ST Módro-běli Njeswačidło –
SJ Njebjelčicy 1:0 (0:0)
Zestawa hosći: N. Hahn – A. Reinecke, R. Hanuza, F. Domš, J. Matješk, A. Korjeńk, T. Čornak, N. Rudolf (86. P. Hrjehor), G. Hermann (33. R. Heymann), D. Cyž (83. J. Lehmann), O. Domš
Na wosmym hrajnym dnju powita ST Njeswačidło mustwo SJ Njebjelčicy. Čerwjene košle chcychu na wukon zašłych tydźenjow nawjazać a přichodne tři dypki domoj wzać.
Prěni połčas běžeše skerje njespektakularny. Wobě stronje móžeštej sej někotre šansy nadźěłać. Na boku Njebjelčanow běštej wobě křidle jenak sylnje z ofensiwnymi akcijemi wuhotowanej. Přiwšěm njemóžeštej wobě stronje žane strašne šansy wuwiwać. Handrij Korjeńk bu přez srjedźne polo husto posłužowany, zwrěšći pak na zakitowarju abo wrotarju. W 33. min. dyrbjachu Gregora Herrmanna zranjenja dla wuměnić. Za njeho do hry přińdźe Ronny Heymann. W 43. min. móžeše so Oliver Domš na prawej stronje jara derje přesadźić a ćěrješe na Njeswačanske wrota. Bu pak wot domjaceho hrajerja přez hruby foul zadźeržany. Sudnik Hejduška, pokaza Njeswačanej na to žołtu kartu. Z wólneho kopa njemóžachu bohužel wrota docpěć.
