Swójbny swjedźeń pod baštu
Budyšin. Bara Sundowner pod Röhrscheidtowej baštu w Budyšinje je wot dźensnišeho pjatka dobra adresa za čerstwy cocktail, chłódne piwko (woboje tež bjez alkohola) a/abo słódny přikusk. Hač do 3. septembra je bara wot wutory do njedźele stajnje wot 18 do 22 hodź. wotewrjena, kónc tydźenja zawru ju hodźinu pozdźišo. Zahajejo wobrubjace, darmotne zarjadowanja wuhotuja zhromadnje z Domowinu jutře, sobotu, w 15 hodź. swójbny swjedźeń.
Festiwal słowjanskich bajkow
Dešno. Domizniski muzej Dešno je jutře, sobotu, a zajutřišim z hosćićelom 3. słowjanskeho bajkoweho festiwala. Stajnje wot 11 hodź. předstaja na nim Berlinske dźiwadło Machandel wjacekróć inscenaciju „Das entführte Hühnerhaus“ a Němsko-Serbske ludowe dźiwadło dwójce hru „Narske bajki“. Nimo toho prezentujetaj powědarjej Monika Auer a Bernd Pittkunings bajki, kaž na přikład „Złote kubło“. Cyłodnjowsce poskićuja so historiske hry za dźěći, paslenje, šminkiowanje a muzejowy kwis. Zastup płaći 5,50 eurow resp. potuńšeny tři eura.
„Słowjanska nóc“ w Lipsku
