Něhdźe 30 trenarjow z Budyskeho wokrjesa je so w zašłych měsacach na trenarskim wukubłanju „Basis Coach“ wobdźěliło. To je, kaž mjeno hižo přeradźi, zakładna licenca, kotruž trjebaš, zo móžeš C- abo samo B-licencu złožić. W 40 wuknjenskich jednotkach, wobstejacych z třoch prezentnych dnjow, online-nadawkow kaž tež z natočenjom treningoweje jednotki ze swójskim mustwom, so tež wjacori serbscy trenarjo dalekubłachu. Wotlěwa su to: Rene Zynda, Julius Šnajder, Tomaš Kutter (Sokoł Ralbicy/Hórki), Daniel Ričl (SJ Chrósćicy/SJ Njebjelčicy), Robert Wolf (Sokoł Ralbicy/Hórki), Robert Lejnart (SJ Njebjelčicy) a Jurij Bjeńš (Sokoł Ralbicy/Hórki).
Foto: Jurij Bjeńš
SJ Njebjelčicy –
ST Lubuš II 4:3 (1:3)
Zestawa hosćićela: N. Hahn – A. Reineke, R. Heymann, R. Hanuza, F. Domš, J. Matješk, D. Cyž (36. O. Domš), J. Wićaz (33. H. Korjeńk), T. Čornak (77. G. Čornack), P. Hrjehor, N. Rudolf
Rezerwa z Lubuša ležeše drje do hrajneho dnja tři městna za čerwjenymi košlemi, tola dypkowa diferenca wučinješe jenož jedyn dypk. Zaměr za hru bě tuž jasny. Přichodne tři dypki měli na konto SJN pućować.
Prěnich 24 mjeńšin pak pokaza runje to nawopačne. Hosćo zasłužbnje z 3:0 nawjedowachu. Z čistym hatrikom docpě Lubušan Dennis Wagner w běhu dźewjeć mjeńšin (15., 20., 24.) troje wrota. Po tym přeměstni so hra do centruma hrajnišća. Wobě mustwje móžeštej hišće akcenty doprědka sadźeć, tola bjez wuspěcha. Krótko do połčasa (43.) so Florian Domš na prawej stronje přesadźi a přinjese bul do přećiwniskeje šěsnatki. Wot lěweje strony přichadźejo móžeše Oliver Domš bul we wrotach k 1:3 zaměstnić.
Kopańca, krajna klasa
Niska – ST Wesenitzal 4:0 (3:0)
Póst Budyšin – Zschachwitz 1:1 (0:0)
R. Drježdźany – SJ Chrósćicy 4:0 (1:0)
Drježdźanski SC – Wojerowski FC 2:2 (0:1)
Radeberg – Rakečanske ST 5:2 (3:1)
1. FV Přezjednota Niska 14 53 : 7 34
2. SZ Drježdźany Strěžin 13 31 : 17 29
3. Drježdźanski SC 13 27 : 21 24
4. Póst Germania Budyšin 14 22 : 33 20
5. ST Wesenitzal 14 24 : 28 19
6. Radebergske ST 14 25 : 30 19
7. FSC Wódrjeńca 13 35 : 31 18
8. SG Weixdorf 14 25 : 22 18
9. BSV Sebnitz 14 22 : 21 18
10. Wojerowski FC 14 23 : 25 18
11. Rotacija Drježdźany 14 21 : 27 17
12. Rakečanske ST 14 24 : 40 17
13. FSV Nowosólc-Hródk 13 21 : 21 16
14. SJ Chrósćicy 13 16 : 29 14
15. Mó.-běli Zschachwitz 14 26 : 31 13
16. VfB Běła Woda 13 27 : 39 13
Swoju hłownu zhromadźiznu přewjedźechu Sokoljo z Ralbic minjenu wutoru. Něhdźe 30 čłonow delanskeho towarstwaa přichwataše do korčmy w stadionje „Jurij Frencl“. Prezident Dierk Šewc powita wšitkich přitomnych a formality poměrnje spěšnje přerěča. Wšitcy wobdźělnicy so za to wuprajichu, zo Šewc ze swojim teamom dale na čole Ralbičanskeho Sokoła dźěła. Kaž hižo staremu předsydstwu přisłušeja nowemu nimo Šewca tež wiceprezident Olaf Poldrack, sportowy direktor Steffen Frencl, pokładnik Roman Mjetaš-Wowčer a nawoda juniorow Jurij Bjeńš. Naposledk mjenowany jima so na to tež słowa. Wosebje wuzběhnył je Sernjančan spore dźěło mjeztym 17 dorostowych trenarjow. W Ralbicach honi tuchwilu wjac hač 100 dorostowych koparjow za bulom – telko tam w zašłych lětdźesatkach njemějachu. 2008 na přikład bě jich mjenje hač 50.
SJ Chrósćicy II –
TSV Wjazońca 1:0 (1:0)
Zestawa domjacych: Škoda – M. Donat, Zynda, Dórnik, J. Donat (88. Mark), Domaška, Zahrodnik, Wencel (82. Klemenc), B. Donat (72. Liznar), Žur, Graf
Špatnych wobstejnosćow na domjacym trawniku w Chrósćicach dla wotmě so koparska hra mjez rezerwu Chróšćan sportoweje jednotki a přećiwnikom z Wjazońcy na sportnišću w Hórkach. Po bolostnej poražce w serbskim derbyju w Pančicach chcychu Chróšćenjo zaso raz swoju lěpšu stronku pokazać.
Awtorka dźensa
Tereza Wićazowa
„Poćić so kaž bar w pjecy“, poćiš so jara, hdyž intensiwnje sportuješ. Serbska rěč ma mnoho rjanych rěčnych wobrotow a frazeologizmow. Tute wužiwaja so husto we wšědnym dnju. Zajimawe je přepytować, zo mamy tež někotre rěčne wobroty, kotrež z wobłuka sporta pochadźeja resp. ze sportom zwisuja. Rěčespytnicy mi njech prošu wodaja a mi nadźijomnje „žołtu kartu [nje]pokazaja“, jeli njejsym při někotrych swobodnych přełožkach němskorěčnych resp. mjeztym wobchadnorěčnych wobrotow do „čorneho trjechiła“. Dowolće mi małki eksperiment, wšako so tute „hodźa kaž pjasć na wóčko“. Dwójny zmysł podšmórnje pospyt: pak njepřitrjechi abo je njepřiměrjeny, snano „hinak trjech[ju] hač sy[m] so měrił[a]“ pak „tamna strona medalje“ so wuběrnje hodźi a wotpowěduje zmysłej. Tuž chcemy dale „při bulu wostać“ a sej dalše wobroty z wšelakorych sportowych družinow wobhladać.
Dźensa doma, njedźelu wonka
Łužiske lodohokejowe liški hraja dźensa doma w Běłej Wodźe a njedźelu w Kaufbeurenje. Za tydźeń stejitej potom derbyjej na hrajnym planje, najprjedy w Crimmitschauwje, po tym doma přećiwo Drježdźanam.
24.11. 19:30 Łužiske liški –
Krefeldske pinguiny
26.11. 17:00 ESV Kaufbeuren –
Łužiske liški
Prěni hrajny dźeń
Njedźelu w 10 hodź. zahaji so hrajna doba we wolejbulowej wokrjesnej klasy sewjer. Hrać budu w sportowej hali L.-Foucault-gymnazija. Přizjewiło je so 9 mustwow, mjez druhim rezerwa Viktorije Worklecy. Na prěnim hrajnym dnju nastupja Worklečenjo přećiwo mustwu ST Kupoj Nowa Łuka II a přećiwo zastupnistwu OSSV Kamjenc. Štwórtk změja potom klóšterscy wolejbulisća domjacy hrajny dźeń.
30.11. 19:30 ST Marijina hwězda –
TSV Wóspork
30.11. 20:30 ST Marijina hwězda –
Schönbachske VV
02.12. 14:00 MSV Budyšin 04 II -
Viktoria Worklecy II (ž)
Druha połserija so započina
Poprawom su sej klóšterscy koparjo předewzali, zo wostanje bilanca na wonkownych hrach hač do zymskeje přestawki pozitiwna. Naposledk pak w Arnsdorfje přěhrachu a w Dobruši hrajachu jenož njerozsudnje. David Matik a Tobias Nowak rozprawjataj.
Arnsdorfske KT – ST Marijina hwězda 6:3 (4:0)
Zestawa hosći: D. Matik – L. Hoge, B. Zynda (46. Fe. Langer), K. Pakoßnick, M. Wróbl, J. Ladewig (46. F. Peschmann), R. Cyž, Ch. Cyž, J. Kuring, A. Eldor, J. Pakoßnick
Na kumštnym trawniku wuwi so hižo wot spočatka hra z mnoho strašnymi akcijemi před wrotami. Domjacy hižo w 2. min. prěni raz wyskachu. Na 2:0 zwyšichu hosćićeljo běrtlk hodźiny pozdźišo (17.). Domjacy cyłk bě chětro efektiwny a třěli hišće do połčasa 3:0 (34.) a 4:0 (41.).
Na druhim domjacym hrajnym dnju sezony w sakskej klasy steješe za wolejbulistow ST Viktorije Worklecy jara kontrerny program na planje. Mjeztym zo čakaše w druhej hrě přećiwo MSV Budyšinej něšto podobne kaž winowatostny nadawk, běše najprjedy z módro-běłymi z Wojerec napřećiwnik jasny faworit.
ST Viktoria Worklecy – VF Módro-běli Wojerecy 1:3 (25:19, 25:27, 22:25, 14:25)
Tola wolejbulisća Viktorije dźěchu z nastajenjom do hry, zo je přeco překwapjenka móžna. A tak startowachu z połnej paru a kuražu do prěnjeje sadźby. Hosćo so dźiwachu, jako so jim hnydom na spočatku dwójce blok před nohi prasny. Domjacy sej hnydom někotre dypki předskoka wuhrachu. Potom pak bě sadźba hač do 20:18 wurunana, prjedy hač zaso jara sylny Šćěpan Wjeńka ze seriju nadaćow wěsty předskok wunuzowa. Poslednje tři nadaća słušachu kapitanej Ludwigej Eckertej a faworizowany hósć z Halštrowskeho města bě poraženy. Wjace hač 70 přihladowarjow bě zahorjenych.