„W křesle swarjo ničo njezměniš“

Donnerstag, 23. Mai 2019 geschrieben von:

„Swarjeć a so huntorić je lochko, něšto změnić pak doma w křesle sedźo njemóžeš. Nimo toho so dołho a rady na najwšelakorišich polach angažuju, wo skutkowanju w gmejnskej radźe sym hdys a hdys tež hižo rozmyslował. Jako so mje Clemens Škoda wopraša, hač nochcu na lisćinje Serbskeho wolerskeho zjednoćenstwa (SWZ) za komunalny parlament kandidować, njetrjebach sej tuž wulce hłowu łamać – ćim bóle, dokelž sym so mjeztym za to rozsudźił, doskónčnje tu wostać a sej takrjec we Łužicy swój statok stajić“, Beno Šołta motiwaciju za wukonjenje swojeho pasiwneho wólbneho prawa w Pančicach-Kukowje zjima.

Lěkarjow do wjesnych kónčin wabić

Donnerstag, 23. Mai 2019 geschrieben von:

Radwor (SN/MkWj). Lěkarske zastaranje we wjesnych kónčinach steješe w srjedźišću wobydlerskeho foruma, na kotryž bě wčera, srjedu, Radworska wjesna skupina CDU z Romanom Dźisławkom na čole přeprosyła. Něhdźe 20 zajimcow je přeprošenje sćěhowało.

W debaće so spěšnje pokaza, hdźe leži hłowny problem njedostatka wjesnych lěkarjow. „Žiwjenski wobraz młodeje generacije je so změnił. Młodźi medicinarjo chcedźa powołanske a swójbne žiwjenje lěpje zwjazać. Nimo toho je mnohim lěkarska samostatnosć a z tym zwjazana zamołwitosć přeriskantna. K tomu přińdźe přiběraca běrokratija“, rozłoži Christin Bartke z Budyskeje chorownje. Štož wona twjerdźeše, móžachu připosłucharjo najpozdźišo po wuwjedźenjach Ra­dworskeje lěkarki Moniki Liznarjoweje derje rozumić: Po napinacym tydźenju w lěkarskej praksy a domjacych wopytach po swjatoku syda wona kónc tydźenja za pisanskim blidom, zo by pisomne dźěło zrjadowała.

Kołojězba wot hrodu k hrodej

Donnerstag, 23. Mai 2019 geschrieben von:

Ramnow (AM/SN). Ramnowska kołojězba słuša kruće do turizmoweho koncepta Hornjeje Łužicy. Čłonojo wólnočasneho towarstwa Hufnagel, hród a gmejna Ramnow přeprošeja lětsa zaso na na kołojězbu wokoło tamnišeho hrodu. „Zo by zarjadowanje wostało ekskluziwne a žiwe, smy so po 20. kołojězbje předloni rozsudźili wotměć zarjadowanje w rytmusu dweju lět“, rozłožuje rěčnik towarstwa Andreas Mikus. „W idealnym padźe wotměnimy naše zarjadowanje z dalšimi w regionje. Wšako nastachu minjene lěta po cyłej Sakskej nowe poskitki, kotrež spektrum za wodźerjow zapřahow skulojćeja. Termin lětušeje kołojězby je tydźeń do swjatkow 2. junija. „Hišće hač do soboty, 25. meje móža so zajimcy za tónle wosebity wulět ze swojimi zapřahami přizjewić“, Andreas Mikus namołwja, „při tym myslimy tež na serbskich fanow konjaceho sporta.“

50 000 eurow za nowe štomy

Donnerstag, 23. Mai 2019 geschrieben von:

Zelenišća na Budyskich Žitnych wikach přetworjene

Budyšin (SN/mwe). Hladanje zelenišćow w Budyšinje je měšćanske zarjadnistwo wobdźělenskej a wobhospodarjenskej towaršnosći města (BBB), tamnišemu wotrjadej za wobswět, přepodało. We wobłuku zrěčenja jednanskeho porjada poćahuja so dźěła BBB zwjetša na objekty. Tak njemóžeše nowinska rěčnica Diana Liebsch na naprašowanje Serbskich Nowin žanu konkretnu sumu za hladanje zelenišćow, za jich zwosadźenje a dalše wudawki mjenować. Wuwzaće, tak Diana Liebsch rjekny, je nalětnje a lětnje zwosadźenje měšćanskich rostlinowych hrjadkow, štož wobswětowy wotrjad BBB zaruča. Za wobě předewzaći maja na lěto ně­hdźe 24 000 eurow k dispoziciji. Jako přikład mjenuje wona Žitne wiki. Jenož za nakup rostlin trjebaja tam kóždolětnje něhdźe 6 000 eurow.

Angažement za čestnohamtskosć

Donnerstag, 23. Mai 2019 geschrieben von:

Běła Woda (AK/SN). Ze sydom wobydlerskimi projektami je so Běła Woda wot lěta 2016 na zwjazkowym projekće „małoměsto wuhotować“ wobdźěliła. Jako partnerojo agěrowachu při tym město Běła Woda, měšćanske towarstwo a institut za krajne a slědźenje měšćanskeho wuwića (ILS). Za to dóstachu wot zwjazkoweho ministerstwa za kubłanje a slědźenje spěchowanje 449 000 eurow.

„Zaměr wosebje bě spěchować žony a nawrótnikow“, je Běłowodźanski wyši měšćanosta Torsten Pötzsch (Klartext) wutoru pozitiwnje bilancował. „Angažement za čestnohamtskosć a ciwilnu towaršnosć móžachmy z wob­dźělenjom zesylnić. Nastali su tohorunja nowe zetkawanišća.“ Jako bilanca před­leži nětko „Logowa kniha – Małoměsto wuhotować“ w nakładźe 200 eksemplarow.

Krótkopowěsće (23.05.19)

Donnerstag, 23. Mai 2019 geschrieben von:

Projekt we Łužicy zahajeny

Choćebuz. Ericha Kästnerowa zakładna šula Choćebuz wobdźěla so wot wčerawšeho na projekće braniborskeho kubłanskeho ministerstwa a Swobodneje uniwersity Berlin „Čiń něšto“. Z nim chcedźa šule, šulske zarjady a uniwersity zhromadnje w šulerjach hižo w prěnich lětach zajim za wažne předmjety kaž matematiku, informatiku, přirodowědu a techniku budźić.

Fotowe modele pytane

Zły Komorow. Turistiski zwjazk Łužiska jězorina pyta fotomodele a wobrazy za dowolowy region. Móža to być swójby z dwěmaj dźěsćomaj w starobje dweju do sydom lět a w starobje dźesać do 14 lět kaž tež aktiwne poriki. Zestajeć chce zwjazk nowe wabjenske poskitki na temje swójbny a aktiwny dowol w jězorinje.

Znowa časopis zestajał

Policija (23.05.19)

Donnerstag, 23. Mai 2019 geschrieben von:

Dwě njezboži na jednym městnje

Budyšin. Policija dyrbješe wutoru awtodróhu mjez wotjězdomaj Budyšin-wuchod a Wóspork dlěje zašlahać. Tam bě so BMW na mokrej jězdni suwał, do betonoweho wobłoženja prasnył a wo­srjedź jězdnje stejo wostał. 40lětny šofer so při tym zrani. Njezboža dla so wobchad kopješe, a tak dóńdźe k dalšemu njezbožu. 27lětny wodźer Renaulta bě rynk čakacych awtow přepozdźe widźał, zrazy do nakładneho awta a so zatłusny. Wohnjowa wobora dyrbješe jeho z jězdźidła wuswobodźić. Z helikopterom dowjezechu muža do chorownje. Techniski pomocny skutk je městnosć nje­zboža sobu zawěsćił.

Spěwajo radosć a nadźiju začuwali

Donnerstag, 23. Mai 2019 geschrieben von:

Serbskej bjesadźe z Hodźija a Rakec zeńdźeštej so minjeny pjatk k zhromadnemu spěwanju na farskej zahrodźe w Rakecach. Tónraz bě Rakečanska Bjesada pod nawodom dr. Güntera Holdera swojich čłonow kaž tež tych z Hodźijskeje bjesady a zajimcow přeprosyła.

Blida běchu w štyriróžku nastajane, za jednym sedźeše srjedźa Měrćin Krawc z Delnjeho Wunjowa z gitaru, na blidach ležachu spřihotowane teksty a noty, k tomu Towaršne spěwniki a ewangelske­ Spěwarske. Hosćićeljo witachu 23 spěwarkow a spěwarjow, k tomu dźesać dujerjow Rakečanskeho pozawnoweho chóra, kotřiž znate serbske spěwy a kěrluše mócnje přewodźachu.

Jako prěnje zanjesechmy sej Bulankowe „Wjesele dźensa“, hnydom na to „Laudate omnes gentes“ a po tym w pisanej měšeńcy serbske ludowe spěwy a ze Spěwarskich, dušu pozběhowace znate kěrluše, wuprudźace nadźiju a radosć, mjez druhim z tekstami Kiliana. Hodźijski farar Christoph Rummel měnješe: „Serbja hišće zamóžeja spěwać, jeli nic wšo, ale znajmjeńša prěnjej dwě štučce. Kajka to chudoba, moji Němcy docyła wjace njespěwaja.“

Hosćićeljo być

Donnerstag, 23. Mai 2019 geschrieben von:

Budyšin. W septembru dóstanje so Boliwiska do Sakskeje. Towarstwo Amigos de la Cultura je młodostnych z dalokeho kraja na wuměnu přeprosyło a chce tamnišu kulturu a rěč z pomocu młodostnych tudyšim wobydlerjam spřistupnić. Nětko pytaja jeho angažowani čłonojo tež w Budyskim wokrjesu za hóstnymi staršimi. Wotsrjedź septembra hač do spočatka januara 2020 budu hólcy a holcy w starobje 14 do 16 lět, kiž w domiznje němčinu wuknu, w Sakskej přebywać. Zajimcy, kotřiž chcedźa młodostnych njecyłe štyri měsacy pohosćić, móža swójby, pory kaž tež samokubłacy być.

Serbska Lěwica so zetka

Budyšin. Přichodne zetkanje Serbskeje Lěwicy budźe jutře, pjatk, we 18 hodź. we wobydlerskim běrowje Lěwicy na Budyskej Šulerskej 10. Mjez druhim chcedźa wo lisćinje kandidatow strony za wólby Sakskeho krajneho sejma diskutować.

Serbšćina ma w gmejnskej radźe Ralbicy-Róžant prioritu, Němcow přiwšěm njewuzamkuja

Jako prěni hlada wón stajnje na dnjowy porjad. Na měsačne wuradźowanja gmejnskeje rady so radźićel Eduard Luhmann jara dokładnje přihotuje. „Kotre wobsahi ludnosć jimaja? Što je wobydlerjam wažne? Kotre rozměry maja jednotliwe wobzamknjenja? Wšo to so stajnje do toho prašam“, měni 73lětny křesćanski demokrat ze Smjerdźaceje. Wot lěta 2014 angažuje so jako jenički Němc w gmejnskej radźe. Nimo toho skutkuje čestnohamtsce jako čłon zarjadniskeje zhromadźizny zarjadniskeho zwjazka Při Klóšterskej wodźe a tohorunja jako čestnohamtski změrc za gmejny Chrósćicy, Njebjelčicy, Pančicy-Kukow, Worklecy a Ralbicy-Róžant. Z Róžeńčanom Tilom Žurom jeho w tym zastojnstwje tež Serb zastupuje.

Krok po kroku přistup namakał

Anzeige