Swětowy dźeń šulerskeho dźiwadła z najwjetšim zarjadowanjom swojeho razu
Budyšin (SN/bn). Swětowy dźeń šulerskeho dźiwadła, kotryž je Němsko-Serbske ludowe dźiwało wčera mjeztym 24. raz w Budyšinje wuhotowało, je so wospjet jako najwjetše zarjadowanje swojeho razu we wuchodnej Sakskej wopokazało. Dohromady něhdźe 3 500 zajimcow je sej cyłkownje 30 předstajenjow na jědnaće jewišćach wobhladało. Dohromady něhdźe 600 dorostowych akterow wot zakładnošulskeho hač do powołanskošulskeho schodźenka je inscenacije w štyrjoch rěčach, choreografije a performance pokazało. „Tohodla je Swětowy dźeń šulerskeho dźiwadła tajki wulkotny podawk. Tu pokazuja dźěći a młodostni, što w nich tči. Činohra, reja, hudźba – wšo předstajeja z kreatiwitu a ze zapalom, často překwapjejo a na hłubiny dodnjacym niwowje. Hižo wjele lět wjedźe tutón dźeń njeličomne młode talenty hromadu a dopokazuje, kak drohotne dźiwadźelenje za šulerki a šulerjow je.
Małe dypki w finalnym kole wo dobyćerju rozsudźiliDokelž bě cyłk 10. lětnika Worklečanskeje Serbskeje wyšeje šule „Michał Hórnik“ dźeń do turněra wotprajił, běše jich sobotu w Radworskej Slaviji jenož jědnaće mustwow. Za jubilejny 40. sokołski wolejbulowy turněr wo pokal Domowiny je to poměrnje niska ličba mustwow, wosebje před pozadkom wolejbuloweho a bičwolejbuloweho rozmacha zašłych lět w Serbach. Starosta Serbskeho Sokoła a hłowny organizator turněra Jan Hrjehor pak wě, na čim móhło to zaležeć: „Termin bě njezbožownje woleny. Koparske a wolejbulowe dypkowe hry, firmowanje w Chrósćicach a kickerowy turněr we Wotrowje na samsnym kóncu tydźenja je po wšěm zdaću přewjele konkurency za ludosportowy wolejbul.“W třoch skupinach na třoch hrajnišćach hrali
Delegacija Sintow a Romow, kotřiž maja zaměr, Romanes-akademiju wutworić, je dźensa Budyski Serbski dom wopytała. Wědomostna sobudźěłaćerka Budyskeho Rěčneho centruma WITAJ Jadwiga Kaulfürstowa, zamołwita za rěčny marketing a wědomostne dźěło, je jich w foyeru domu witała. Po tym wona wo rěč spěchowacych naprawach pola Serbow přednošowaše. Tež Sintam a Romam w Němskej je zachowanje jich rěče Romanes wažne, štož je jich maćeršćina. Romanes rěča woni zwjetša jenož w swójbje abo z ludźimi, kotřiž mjeńšinje přisłušeja. Rěč je so přewažnje ertnje dale dawała a je wažna kulturna resursa mjeńšiny. Foto: SN/Bojan Benić
Čłonojo chinskeho Čerwjeneho křiža pytaja zhromadnje z dalšimi ...
Wopytowarjo hrodźišća swinjorězanje bliže zeznali
Wosady zhubjeja stotki wěriwych
Rěča w małych skupinach
Rekordny minus w komunach
Stephan Weil wotstupi
Le Pen přećiwo wusudej wojuje
Prěnja Němka w swětnišću
Serbska chorosć myli
Braniborska poboku Tesle
To a tamne (01.04.25)
Při křižowanišću w Zejicach su technikarjo dźensa dopołdnja wulku digitalnu taflu postajili. Na tutej wozjewja Ludowe nakładnistwo Domowina wot dźensnišeho aktualne wudaća Serbskich Nowin. Hižo dlěje hač dwě lěće trajachu planowanja za nowy poskitk, kotryž ma ludźom zmóžnić, so tež bjez abonementa nowiny wo jeje wobsahach informować. Přichodne měsacy chcedźa dalšej tafli w Radworju a Kulowje postajić. Foto: SN/Bojan Benić
Drježdźany (dpa/SN). Dowolnosć za zatřělenje wjelka z Ralbičanskeho wjelčeho stadła, kotruž běše Budyski krajnoradny zarjad lětsa 11. měrca wudźělił, je zběhnjena. To wobzamkny wčera zarjadniske sudnistwo w Drježdźanach po přepruwowanju wobzamknjenja, kotrež běše sej přirodoškitna organizacija z Nižosakskeje žadała. Wjelki stadła běchu w januarje a februarje tutoho lěta we wjeskach gmejny Ralbicy-Róžant wjace hač 30 wowcow a kozow zakusali.Přirodoškitna organizacija je mjez druhim měnjenja, zo maja škodowani plahowarjo skotu winowatosć, swoje pastwišća z wěstotnymi naprawami přećiwo nadpadam wjelkow škitać – to pak w dosahacej měrje činili njejsu. Nimo toho njeje Budyski krajnoradny zarjad před dowolnosću zatřělenja tež druhe alternatiwy postupowanja pruwował.Wobě wobmysleni přirodoškitarjow maja Drježdźanscy sudnicy za woprawnjenej. Woni wuzběhnychu, zo su měnjenja, zo njeby zatřělenje jednotliweho wjelka w stadle dalšim nadpadam zadźěwało. To Budyski wokrjes w swojim rozsudźe tež jas ...