W Pólskej zaběra ludnosć tuchwilu wosebje bliskosć k wójnje

Waršawa (dpa/SN). Stajnje 15. awgusta woswjeća Polacy „dźeń armeje“. Je to spomnjeće na dobyće pólskeho wójska nad sowjetskej armeju w lěće 1920. Lětsa bě parada w centrumje stolicy Waršawy wosebje wulka: 2 000 wojakow a 200 jednotkow militarneje techniki tam prezentowachu. Něhdźe sto lětadłow a helikopterow skićeše lětansku show nad třěchami města. Zo bě parada lětsa tajka wulka, ma jednoru přičinu: Polacy maja přiběrajcy strach před agresorom Ruskej.