Serbska awantgarda w Krakowje

Krakow. We wobłuku 38. Krakowskeho mjezynarodneho festiwala komponistow předstajištaj Jan Kalinowski (cello) a Marek Szeler (křidło) wčera prapremjernje kruch Jana Cyža „Pax optima rerum – Pokój jest najlepszy“. Samsna wobsadka wuhotuje tež němsku premjeru, a to 3. junija na 24. Braniborskim swjedźenju noweje hudźby „Intersonanzen“ w Podstupimje.

Nalada rjemjeslnikow špatna

Drježdźany. Konjunkturna analyza Drježdźanskeje rjemjeslniskeje komory wotbłyšćuje špatnu naladu mjez zawodami. Poprawom so situacija rjemjeslniskich předewzaćow w nalěću stajnje polěpša. Tola lětsa njebě rozmach tajki wulki kaž hewak. Hospodarske ramikowe wuměnjenja su nadal hubjene, na čož měła politika z jasnymi impulsami reagować, sej komora žada.

Podij wo přichodźe Europy