Sydom medaljow za Němsku na jeničkim dnju zdobyli
Wudobytk němskich atletkow a atletow při paralympiskich hrach w Parisu bywa dale a wjetši. Sobuzamołwitaj za to staj Elena Krawzow a Taliso Engel, kotrajž staj sebi wobaj złoto w płuwanju wudobyłoj. W 19.07 hodź. dótkny so Taliso Engel štwórtk wječor po wuběrnym wubědźowanju w płuwanju na hrudźi přez 100 metrow jako prěni kromy basenka. Z 2,93 sekundami předskoka doby 22lětny swoje druhe paralympiske złoto w tutej distancy. Jenož 24 mjeńšinow pozdźišo wotmě so w arenje La Defence hišće raz podobny podawk: Na čarje čisło štyri wotsadźi so znowa sportowča z němskimi barbami na kupanskej kapje. Tutón raz bě to Elena Krawzow, kotraž wubědźowanje samo 3,08 sekundow zašo hač konkurencu zakónči. Dwójce złoto za Němsku w najkrótšim času – to zdokonještaj Engel a Krawzow hižo před třomi lětami w Tokiju. Elena Krawzow polěpši w finalu swójski swětowy rekord z lěta 2019. 1:12,54 mjeńšiny – tak spěšnje njeje žona w klasy SB12 distancu přez 100 metrow na hrudźi hišće ženje płuwała.
Sport (06.09.24)
Hašenje we Wotrowje a Ralbicach
Po wubědźowanju w Smjerdźacej měrja hašerjo dźensa wot 18 hodź. swoje mocy we Wotrowje. 13. septembra potom w Ralbicach wot 20 hodź. pod swětłomjetakami.
Pokalne koparske hry
Dźensa, jutře a njedźelu přewjedu so na krajnej kaž tež wokrjesnej runinje pokalne koparske hry wo zaćah do dalšeho pokalneho koła. Při tym změja Njebjelčenjo a Ralbičenjo domjacu lěpšinu. Wobě Chróšćanskej mustwje dyrbitej w cuzbje nastupić.
08.09. 13:30 ST Mały Wjelkow -
ST Radwor
08.09. 15:00 Jednota Kamjenc -
SJ Chrósćicy II
08.09. 15:00 SJ Njebjelčicy -
Zeleno-běli Sepicy
08.09. 15:00 Sokoł Ralbicy/Hórki -
Natwar Němske Pazlicy
08.09. 15:00 Bretnig-Hauswalde -
SJ Chrósćicy
Měšćanske běhi w Budyšinje
Wočakowanja złoteje medalje dla suwerenje spjelnił
Dalokoskakar Markus Rehm je sej srjedu štwórty raz złotu medalju při paralympiskich hrach wuskočił. Na swojim dobyću drje nichtó dwělował njeje. Přiwšěm pak dyrbiš tute wočakowanje tež zwoprawdźić. Mnohim druhim sportowcam so to w Parisu poradźiło njeje. Rehm pak přesadźi so kaž woprawdźity champion. Jeho prěni skok (7,83 m) by hižo za dobyće dosahał. Cyłkownje běchu štyri ze šěsć jeho pospytow złota hódne. Na kóncu stejachu 8,13 metrow na tafli. Z tutym wuslědkom přesadźi so wón jasnje přećiwo US-Američanomaj Derekom Loccidentom (slěbro, 7,79 m) a Jarrydom Wallace (bronza, 7,49 m). Druhi Němc, Kölnjan Noah Bodelier, bu ze 6,98 metrami šesty.
Hišće lěpje wotrěznychu sportowcy w kolesowanju: Dwójce bronza, jónu slěbro, jónu złoto. Po paralympiskim dobyću Maike Hausbergera a druhim městnje Michaela Teubera docpěštaj tež Annika Zeyen-Giles a Matthias Schindler cil. Z tym zawěsćeštaj sebi městno na podiju.
W poslednjej mjeńšinje sej dypki zdobyli
ST Radwor –
ST Nadrózna Hrabowka 3:2 (1:0)
Zestawa domjacych: Šěrak – B. Grubert, Omran (90. Dej), M. Dźisławk, Wjeńka, Wjesela(73. Hančik), Nuk, Schöne (76. Adam), M. Grubert, Wróbl (37. C. Dźisławk), Glücklich
Po špatnym wustupje w Lubušu běchu Radworčenjo połneho elana tole zaso wurunać.
W prěnich dźesać mjeńšinach chcychu přećiwnikej městno wostajić, přeco zaso spěšnje nadběhować a k zmylkam nuzować. To so tež derje poradźi. W 9. min. połoži Christoph Wjesela bul na Jakuba Wróbla, kiž k 1:0 trjechi. Po tym měješe ofensiwa Radworčanow zwjetša přez křidle wjele šansow. Z tym njemóžachu pak wjac wrotow nadźěłać, byrnjež zasłužene było. Tak skónči so prěni połčas 1:0.
Wuslědki (05.09.24)
Wokrjesna liga stafla II
Wojerowski FC II – LSV Hory 0:7 (0:4)
ST Kubšicy – ST Bart3:0 (3:0)
ST Wulka Dubrawa – ST Lubuš 2:0 (1:0)
Traktor Malešecy – Minakał 2:2 (1:0)
FSV Łuty – ST Ćisk 0:2 (0:1)
Kinspork/Łužnica – Sepicy 3:0 (2:0)
Radwor – Nadrózna Hrabowka 3:2 (1:0)
1. LSV Hory 3 17 : 1 9
2. ST Kinspork/Łužnica 3 8 : 0 9
3. ST Wulka Dubrawa 3 8 : 5 6
4. ST Radwor 3 7 : 5 6
5. ST Lubuš 3 5 : 4 6
6. ST Kubšicy 3 7 : 7 6
7. Traktor Malešecy 2 8 : 2 4
8. Módro-běli Minakał 3 8 : 7 4
9. Zeleno-běli Sepicy 3 3 : 7 3
10. ST Ćisk 3 2 : 9 3
11. Wojerowski FC II 3 4 : 12 3
12. FSV Łuty 2 0 : 4 0
13. Nadrózna Hrabowka 3 3 : 8 0
14. ST Bart 3 2 : 11 0
Wokrjesna klasa stafla I
ST Budyšin – HZ Wóspork 4:1 (1:0)
Załom-Wopaka – Ger. Budyšin II 2:1 (1:1)
Bukecy II – TSV Wernarjecy II 1:1 (0:1)
Mały Wjelkow – HZ Wjazońca II 1:1 (0:1)
Drjewnica – ST Demicy-Tumicy 0:2 (0:1)
1. ZSZ Załom-Wopaka 3 13 : 2 9
2. Germania Budyšin II 3 17 : 2 6
3. ST Budyšin 2 8 : 2 6
4. SZ Drjewnica 3 9 : 5 6
5. ST Demicy-Tumicy 2 4 : 1 6
6. HZ Wjazońca II 3 10 : 3 4
7. TSV 1859 Wernarjecy II 3 7 : 10 4
8. HZ Hodźij II / Huska II 2 4 : 5 3
9. ST Mały Wjelkow 3 3 : 13 1
10. Zeleno-běli Bukecy II 3 1 : 12 1
11. HZ Budyšink 1 1 : 4 0
12. Horni kraj-Sprjewja II 2 1 : 10 0
12. HZ Wóspork 2 1 : 10 0
Dwójce złoto a skok do skupiny najlěpšich dwacećoch
Sportowa třělča Natascha Hiltrop je při paralympiskich hrach w Parisu w disciplinje sportoweho třělenja złotu medalju dobyła. Rozsud padny z poslednim wutřělom. Po překwapjacym zwrěšćenju, w měšanym wubědźowanju, přetrjechi Hiltrop wutoru, w třělnym sportowym centrumje w Châteauroux, swój slěborny wuspěch tehdy z Tokija. 32lětna doby z małokalibrowej třělbu přez 50 metrow.
Hru w přidatnym času skepsali
ST Marijina hwězda –
SJ Motor Kumwałd 1:2 (1:0)
Zestawa domjacych: Wünsche – Wróbl, E. Bulank, K. Pakoßnick, Hoge, F. Bulank, Kurink (38. Zynda), Eldor, Clausen (46. Bayer, 88. Langer), Kreuz (68. Ladewig), J. Pakoßnick
Stefan Zarjeńk „běh swojeho žiwjenja“ zdokonjał
Sněhakowy centrum Sugarloaf Mountain w sewjernych Apalachach USA sta so minjenu njedźelu z pupkom swěta trailowych běharjow. Serija XTERRA w trailowym marathonje a połmarathonje zwjedźe tu sportowcow ze wšitkich kontinentow swěta hromadźe, zo by swojich lětušich swětowych mištrow namakała. Tež Stefan Zarjeńk z Drježdźan bě po lońšej kwalifikaciji na XTERRA-wubědźowanju w Žitawskich horach přeprošenju do něhdźe 6 000 km zdaleneho Carrabasset Valley w US-staće Maine slědował. Sportowče a sportowcy z wjace hač 30 krajow so tam wubědźowachu. Trailowy marathon wotměwa so po njeasfaltowanych šćežkach w přirodźe.
Wuslědki (04.09.24)
Kopańca, wokrjesna liga stafla I
Rakečanske ST II – Hlinowski SK 1:6 (0:2)
Chrósćicy II – Steinigtwolmsdorf 2:4 (1:2)
ST Porchow – Wjernarjecy 6:2 (3:0)
Marijina hwězda – Kumwałd 1:2 (1:0)
ST Wjelećin – TSV Wjazońca 3:5 (1:3)
1. Hlinowski SK 1931 3 12 : 4 9
2. TSV Wjazońca 3 9 : 6 7
3. ST Marijina hwězda 3 12 : 4 6
4. Motor Kumwałd 3 8 : 5 6
5. Arnsdorfske KT 3 7 : 4 6
6. HZ Frankenthal 3 5 : 4 5
7. ST Porchow 3 9 : 7 4
8. SZ Steinigtwolmsdorf 3 7 : 6 4
9. HZ Huska/Hodźij 3 6 : 5 4
10. TSV Wjernarjecy 3 9 : 10 4
11. Bretnig-Hauswalde 3 3 : 4 2
12. SJ Chrósćicy II 3 6 : 10 1
13. ST Wjelećin 3 6 : 14 0
14. Rakečanske ST II 3 3 : 19 0
Tójšto medaljow za mustwo Němskeje – ale žana złota
Triatlet Max Gelhaar je při swojim prěnim paralympiskim wubědźowanju slěbro dobył. Kaž na swětowych mišterstwach dyrbješe Lipšćan w swojej startowej klasy jenož Španičanej Danielej Molinje předstup dać. A němske mustwo móžeše so krótki čas pozdźišo w běhu někotrych mjeńšin hišće dwójce wjeselić. Najprjedy běštej slepa Anja Renner a jeje guide Maria Paulig z němskej chorhoju jako třećej do cila přišłoj. Krótko po tym zawěsći sej Martin Schulz tohorunja bronzu. To bě dla rozdźělnych startowych klasow móžno. Gelhaarowy treningowy partner Schulz bě po swojich dobyćach w Rio a Tokiju jako faworit do wubědźowanja šoł. W cilu wyskaše němski chorhojnik wotewrjenskeje swjatočnosće pak tež nad bronzu a wojowaše ze sylzami.
Dźeń po triumfje přez 150 metrow w disciplinje wjacorych stilow je němski płuwar Josia Topf přez 50 metrow na chribjeće slěbro dobył. Topf dyrbješe w 47,06 sekundach jenož Ukrainjanej Denysej Ostapchenkej (45,16) předstup dać.
