Drježdźany (SN/bn). Młodźinski dekanat w Drježdźanach je pod hesłom „Što nětko, biskopje Heinricho?“ krótkodobnje diskusijny forum wuhotował, w kotrehož wobłuku móžachu młodostni biskopej Heinrichej Timmereversej palace prašenja kołowokoło seksualizowaneje namocy ze stron dušepastyrjow, synodalneho puća, runoprawnosće žony a muža w katolskej cyrkwi, homoseksuality ­a stejišća biskopa k tak mjenowanej queernej komuniće stajić. Něhdźe sto zajimcow je so na digitalnym zarjadowanju, wotmětym minjeny štwórtk na platformje YouTube, wobdźěliło.