźěleja, smědźa pjatk, 29. decembra, do Konjec přijěć a tam za zelenymi blidami blidotenis hrać. Započatk za dźěći budźe w 17 hodź., a za dorosćenych w 19 hodź.
Kopańca we Worklecach
Na adwentnym wolejbulowym turněrje Serbskeho gymnazija Budyšin (SGB) přesadźichu so mikswolejbulisća 12. lětnika suwerenje přećiwo dalšim štyrjom cyłkam a zakitowachu tak dobyće minjeneho lěta.
Tuchwilu najlěpši a najwuspěšniši wolejbulisća na Budyskim Serbskim gymnaziju, šulerki a šulerjo 12. lětnika, dobychu minjeny tydźeń tradicionelny adwentny turněr při wysokim saku. Wjetšina z nich wojowaše w septembru w pěsku w Zwjazkowym finalu w Berlinje a wudoby sej spočatk decembra pokal abi-cupa w Budyšinje (SN rozprawjachu).
termin turněra: 09.03.2024
městnosć: sportowa hala „Slavia“ w Radworju
čas: 9 do 19 hodź.
zarjadowar: Serbski Sokoł z.t.
wuhotowar: Sokoł Budyšin z.t., Škit Budyšin z.t., Mustwo 1296, 11. lětnik Serbskeho gymnazija Budyšin
zaměr turněra: Pod sokołskim hesłom „Sportej a narodej – zdar!“ chcemy so na lóštne sportowanje a wjesołu zabawu zetkać. Zdobom chcemy styki mjez serbskimi wolejbulistakmi a wolejbulistami a dalšimi sportowčemi a sportowcami skrućić a k popularizowanju Serbskeho Sokoła přinošować.
přeprošene mustwa: Na turněr su přeprošene mustwa dotalnych turněrow kaž tež nowačcy. Wolejbulowe cyłki z Pólskeje, Čěskeje a dalšich słowjanskich krajow kaž tež zastupnistwa narodnych mjeńšin Europy su tohorunja lubje witane. Kóždy/a wolejbulist/ka, kotryž/až so do jednoho mustwa zarjaduje, njech so w swójbje sportowcow witany čuje.
Blidotenis, 1. Krajna liga
1. SG Wallroda 16 :2 14
2. SV Viktoria Räckelwitz 13 :5 8
3. SV Grün-Weiß Elstra 12 :6 6
4. SG Großröhrsdorf 10 :8 2
5. SG Wiednitz/Heide 9 :9 0
6. TTV 97 Kamenz 8 :10 -2
7. DJK TTV Cunnewitz 8 :10 -2
8. SV Seeligstadt 7 :11 -4
9. TTV Hoske/Wittichenau 7 :11 -4
10. Schwarz-Rot Hoyerswerda 0 :18 -18
Łužiske lodohokejowe liški –
Ravensburg Towerstars 2:1 p. tř. p.
(1:0, 0:0, 0:1 – 1:0)
27. hrajny dźeń, bě dźeń jubilejow w Běłowodźanskej lodowej arenje. 91 lět lodowy sport w Běłej Wodźe a 22 lět fanowy klub „Blue Sons“.
Prěnju składnosć na tutym wječoru mějachu hosćo. Nikita Quapp we wrotach Liškow puk suwerenje wotwobara. Amtěrowacy mišter DEL2 a tuchwilny druhi tabulki měješe optisce wjace hrajnych podźělow na spočatku prěnjeje třećiny a Liški čakachu sćerpnje na swoje móžnosće a kontery. Potom dóstachu Ravensburgscy lodohokejisća prěnje chłostanje a domjacy prezentowachu sylnu hru z hrajerjom wjac na lodźe. Woni dachu čornu tačel spěšnje přez rynki běžeć a docpěchu w třećim pospyće nawjedowanje 1:0. Ville Järveläinen přetwori wrota po předdźěle Louisa Andersa a Roope Mäkitala.
Šesty wolejbulowy turněr serbskich wólnočasnych mustwow w tutym lěće skónči so w Chróšćanskej „Jednoće“ z dobyćom wučerjow Serbskeho gymnazija Budyšin (SGB) před cyłkom ST 1922 Radwor a Žołto-módrymi z Kulowa.
Minjeny tydźeń póndźelu powita nawoda sekcije wolejbul SJ Chrósćicy Marian Korjeńk šěsć wolejbulowych wólnočasnych mustwow na mjeztym 18. Mikławšowy turněr do tamnišeje „Jednoty“. Spočatk wubědźowanja saha hač do lěta 2004, jako wojowachu sydom cyłkow 14. decembra wo najlěpše zaměstnjenje. A kaž na dotalnych wubědźowanjach bě sportowa atmosfera při wysokim saku jara fairna.
Sportowe towarstwo Sokoł Ralbicy/Hórki je pjatk wječor swoju wulku adwentničku přewjedło. Nimo wšěch koparjow běchu tež wolejbulisća, gymnastiska skupina, trenarjo, sudnicy a dobroćeljo zjednoćenstwa pola Ludwiga Dinarja w Nowoslicach přeprošeni. Mnoho akterow dowola, chorosće abo dźěłoweje adwentnički dla přitomnych być njemóžeše, na kóncu pak namaka so tola wjac hač 70 Sokołkow a Sokołow do Nowoslic. Najprjedy witaštaj moderatoraj wječora Denny Gloxyn a Jurij Bjeńš hosći a podźakowaštaj so pola wšěch wažnych wosobinow z małym darikom. Dierkej Šewcej zaspěwachu na jeho 15lětny jubilej, jako prezident, trójnu sławu. To jeho chětro hnuješe. Po słódnej wječeri a krótkej přestawce zahaji so blidowy kwis, kotryž tohorunja Gloxyn a Bjeńš moderěrowaštaj. Wosom blidow hraješe přećiwo sebi, a to dohromady tři koła. Blido z najwjac dypkami dósta po kóždym kole stajnje koło bjezpłatnych napojow.
Sokoł podźakuje so pola Ludwiga Dinarja za přewostajenje jeho swjedźenskeje bróžnje, dobru wječer a napoje za fairne płaćizny. Jurij Bjeńš
Kopańca, regionalna liga muži
1. Greifswaldski KK 17 34 : 13 37
2. BFC Dynamo 16 30 : 14 32
3. Viktoria Berlin 16 23 : 14 29
4. FC Energija Choćebuz 15 29 : 16 28
5. SV Babelsberg 15 21 : 17 28
6. FC Čerwjeno-běli Erfurt 17 31 : 23 23
7. VSG Altglienicke 15 29 : 21 23
8. FC Carl Zeiss Jena 16 21 : 14 23
9. FSV Luckenwalde 15 25 : 27 22
10. ZFC Meuselwitz 17 23 : 25 21
11. BSG Chemija Lipsk 15 13 : 17 20
12. Kamjeničanski FC 17 17 : 30 20
13. Hertha BSC II 15 28 : 29 18
14. Lok Lipsk 16 21 : 31 17
15. FC Eilenburg 16 18 : 26 15
16. F.C. Hansa Rostock II 17 22 : 32 13
17. FSV Zwickau 16 20 : 34 13
18. Berlinski AK 15 10 : 32 11
Wokrjesna wyša liga
1. Biskopičanske KT II 16 51 : 10 38
2. ST Horni kraj-Sprjewja 16 52 : 18 38
3. ST Hnašecy-Dobruša 15 69 : 26 35
4. Sokoł Ralbicy/Hórki 15 37 : 18 32
5. SG Großnaundorf 16 28 : 28 30
6. Módro-běli Kulow 15 31 : 24 25
7. SC Großröhrsdorf 14 32 : 25 23
8. Natwar Němske Pazlicy 15 41 : 41 21
9. Drohotka Ramnow 14 29 : 26 18
10. TSV Połčnica 15 24 : 32 18
11. HZ Łaz/Běły Chołmc 15 14 : 38 15
12. FV Ottendorf-Okrilla 15 23 : 39 13
13. Hlinowski SK 15 26 : 37 12
14. TSV Wachau 14 27 : 40 11
15. ST Radwor 15 22 : 55 9
16. ST Ćisk 15 20 : 69 3