ST Hnašecy/Dobruša –

Sokoł Ralbicy/Hórki 3:1(1:1)

Zestawa hosći: Ch. Gloxyn – An. Wałda, Rachela, Schultz, Domaška, A. Wałda, Šołta (84.Šiman), Woko (46. Šewc), D. Gloxyn, Matka, Korjeńk

W socialnych syćach rěčeše so wo načolnej hrě. Mustwo z Hnašec staja tuchwilu najlěpši nadběh a ma z Mörlom tež najwuspěšnišeho nadběhowarja (14 wrotow) w swojich rjadach. Ralbičenjo chcychu mudrje rumy zastajeć a sami přez spěšne nadběhi k wuspěchej přińć.

Start pak Sokoljo zaspachu a dopušćichu flanku w 5. min. Tuta namaka hłójčku Lucasa Mörla. Wón docpě swoje 15 wrota na sedmym hrajnym dnju. Poněčim so tež Ralbičenjo do hry namakachu a Fabian Korjeńk so prěni raz ze zdalenosće 16 metrow pospyta. W 24. min. kombinowachu so hosćo hač do šěsnatki, hdźež domjacy hrajer bul z ruku hraješe. Hwižk sudnika pak wosta němy. Jenož dwě mjeńšinje po tym pak sudnik jědnatku postaji. Po róžku bu Pětr Domaška potorhnjeny. Wón přewza tež zamołwitosć a k wurunanju přetwori. Po něhdźe poł hodźinje by Domaška druhe wrota docpěć móhł. Po róžku pak zhłójčkowa bul snadnje pódla wrotow.