Serbske lajske dźiwadłowe skupiny po 25 lětach so zaso schadźowali
Sulšecy (SN/MG). Za dołhimi blidami sedźa hrajerki a hrajerjo serbskich lajskich dźiwadłowych skupinow: Po 25 lětnej přestawce bě Kulowske Bratrowstwo jich zašłu sobotu na schadźowanku serbskich lajskich dźiwadłowych skupinow přeprosyło. Přeprošenju su wšitke w Hornjej Łužicy aktiwne skupiny sćěhowali, a to stej dwě. Z Chrósćic kaž tež ze Šunowa a Konjec běchu hosćo do Sulšečanskeho kulturneho domu přichwatali, zo bychu so w přitulnym ramiku zhromadnje swojemu wuměłstwu wěnowali. Wjele městna za přidatnych hosći na žurli njebě, wšako sedźachu za taflemi předewšěm ći, kotřiž hewak druhich na jewišću zahorjeja.
Zajimcy zbliska a zdaloka su so sobotu w starej šuli we Wotrowje zešli, zo bychu łužisku turu Spoken Word-akademije dožiwili. Pjeć poetow wuměłstwo rěčaneho słowa na jewišću předstaji. Hač emocionalny, zamysleny abo lóštny – za kóždeho bě přinošk pódla. Z wuchodneje Belgiskeje pochadźaca jewišćowa poetka Jessy James LaFleur (prědku srjedźa), kotraž je Spoken Word-akademiju załožiła, je zarjadowanje moderěrowała. Wosebje jimaca bě bliskosć publikumej, kotryž bě aktiwnje do show zapřijaty. Raperaj MISO a MANIAC z Běłeje Wody wječor zakónčištaj, kotrehož dalši wjeršk bě prezentacija krótkofilma akademije. Foto: Vanessa Žurec
Klemens Mark (druhi wotlěwa) je Chróšćanow wčera popołdnju w Porchowje do połfinala wokrjesneho pokala třělił. Před 150 přihladowarjemi běchu hosćo z Chrósćic wot 54. min. w zastatku. Potom pak trjechištaj za SJC Alwin Graf (65.) a Klemens Mark ke kónčnemu stawej 2:1 (81.). Dalše wuslědki pokala: Natwar Němske Pazlicy – Módro-běli Kulow 1:0 (0:0), Póst Germania Budyšin – SZ Großnaundorf 3:0 (1:0) a BSG Załom-Wopaka – Rakečanske ST 0:2 (0:1). Foto: Konstantin Hrjehor
W Serbskim seminarje w Praze je so sobotu hłowna zhromadźizna Towarstwa přećelow Serbow (SPL) wotměła. Po dwěmaj lětomaj bu zaso nowe předsydstwo wuzwolene. Změny njejsu wulke. Stary předsyda Lukáš Novosad sta so z nowym, městopředsydka wostanje Eliška Oberhelová. Jimaj přidružichu so Iva Drmlová, Ondřej Šrámek, Antonin Kříž, František Krejčí a Kryštof Peršín, kotryž je jenički nowy čłon předsydstwa. Hłowna tema diskusije běchu wužadanja, z kotrymiž so towarstwo hižo dlěši čas bědźi: pobrachowacy dorost a financielne ćeže w zwisku ze stupacymi kóštami za tepjenje. Kóštow dla njeje wěste, hač budźe towarstwo Serbski seminar, kiž słuša čěskemu kultusowemu ministerstwu, dale wužiwać směć. Najebać to so prócuje, zo by styki do Łužicy wudźeržowało. Wo tym swědči tójšto zarjadowanjow, kotrež je towarstwo loni zorganizowało.
Po 38 dnjach je bamž Franciskus wčera chorownju Gemelli w Romje ...
Wuhorje w Haboli a Sprjewi wusadźa
Znowa protesty w Turkowskej
USA a Ruska rěča wo Ukrainje
Wujednawarjo dźěłaja
Dźěłowe skupiny rozprawjeja
Modlitwa a kwětki za wopory
Prěni hózdź a šrubik
Přeńdźenja cyrkwje wodać
To a tamne (24.03.25)
W Domje Zejlerja a Smolerja wosebitu wustajeńcu wotewrěliŁaz (AK/SN). Někotružkuli rjanu dopomnjenku ma molerka Monika Schumann na wjes Łaz, tak powědaše na wotewrjenju wustajeńcy swojich twórbow z titulom „Pola nas wotkryte“ pjatk w tamnišim domje Zejlerja a Smolerja. Jako studentka za wuměłstwo a stawizny bě kónc 1960tych lět na wuhlowu jamu direktnje před wjesku zhladowała, jako so na molowanskej dźěłarničce wobdźěli. W lěće 2023 dźěłaše jako nawodnica lěćneho molowanskeho kursa Wojerowskeje ludoweje uniwersity hromadźe ze swojimi chowancami mjez druhim na torhošću před Domom Zejlerja a Smolerja. „Lubuju grafiske molowanje. Lubuju linije, dypki, kontrasty“, znazorni 77lětna wuměłča po tym zo běše powołanski hudźbnik Michael Lindner z Drježdźan ze swojimi spěwami wustajeńcu wotewrěł.
