Mužakowska lěsna železnica, poslednja originalnje zdźeržana swojeho razu w Němskej, zahaji sezonu. Wot jutřišeho pojědu historiske, zdźěla sto lět stare lokomotiwy a wagony prawidłownje z Běłeje Wody do Mužakowa resp. do Kromole a wróćo. Podłu čary čaka tójšto atrakcijow, kaž na přikład Pücklerowej parkaj a nowy muzej „Anlage Mitte“, na hosći. Foto: Herbert Ortner

Stań so z koparskim sudnikom!Zapadołužiski koparski zwjazk WFV, Sportowa jednotka Chrósćicy a sportowe towarstwo Sokoł Ralbicy/Hórki přewjedu srjedu, 7. meje, wot 18 hodź. w Ralbičanskim stadionje „Jurij Frencl“ informaciske zarjadowanje wo temje „Stań so ze sudnikom!“. Wobdźělić smědźa so holcy a hólcy w starobje wot 12 lět. Přizjewić móžeće so pola Pascala Budarja pod pascal­ dypkowe hryTež lětsa hraje so zeleny štwórtk, jutry sobotu kaž tež wutoru zaso kopańca wo dypki. We wyšej lize a w třećej lize budźe to za Choćebužanow, Biskopičanow a Budyšanow regularny hrajny dźeń. Wšitke dalše koparske hry su nachwatanske dypkowe hry.17.04.  19:00  Rakečanske ST –  Drohotka Ramnow17.04.  19:00  SZ Großnaundorf –  Módro-běli Kulow19.04.  14:00  FC Energija Choćebuz –  Viktoria Köln19.04.  14:00  Biskopičanske KT 08 –  RSV Eintracht 194919.04.  14:00  Budissa Budyšin –  Germania Halberstadt22.04.  19:00  Rakečanske ST –  TSV WachauWotběhanje jutrownych jejow ...

Bjesadujo z nawodnicu serbskeho studija rbb w Choćebuzu, z Marion Stenselowej, njezačuwaš, zo so wona tele dny na wuměnk poda. Poprawom wšak je hižo kónc zašłeho lěta dźěłać přestać chcyła, jako bě zwěsćiła, zo je 45 lět dźěłała. Tola na próstwu direkcije rbb bě zrěčenje hišće wo štyri měsacy podlěšiła. Choćebuske studijo rbb ma wot lětušeho nowu nawodnicu, a jej je Marion Stenselowa jako nawodnica serbskeho studija hač dotal poboku była. „Sym hižo w dźěćatstwje nawuknyła, ­zo maš wěc, kotruž započinaš, tež porjadnje zakónčić. Hdyž sym za něšto zamołwitosć přewzała, to chutnje bjeru. To njeje stajnje lochko było, wšako běchu tež ćežke časy.“ Hesło to, kotrež rodźenu Wjerbnjanku, kotraž bě jako najstarša ze sotromaj a bratromaj přewažnje pola maćerje wotrostła, cyłe žiwjenje přewodźa.

Po wšěm swěće su wěriwi křesćenjo dźensa dojutrowne wobrjady zahajili. Čłonojo bratstwa La Columna su wčera w měsće ­Ronda na juhu Španiskeje tradicionalny procesion Trono přewjedli, w kotrymž předstajeja ćerpjenje a smjerć Jězusa Chrystusa. Skalne město Ronda je mjez turistami woblubowane wulětnišćo. Foto: dpa/Jon Nazca

Jutry w hornjołužiskich coowachWojerecy/Běła Woda. Zwěrjency Hornjeje Łužicy přeproša kołowokoło jutrow znowa předewšěm swójby na wosebite zarjadowanja. We Wojerecach prezentuja ćichi/wulki pjatk mjez druhim dorost kenguruwow a tamarinow. W Běłej Wodźe wuhotuja jutrowničku cyłodnjowsce na přikład paslenje za dźěći a dźěłarničku „Lernwerkstatt Natur“. Z podobnym poskitkom wabja tež zwěrjency w Zhorjelcu, Žitawje a Biskopicach.Wosebite wodźenjaBudyšin. Turistiska informacija w Budyšinje poskića kołowokoło jutrow wjacore wosebite wodźenja po měsće. Na jutřišim ćichim/wulkim pjatku móža so zajimcy w 16 hodź. wo „Starym kriminelnym Budyšinje“ wobhonić. Hač do jutrowneje póndźele wuhotuja nimo toho mjez druhim wodźenja po Hrodźe a po Budyskich wěžach, wotkryja potajnosće stareho města a prezentuja nócny Budyšin zboka turistiskich šćežkow. Popłatk na wosobu wučinja znajmjeńša 8 eurow.Jutrownej poskitkaj ansambla

Wosebity jutrowny postrow wuhladaš tuchwilu w Róžeńće. Na skłoninje k putniskej łuce su wjetšu ličbu cyblow narcisy do zemje tykali, kotrež tuchwilu rjenje kćěja. Stupiš-li so na napřećiwny bok jězdnje, abo tež z awtom nimo jěducy wučitaš HALELUJA. Škoda, zo tónle postrow poněčim zaso zwjadnje. Najprjedy raz pak smědźa so wjesnjenjo a wšitcy dalši nad njewšědnym ­napohladom zwjeselić. Foto: Alfons Ryćer

Marcel BraumanStat je dźensa moloch, a wolerjo to tak chcedźa. To piše w tydźeniku DIE ZEIT jeho něhdyši šefredaktor. Nastork jemu bě, zo němski stat mjeztym połojcu hospodarskeho wukona (tukrajneho bruttoprodukta, BIP) kasěruje, ale ludźo a wšě strony – nimo zwrěšćeneje FDP – sej dale a wjac staraćelstwa žadaja. Tónle materielny trend so wězo na naše myslenje wuskutkuje. Hižo Karl Marx dźě wědźeše: Byće postaja wědomje. To pak dźensniši dźeń ani lěwicarjo njewědźa, kotřiž prěduja, zo dyrbiš prawe zmyslenje měć a „politisce korektnje“ rěčeć a pisać.Na spočatku křesćanstwa njeje so Jězus z wazalemi romskeho knjejstwa dojednał, ale je zwěsćił, zo jeho mócnarstwo njeje z tutoho swěta. Jeho wučomnicy tworjachu cyłk, kotremuž bychu dźensa „sekta“ rěkali. Ale jich zakładne mysle běchu tajke inowatiwne, zo lěttysacaj pozdźišo zrowastanjenje, přewinjenje stareho swěta jako najwyši swjedźeń swjećimy. A Serbja maja profil jako jutrowny lud z wobrjadami, kotrež skutkuja, jako bychu z njebjes na z ...

Kóžde lěto zaso wjeselimy so na jutry, štož rěka, zo zawěsće z redakcije nowiny prašenje přińdźe, hač njeby so hodźało, něšto wo čěskim poćahu k tutomu ­swjedźenjej pisać. Ale što hišće pisać? Před dwěmaj lětomaj smój z Kryštofom Peršínom w naju rozmołwje prajiłoj, zo my Češa serbske jutry tak znajemy, kaž je Serbja njeznaja. Wšako žadyn Serb na přikład spěwanje křižerjow na starym słowjanskim hrodźišću njesłyši a energiju njedožiwi, kotraž na tajkim městnje tučasnosć z dawnej zašłosću zwjazuje. A to jenož nětko, za čas młodeho nalěća, hdyž so zyma rozžohnuje, słónčko hakle swoju ćěrjacu móc hromadźi a so łuki a štomy hišće njezelenja a njepupkuja. Tehdom, před dwěmaj lětomaj, su mi ­někotři prajili, zo budźeće spytać, tajke ranje nad Wotrowom dožiwić. Je so wam poradźiło?

Pólska hotuje so na wólby noweho statneho prezidentaWaršawa. Poslednje tydźenje do prezidentskich wólbow 18. meje w Pólskej su wšo druhe hač wostudłe. Tole bě minjeny pjatk zaso raz widźomne. Tón dźeń bě Waršawski wyši měšćanosta Rafał Trzaskowski – jedyn z cyłkownje 13 kandidatow za zastojnstwo prezidenta – w městačku Końskie njedaloko Częstochowy wólbne bojowe zarjadowanje organizował a k tomu swojeho najwjetšeho kontrahenta Karola Nawrockeho přeprosył. Trzaskowski kandiduje za knježacu Wobydlersku platformu ministerskeho prezidenta Donalda Tuska. Nawrocki ma podpěru něhdy knježaceje narodnokonserwatiwneje strony PiS z Jarosławom Kaczyńskim na čole.