10. błótowska bajowa nóc znowa tysacy wopytowarjow přiwabiła
Bórkowy (CRM/SN). Hordozna to bilanca komunalneho hamta Bórkowy po dźesać lětach „Błótowskich bajowych nocow“: 28 předstajenjow z wjace hač 50 000 wopytowarjemi. Na minjenych třoch wječorach, wot soboty hač do wčerawšeje swjatkowneje póndźele, přinošowaše zaso Serbski ludowy ansambl k wuspěchej tychle zarjadowanjow pod hołym njebjom. Z kapitlom „Naźeja“ (Nadźija) hudźbnjeje trilogije wo serbskim kralu zakónčichu ansamblowcy lětsa trojodźělnu fantastisku stawiznu, kotrejež inscenaciju Němsko-serbske ludowe dźiwadło Budyšin sobu podpěrowaše.