Smochćicy (CRM/SN). Tež lětsa je turistiske towarstwo Via regia na arealu Smochčanskeho Domu biskopa Bena hudźbnej nocy z wěstej tematiku zarjadowało. Tónraz njewulećachu sej zarjadowarjo z hosćimi do wukraja, ale wěnowachu so Berlinskej hudźbje w předewšěm legendarnych „złotych“ 1920tych lětach. Tak předstaji Serbski ludowy ansambl ze swojim chórom, baletom a orchestrom, rozšěrjenym z hudźbnikami Delnjošleskeje filharmonije Jelenia Góra, pod hołym njebjom zabawnej wječoraj.