Lipsk (SN/CoR). Wjace hač 2 200 wustajerjow z Němskeje a wukraja předstaji wot 23. do 26. měrca na Lipšćanskich knižnych wikach najnowšu literaturu, mjez nimi tež Ludowe nakładnistwo Domowina (SN rozprawjachu). Nalětnje zetkanje knižneje a medijoweje branše wabi lětsa znowa lubowarjow­ literatury ze swjedźenjom „Lipsk čita“. 3 300 sobuskutkowacych přeproša na něhdźe 3 400 zarjadowanjow. Dohro­mady natwarja za to 571 jewišćow – 411 w měsće a 160 na wikowym terenje.