Z wudaća: štwórtk, 25 awgusta 2016

Wokrjesna koparska liga, stafla II

Bluń – Módro-běli Njeswačidło 1:1 (0:0)

LSV Hory – Rakečanske ST  5:1 (1:0)

N. Město n. S. II – Wojerowski FC 0:4 (0:2)

Ralbicy/Hórki II – Wulke Ždźary 1:5 (1:1)

Nadrózna Hrabowka – FSV Łuty 0:3 (0:2)

Łaz/Běły Chołmc – Radwor 2:1 (1:1)

1. Wojerowski FC II  2  8:2 6

1. HZ Wulke Ždźary  2  8:2 6

3. Módro-běli Njeswačidło   2  7:4 4

4. HZ Łaz/Běły Chołmc   2  4:3 4

5. ST 1922 Radwor   2  4:2 3

6. ST Ćisk II   1  3:1 3

7. LSV Hory II   2  5:4 3

8. FSV Łuty   2  4:3 3

9. Rakečanske ST II   2  3:5 3

10. ST Lubuš   1  2:2 1

11. LSV Bluń    2  3:5 1

12. ST Nadrózna Hrabowka   2  1:6 0

13. LSV Nowe Město n. S. II   2  0:6 0

14. Sokoł Ralbicy/Hórki II   2 4:11 0

Wokrjesna koparska liga, stafla III (kónc)

8. SV Hermsdorf   2  3:3 2

9. Natwar Němske Pazlicy    1  4:4 1

10. SV Haselbachtal   2  2:3 1

11. Liegau-Augustusbad   2  2:4 1

11. Zeleno-běli Sepicy   2  3:7 1

13. ST Drjewnica   2  3:7 0

14. ST Marijina hwězda   2  3:8 0

ST Marijina hwězda – TSV Wachau 1:5 (0:2)

Zestawa domjacych: Matik – R. Hawš, Czapik, Škoda, Lipič, Njek, Jurš (61. Rab), O. Hawš, Schmidt (85. Hübner), Winkler, Pakoßnick

Prěnja domjaca hra noweje sezony je so­ za koparjow ST Marijineje hwězdy z wysokej poražku 1:5 skónčiła. Woni mějachu wulke ćeže ze zestawu. Hnydom sydom stajnych hrajerjow za partiju přećiwo zestupnikej z wokrjesneje wyšeje ligi pobrachowaše. Hižo po dźewjeć mjeńšinach dyrbješe Matik prěnju třělwu hosći wotwobarać. Róžk wunjese 0:1 (9.), dokelž njebě so nichtó za Schünemanna zamołwity čuł. Jurš, Oskar Hawš a Richard Hawš mějachu na to móžnosć wurunać, štož pak so jim njeporadźi. Hosćo­ hru dale postajachu, Pančičenjo pak worachu wjele zmylkow při wothrawanju. Nimo toho njeběchu při dwubojach krući dosć. W 31. min. běše Matik bjezmócny, a přećiwnik zwyši na 0:2. Wjetši hrajny podźěl mějachu w prěnim połčasu na kóždy pad hosćo, ličba šansow pak bě wurunana.

Sokoł Ralbicy/Hórki II – HZ Hórnikečanski jězor 1:5 (1:1)

Zestawa domjacych: Hrjehor – von Köding, Bogusz, M. Matka, Kobalc, Serbin (78. T. Matka), Bejma, Rawš, Čórlich (60. Šnajder), Kurjat, Jakubaš

Zestawa Sokoła Ralbicy/Hórki so za tónle hrajny dźeń dosć derje čita, wukon druheho połčasa pak dyrbiš so prawdźepodobnje jako katastrofu wopisować.

Na poziciju wrotarja wróćił je so młody Chrystof Hrjehor. Tež Alexander von Köding mustwo zaso zesylnja, a wón měješe so wo lěpše defensiwne dźěło starać. Sokoljo derje započachu a samowrota w 9. min. wunjesechu jim nawjedowanje, jako škitar bul wróćo hłójčkowaše a wrotarja z tym překwapi. Njetraješe pak dołho a znowa pokazachu domjacy koparjo kaž hižo tydźenja wulke słabosće w defensiwje. Hrać bjez libera jim w tutej lize prosće njeleži. W 17. min. ćehnješe hóstny nadběhowar dosrjedźa a jeho třělwa dyri do žerdźe. Hižo do toho mějachu Sokoljo zbožo, jako bě njezbožowna flanka łatu trjechiła. Krótko po tym dyrbješe Hrjehor dwójce zakročić a wotwobara bul k róžkej. Tón pak wunjese wurunanje, jako Preibsch bul z dźesać metrow do kuta sadźi.­

Na twarnišću noweho zachoda Małowjelkowskeho prazwěrjenca

Mały Wjelkow (SN/MWj). Dypkownje k spočatkej klětušeje sezony, 1. apryla 2017, ma nowe zachodne twarjenje Małowjelkowskeho prazwěrjenca hotowe być. Ale hižo nětko je wone atrakcija. Ludźo móža přez dźěry w płoće hladać, kak konstrukcija rosće. „Twar so pozitiwnje na naš marketing wuskutkuje, a njejsym tuž zły, zo traje dlěje, hač spočatnje wotpohladane“, praji jednaćel Budyskeje wobdźělenskeje a wobhospodarjenskeje towaršnosće (BBB) Volker Bartko.

Ze spěchowanskimi srědkami a z wotpowědnym swójskim podźělom chce město Kulow lětsa wjacore dróhotwarske projekty zmištrować. Z nimi je so nětko měšćanska rada zaběrała.

Mučow (AK/SN). Wot Sakskeho zarjada za dróhotwar a wobchad (LASuV) dóstanje město Kulow lětsa po wšěm zdaću 94 000 eurow. Tele srědki wotpowěduja 90procentowskemu spěchowanju. Dźesać procentow přida Kulow jako swójski podźěl. „Tak móžemy naprawy za trochu wjace hač 100 000 eurow zwoprawdźić a na wjacorych městnach dróhi zwuporjedźeć“, rozłoži Jurij Brösan z twarskeho wotrjada měšćanskeho zarjadnistwa na zašłym posedźenju měšćanskeje rady w Mučowje. Tam chcedźa mjez druhim zbytny dźěl nawsy z asfaltowej worštu pokryć. Nimo toho matej so nadróžnej lampje přestajić.

Předsydstwo towarstwa Němčanskeho wětrnika organizowaše za swojich čłonow a spěchowarjow wuprawu jako dźak za aktiwne dźěło.

46 čłonow zetka so minjenu njedźelu k jězbje po domiznje wokoło Bjerwałdskeho jězora, dale přez Klětno a Chrjebju do Rěčic. Za mnohich bě tamniši wjelči centrum nowosć. Na wodźenju po Erlichtec dworje zhonichu mnohe historiske fakty wo prjedawšich wsach a twarskich stilach. Po słódnym wobjedźe dźěše dale do Mužakowa. W Lěšćoch wo­pytachu šokolodowu fabriku „Felicitas“ a móžachu někotre z jeje słódkich wudźěłkow woptać. Na kóncu mějachu składnosć, z wulkeho wuběra nakupować. Wulětnikarjo so předsydźe wětrnikoweho towarstwa Martinej Crügerej za zajimawu a powučnu jězbu dźakowachu a slubichu, přichodnje w towarstwje dale aktiwnje sobu dźěłać. Achim Nowak

W hribach so zabłudźił

Póckowy. 89lětny muž je wutoru popołdnju pola Póckowow do hribow šoł a so tam najskerje zabłudźił. Jeho syn alarmowaše wčera rano policiju. Na to je wjace hač 20 policistow, 16 Póckowskich wohnjowych wobornikow za rentnarjom pytało. Zasadźenej běštej tohorunja helikopter a wosebje wukubłany pos, tak mjenowany mantrailer. Krótko do připołdnja 89lětneho namakachu. W tym zwisku policija na to skedźbnja, při hribypytanju radšo handy při sebi měć, jeli so woprawdźe zabłudźiš.

25.8.–31.8.2016 Budyski filmowy palast: Mike and Dave need Wedding Dates: wu 20:00 Elliot, der Drache: wšědnje 15:30 | so a nj 13:15 | wu 20:00 Elliot, der Drache w 3 D: wšědnje 17:30 a 19:45 (nimo wu) Pets: wšědnje 20:00 (nimo pó a wu) Pets w 3 D: wšědnje 15:30 | so a nj 13:30 Conni & Co.: wšědnje 15:30 a 17:45 Suicide Squad w 3 D: wšědnje 17:30 a 20:00 | pj a so 22:00 Jason Bourne: wšědnje 20:00 | pj a so 22:30 Ghostbusters: pj a so 22:00 Ein ganzes halbes Jahr: wšědnje 17:45 (nimo pó) Ice Age – Kollision voraus: wšědnje 15:30 (nimo pó) | pó 15:15 Ice Age – Kollision voraus w 3 D: so a nj 13:30 Ninja Turtles: so a nj 13:15 Independence Day: Wiederkehr w 3 D: pj a so 22:30

Kino-ekstra: Seitenwechsel: pó 17:15 a 20:15

Wojerowski CineMotion: Jason Bourne: wšědnje 19:50 | pj a so 22:25 Elliot, der Drache w 3 D: wšědnje 17:30 a 19:45 Elliot, der Drache: wšědnje 15:15 Conni und Co.: wšědnje 15:20 a 17:35 Lights out: wšědnje 20:15 (nimo srj) | pj a so 22:05 Suicide Squad w 3 D: wšědnje 19:55 | pj a so 22:30 Suicide Squad: wšě­dnje 17:40 Pets w 3 D: wšědnje 17:45 (nimo srj) Pets: wšědnje 15:40 Ninja Turtles w 3 D: pj a so 22:10 Ninja Turtles: wšě­dnje 15:15 Mike and Dave need Wedding Dates: srj 20:15 Birnenkuchen mit Lavendel: srj 10:00 Unterwegs mit Jaque­line: srj 17:45

Njeswačidło (LR/SN). Na lětuši třeći hrodowy koncert přeproša Njeswačanske towarstwo přećelow kultury a domizny sobotu, 3. septembra, do tamnišeho hrodoweho parka. To budźe zdobom posledni w rjedźe lětušich hrodowych koncertow. Wjeselić smědźa so wopytowarjo na znaty dźěćacy chór Campanella z čěskeho Olomouca. W lěće 1967 běštaj jón Karel Klimeš a jeho syn Jiří załožiłoj. Wot toho časa je chór něhdźe 1 200 króć w 45 krajach Europy, Azije, Afriki a Ameriki koncertował. Před dwanaće lětami bě spěwne ćěleso hižo raz hósć w Njeswačidle, štož bě tehdy wulke dožiwjenje.

W lěće 2013 wotmě so w chórje generaciska a strukturna změna. Při tym nasta Wuměłska zakładna šula Campanella Olomouc. Solistaj chóra Michaela Dvořáková a Jan Vaculík staj pedagogaj tuteje šule a zdobom čłonaj Morawskeho dźiwadła Olomouc.

Koncert wotměje so pod hołym njebjom před Njeswačanskim hrodom. Započatk budźe we 18.30 hodź. Zastupne lisćiki w předpředani poskića přichodnu njedźelu na hrodźe, wšědnje w Njeswačanskim časnikowym wobchodźe na Budyskej a w turistiskej informaciji w parku, wězo tež při wječornej kasy.