Spěchowanje za wysoku šulu
Žitawa (SN/ch). Wysoka šula Žitawa/Zhorjelc dóstanje nětko 52 000 eurow, zo by wobdźělenje ludźi z chroniskimi chorosćemi abo zbrašenych na kubłanju polěpšiła. Cyłkownje dóstanu sakske wysoke šule za tón zaměr tele dny něhdźe dwaj milionaj eurow, klětu změja samsnu sumu k dispoziciji. „Wobdźělenje na kubłanju je wažny stołp inkluzije“, praji hornjołužiski zapósłanc SPD w krajnym sejmje Thomas Baum wčera w nowinskim wozjewjenju. „Wjeselu so, zo tež naše wysokošulske stejnišćo z tychle přidatnych srědkow profituje.“ 14 wysokich šulow kaž tež Sakska powołanska akademija smědźa pjenjezy za poradźowanja a dalekubłanja, za polěpšenu software abo za techniske rozrisanja za zbrašenych nałožić.
Ćěkancy na hromakowym dworje