Kapała Horjany zapiska
Brětnja-Michałki. Kónc tydźenja wotměwaja so w Brětni-Michałkach tradicionalne wjesne swjedźenske hry. Dźensa w 19.30 hodź. zahaja so wone w Brětnjanskim wobydlerskim domje z „historiskim filmowym wječorkom“. Jutře w 14 hodź. wustupi dźěćacy cirkus Krabatino, po tym pokaza wohnjowa wobora hašenje a wječor budu reje z diskoteku na nawsy. Při ćmičkanju poćahnu dźěći z lampionami po wsy. Njedźelu po kemšach, kotrež budu w 9 hodź. w Mjetaškec bróžni, zapiska dujerska kapała Horjany k rańšemu piwku.
Na hermank do Błótow
Bórkowy. Lubowarjo regionalneho wikowanja su wot dźensnišeho na 24. Bórkowski domizniski a drastowy swjedźeń w Błótach witani. Nimo wikow, kotrež budu jutře a njedźelu wot 10 do 18 hodź., móžeće jutře w 14 hodź. dźěćacy chór Delnjoserbskeho dźěćaceho a młodźinskeho ansambla dožiwić. Wosebita atrakcija budźe wječorny přistawowy program. Njedźelu w 14 hodź. wotměje so wulki swjedźenski ćah z něhdźe 50 wobrazami. Po tym wustupja wšelake serbske skupiny ze wsow. Domowinska młodźina předstaji w 17.15 hodź. łapanje kokota.
Filmowy wječor z diskusiju
