Drježdźany (dpa/SN). Sakska přistaji k nowemu šulskemu połlětu 719 wučerkow a wučerjow. Přiwšěm wostanje 81 městnow njewobsadźenych, zdźěli dźensa kultusowe ministerstwo swobodneho stata. W Lipsku a wokolinje su potom wšitke městna zawěsćene, mjeztym zo budźe wokoło Budyšina 32 pedagogow pobrachować. „Dotal njeje so nam poradźiło we wjesnej kónčinje dosć wuwučowacych za přirodowědnu a techniku zdobyć“, wobžaruje sakski kultusowy minister Christian Piwarz (CDU).
Dalši wichor so bliži
Berlin/Köln (dpa/SN). Zo móhli škodam a njezbožam dalšeho bližaceho so wichora z mjenom Zeynep zadźěwać, měli so wobydlerjo na to přihotować a wěcy pod hołym njebjom wotpowědnje zawěsćić. Ćežišćo wichora koncentruje so předewšěm na sewjer Němskeje, hdźež wot dźensnišeho popołdnja hač do jutřišeho ranja zachadźa. Tež dźěle Braniborskeje a Sakskeje su znowa potrjechene.
Liči z prěnimi dozami
