Prěnje předstajenje inscenacije činohrajneho studija publikum zahoriło
Budyšin (SN/MG/bn). Frenetiski aplaws na kóncu premjery je stajnje dobry indic za to, zo su dźiwadźelnicy na jewišću swoje dźěło wuběrnje wukonjeli. Tež na wčerawšim prěnim předstajenju lětušeho lětnika elewow na małej žurli Dźiwadła na hrodźe w Budyšinje chwaleše publikum wukon na jewišću pře wšu měru. Žurla bě dospołnje wupředata, dohromady zličichu něhdźe 90 přihladowarjow. Lětuša inscenacija pod nawodom Torstena Schlossera je jubilejna: Mjeztym hižo 30 lět wobsteji činohrajne studijo při Němsko-Serbskim ludowym dźiwadle.
Pjaty raz wuhotuja lětsa Łužiski festiwal, wospjet z narokom być sparty a žanry přesahowacy „europski wuměłstwowy festiwal“. Dohromady je wjace hač 60 zarjadowanjow planowanych.
Budyšin (MD/SN). Dźakowano pokiwej z Litawskeje bu pruska „Agenda za evangelsku krajnu cyrkej“ z lěta 1899 w hornjoserbskej rěči namakana. Mjeztym bu žadna kniha z kemšacym porjadom, modlitwami a liturgiskimi formularami digitalizowana a je nětko zjawnje na portalu sachsen.digital přistupna.
Koparske dypkowe hryDo Kulowa pojědu jutře Němskopazličenjo a do Połčnicy Ralbičenjo. Dalšu domjacu hru změja njedźelu Chróšćenjo. A tež srjedź tydźenja dyrbja so někotre koparske hry nachwatać.27.04. 13:00 W. Dubrawa/Radwor II – SJ Njebjelčicy27.04. 13:00 ST Lubuš II – HZ Ralbicy II/Pančicy II27.04. 14:00 Biskopičanske KT – 1. FC Magdeburg II27.04. 15:00 Rakečanske ST – Wojerowski FC27.04. 15:00 Módro-běli Kulow – Natwar Němske Pazlicy27.04. 15:00 TSV Połčnica – Sokoł Ralbicy/Hórki27.04. 15:00 HZ Huska/Hodźij – SJ Chrósćicy II27.04. 16:00 FC Energija Choćebuz – Lok Lipsk28.04. 14:00 ST Marijina hwězda – ST Wjelećin28.04. 15:00 ST Radwor – SG Großnaundorf28.04. 15:00 SJ Chrósćicy – SZ Drježdźany Strěžin30.04. 18:30 SJ Chrósćicy II – ST Porchow01.05. 15:00 Wódrjeńca – SJ Chrósćicy01.05. 15:00 Wojerowski FC II – Sokoł Ralbicy/HórkiKćenjowe běhi a kolesowanjeW Kamjencu přewjedu so njedźelu, 5. meje, zaso Łužiske kćenjowe běhi. Tam změja sćěhowace k ...
Popularna dujerska hudźba a wašnja swjedźenjow zhromadnosć Łužicy a čěskeho regiona zwobraznjejaKulturne poćahi Serbow k Čecham maja dwě přirodnej ćežišći. Te prěnje je samozrozumliwje Serbski seminar w Praze z Towarstwom přećelow Serbow. Njeje to překwapjace, wšako bě jónu Praha tež stolica Łužicy a čěski kral knježeše tež nad Budyšinom. A přez cyrkwinsku administraciju eksistowachu zwiski z Prahu hač do zarjadowanja katolskeje Łužicy do znowa wutworjeneje dźensnišeje diecezy. Druhi centrum serbsko-čěskich poćahow je wjes na dalokim wuchodźe Čěskeje – Dolní Bojanovice. Přez lěta wopytow je tójšto dobreho nastało – za mnje wosobinsce je pak tute serbsko-bojanovicke přećelstwo kusk zdalene a cuze, dokelž sam přisłušam k tym přećelam Serbow, kiž so z wobswěta Praskeho Towarstwa rekrutuja. Wo wosebitych dožiwjenjach, přećelstwach a rjanych folklornych festiwalach na Morawje móža snadź hinaši eksperća rozprawjeć. ...
Z wulkim zasadźenjom policije, wohnjoweje wobory, cła a zasadźenskich mocow su wčera w Sprjewinym Dole 63lětneho muža z bywšeho zarjadniskeho twarjenja brunicoweho zawoda po pjeć hodźinach wotwjedli. Z tym zwoprawdźichu přikaz rumowanja, kiž je gmejna přesadźiła. Nimo toho předležachu přećiwo njemu wjacore přikazy zajeća. Muž bě ze Sowjetskeho zwjazka do Němskeje přišoł, njeměješe pak žane staćanstwo. Před lětami bě wón dom kupił, njeje pak trěbne podłožki podpisał. Tuž sej gmejna dom wróćo žadaše a muža napominaše, jón wopušćić. Foto: Christian Essler
Rjad serbskich filmow w BerlinjeBerlin. Pod hesłom „Serbske filmowe krajiny“ zahaja dźensa, pjatk, w Berlinje rjad předstajenjow paskow, kotryž „poda prěni raz wobšěrny přehlad wo serbskim filmowym tworjenju wot kejžorstwa hač do přitomnosće. Ćežišćo při tym su produkcije DEFA a Babelsbergskeje filmoweje wysokeje šule wot 1946 do 1992“, kaž kuratoraj dr. Grit Lemkowa a dr. Andy Räder podšmórnjetaj. Z rjadom prezenujetaj zdobom swoju knihu samsneho titula. Hač do 14. meje móža sej zajimcy w kinje „Zeughauskino“ njedźelu a wutoru kaž tež pjatk, 10. meje – stajnje w 19 hodź. – filmy, kaž na přikład „Struga – wobrazy našeje krajiny“ a „Trachten, Trash und Traditonen“ wobhladać.SLA z třomi předstajenjemi
Chróšćanska młodźinska wohnjowa wobora je njedawno zawodowu wohnjowu woboru předewzaća BASF w Carnym Gozdźe (Schwarzheide) wopytała. Tam přewjedźechu swoje wukubłanje z hadźicami a hašakami a zeznachu žiwjenje wobornikow, kotřiž su 24 hodźin w hotowostnej słužbje. Dale přewjedźechu zwučowanje z wodu a CO2-hašakami a móžachu dožiwić, kak 32 metrow wysoka dźěłowa platforma specialneho hašenskeho jězdźidła funguje. Foto: BASF
Mikławš Krawc z Budyšina piše:K stotej róčnicy załoženja jednoty Serbskeho Sokoła w Radworju (20. februara 1922) wuda redakcija wokoło Achim Buše reprezentatiwnu knihu wo stawiznach sportowanja we wsy. Wo lońšim samsnym jubileju w Ralbicach (jednota bu 30. awgusta 1923 załožena) w nowinje ničo čitać njemóžachmy. Dokoławokoło stadiona dźensa jenož hišće wulke pismo „100 lět sport w Delanach“ na jubilej skedźbnja. Při tym smědźa w Ralbicach dosć hordźi być. Běchu dźě na přikład prěnje mustwo, kiž pod sokołskim mjenom kopańcu hraješe. Kaž wo Ralbicach tak tež wo samsnej róčnicy w Pančicach-Kukowje (8. julija 1923) ničo wozjewjene njebu. Wo jubilejomaj w Komorowje pola Rakec (30. apryla 1923) a Hrodźišću (17. junija 1923) to mjenje zadźiwa. Wo lětušimaj róčnicomaj „100 lět załoženje jednoty Sokoła“ we Wotrowje (22. februara) a Njebjelčicach (16. měrca) čitarjo tež podarmo na přinošk čakachu. Škoda, wulka škoda! Hač wo jednotomaj w Delnim Wujězdźe (11. meje 1924) a Chrósćicach (8. oktobra) ...
Marian WjeńkaDokelž lědma hišće něchtó wšitke horncy ze spěchowanskimi srědkami za města a gmejny přewidźi, maja někotre komuny hižo přistajenych, kotřiž jeničce za tym slědźa, z kotreho hornca móhli sej te abo tamne srědki zawěsćić. Snano mjenowani ludźo na te wašnje samo swójsku mzdu ze spěchowanskimi srědkami zaručeja.Najnowše tajke spěchowanje je leaderowy management Hornjołužiskeje hole a hatow wupisał. Kaž Serbske Nowiny w tymle tydźenju rozprawjachu, móža so komuny a towarstwa požadać, jeli chcedźa mjeńše projekty zwoprawdźić, za kotrež móža spěchowanske srědki hač do wobjima 20 000 eurow dóstać. Za někotrehožkuli je to hižo chětro wulki projekt. To je na kóždy pad najprjedy raz chwalobne. Z telko pjenjezami hodźi so hižo něštožkuli na wsach zeskutkownić. Špak při tym je, zo trjeba komuna abo towarstwo swójski podźěl. Bjez njeho njeńdźe.
Pólski prezident chcył atomarne brónje USA w swojim kraju składowaćWaršawa. Připowědźenje USA, Ukrainje hoberski pomocny brónjenski paket 61 miliardow dolarow k wotwobaranju ruskeho nadpada přewostajić, su w Pólskej „z wolóženjom“ na wědomje brali. Přiwšěm su sej přezjedni, zo drje tež nowe brónje wójnu spěšnišo njezakónča. Zastupowacy zakitowanski minister Cezary Tomczyk je pak sej wěsty, zo móža so Ukrainjenjo nětko na fronće „Ruskej skutkownišo wobarać“.Wšo druhe hač změrowace bě to, štož je pólski prezident Andrzej Duda tele dny ludźom připowědźił: Pólska je zwólniwa atomarne brónje USA na swojim teritoriju składować, zo by ruskeho prezidenta Wladimira Putina wottrašiła. Tole je Duda w rozmołwje z nowinarjemi dźenika Fakt přeradźił. Zdobom wón na to skedźbni, zo wšak USA tajke brónje tež w druhich europskich krajach kaž w Němskej, Nižozemskej, Italskej abo Turkowskej składuja, zo móhli je w padźe wójny z Ruskej hnydom zasadźić. Nětko by tež Pólska do kruha wuzwolenych zwjazkarjo ...
Z tójšto publikumom, mjez nimi Christina Klimowa, fararka Katharina Köhlerowa, předsyda dr. Hartmut Leipner, referatny nawoda w konsistoriju Ewangelskeje cyrkwje Berlin-Braniborska-šleska Hornja Łužica dr. Clemens Bethke a dr. Christiana Piniekowa (prědku wotlěwa), je Towarstwo k spěchowanju serbskeje rěče w cyrkwi wustajeńcu składnostnje swojeho 30lětneho wobstaća wčera w Choćebuskim Serbskim domje wotewrěło. Přehladka swědči wo wobšěrnym, po časach tež sprócniwym skutkowanju cyłka wot załoženja w lěće 1994 hač do přitomnosće a je hač do 26. julija přistupna. Foto: Michael Helbig
