Wosada swj. Michała jubilej załoženja z knižnej premjeru woswjećiła

Budyšin (SN/bn). Składnostnje lětušeho jubileja 1619 załoženeje ewangelskeje wosady swj. Michała je superintendent Jan Malink knihu „Swj. Michał. Cyrkej – wosada – wsy“ wudał. Publikacija wobswětla w pjeć kapitlach stawizny nabožinskeho zhromadźenstwa kaž tež Bo­žeho domu, kotryž twori dźensa „zhromadnje ze Starej wodarnju najznaćiši archi­tektoniski ansambl Budyšina. Před 200 lětami bě tehdyši farar Mička w drohotnym zešiwku historiju wosady zjimał. Podobnje postupowaštaj fararjej Tyšer a Rjeda lětstotk pozdźišo. Z toho je mysl wurostła, nětčiši staw z knihu wotbłyšćować“, Malink nastaće publikacije na wčerawšej premjerje w Budyskej Michałskej cyrkwi rozłoži.

weiterlesen...
Fr., 23. August 2019

Po počesćenju dr. Marje Grólmusec na jeje smjertnym dnju 6. awgusta w Radworju (SN rozprawjachu) přeprosychu wčera znowa wšelakore institu­cije, zo bychu so před 75 lětami w žónskim koncentraciskim lěhwje Ravensbrück zahinjenej publicistce wěnowali.Budyšin (SN/CoR). Nimale 80 zajimcow je sympozij „Dr. Marja Grólmusec – nowe widy!“ wčera do Budyskeho Serbskeho muzeja wabił. Mjez nimi běštaj zapósłanc Sakskeho krajneho sejma Harald Baumann-Hasske (SPD) a Radworski wjesnjanosta Wincenc Baberška (CDU).

Fr., 23. August 2019

Šrajer a Žur na KnappenManuMichał Šrajer z Chrósćic a Marian Žur z Lejna zastupujetaj na jutřišim triatlonowym wubědźowanju KnappenMan serbske barby w a při Třižonjanskim jězorje. Wobaj podataj so na distancu KnappenMan XL: 1,9 kilometrow płuwać, 90 kilometrow kolesować a połmarathon běžeć. Start za wobeju je w 11 hodź. Za njedźelu je so Miłočan Beno Šołta zapisał. Wón startuje w stafli Hossa Hózk, a to z Anitu Salowskec a Sabinu Salowscynej.Jubilejne běhi na BěłobóhLětsa přewjedu we Wopakej 40. raz běhi na horu Běłobóh, a to njedźelu, 25. awgusta, wot 10 hodź. Planowane su di­stan­cy 1,5/4,9/12,0 a 20,0 km. Nimo toho poskića tam walkingowarjam distancu 4,9 km.Wulke finale bičtury

Fr., 23. August 2019

Po Sakskej Šwicy pućujo sej přirodu lubić daćLěto hižo mam nowy domicil w Drježdźanach a znaj­mjeńša lěto sej přede­wzam, jónu po Sakskej Šwicy pućować. Tam dźě dyrbi rjenje być, prajachu mi swójbni, přiwuzni, přećeljo a scyła kóždy,­ kotrehož dotal w sakskej stolicy zeznach.Posledni prózdninski tydźeń bě skónčnje tak daloko. Njedźelu wječor zorganizowach sej přewod přez pućowansku skupinu na Facebooku, a póndźelu dopoł­dnja zetkach młodu žonu, kotraž je hakle lětsa w aprylu přićahnyła. Judith, tak wona rěka, chcyše swój swobodny dźeń zaměrnje wužić. Hižo dlěje njebě wjac pućować­ a so tuž wjeseleše, zo njetrjeba ze mnu žadyn „marathonowy wukon“ zmištrować. Po krótkej rešerši w inter­neće dojednachmoj so na čaru, kotruž chcychmoj při Bastajowym mosće započeć a w Rathenje skónčić.Dobra chemija wot spočatka

Fr., 23. August 2019

W francoskim pomórskim měsće Biarritz hotuja so na kónctydźenske wjerškowe zetkanje sydom wodźacych industrijnych krajow G7. W centrumje města su wšitke wotpadkowe kontejnery zawrěli. Wobydlerjo su namołwjeni, wotpadki do kónca wjerška wobchować abo je druhdźe donjesć. Policija je z wjace hač 13 000 zastojnikami na městnje. Přećiwnicy wjerška chcedźa demonstrować. Foto: dpa/Miho Ikeya

Fr., 23. August 2019

Jubilejny swjedźeń w „Jednoće“Chrósćicy. Chróšćanscy muzikanća swjeća 40lětne wobstaće. Na swjedźeń su sej znatu morawsku dujersku kapa­łu Boršičanku přeprosyli. Zhromadnje z čěskimi muzikantami, pod nawodom Antonína Koníčeka chcedźa hosćom jutře, sobotu, wot 19 hodź. w Chróšćanskej „Jednoće“ njezapomnity wječor wo­bra­dźić. Někotre lisćiki za „krótkorozsudźenych“ při wječornej kasy hišće maja. Ćělne derjeměće je zaručene.Na „beerpongowy turněr“Radwor. Radworski młodźinski klub přeproša lubowarjow piwa jutře wot 18 hodź. hač do połnocy na mjez druhim 2. „beerpongowy turněr“, a to na ležownosći młodźinskeho kluba. „Mamy ka­pacitu za 32 mustwow, startowy fenk za re­financowanje mytow wučinja pjeć eurow na wosobu. Hrate budźe po tur­něrowym modusu, přizjewić móžeće so wot 18 hodź.“, w přeprošenju rěka.Klinčace nócne fantazije

Fr., 23. August 2019

Lětuša bičwolejbulowa tura Radija Sat­kula je so 2. julija zahajiła. Hač do kón­ca awgusta hišće so mustwa na potom dohromady dźewjeć stacijach wubědźuja. W małej seriji­ tu jednotliwe hrajnišća předstajamy.Miłoćicy (SN/pdź). W Budyskej Sprjewinej kupjeli wubědźowaše so minjenu póndźelu zaso 16 mustwow w bičwolejbulu. Běše to poslednja stacija Satkula-bičtury do wulkeho finala w Miłoćicach. Přesadźił je so na kóncu cyłk Škit Budyšin, bjezdwěla jedyn z faworitow na cyłkowne dobyće. Dołhož so bičwolejbulowa tura Radija Satkula po Łužicy wotměwa, zarjaduja jeje finalne wubědźowanje w Miłočanskej Bobkec jěchanskej hali. Tam wubědźuje so stajnje 20 mustwow na dwěmaj hrajnišćom wo pokal młodeje žołmy Satkula.

Fr., 23. August 2019

Monika Kuhlee wodźi wopytowarjow po geoparku Mužakowskeho zahorkaMonika Kuhlee čaka njesćerpnje na kóždeho wopytowarja. Rady so wona na wodźenjach prašenjam zajimcow wěnuje. „Zahajam zarjadowanje stajnje hakle potom, hdyž smy wšitcy hromadźe, tak zo móža wšitcy informacije sćěhować“, wujasnja wodźerka po přirodźe a krajiny geoparka UNESCO Mužakowski zahork (Faltenbogen). Runje nětko přihotuje so wona na wodźenje pod hesłom „Doł Nysy ze wšitkimi pjeć zmysłami dožiwić“, zo by wopytowarjam w nadawku wo­krjesneje ludoweje uniwersity Sprjewja-Nysa z regionalnym stejnišćom w Grodku (Spremberg) kónčinu Mužakowskeho zahorka pokazała.

Fr., 23. August 2019

Bianka ŠeferowaPrózdniny su nimo a tak za mnohich tež wočerstwjacy dowol. Nadźijomnje mě­je­še kóždy z nas dosć rjanych dožiwjenjow, z kotrychž móže čerpać. Ja mam tajke na kóždy pad. Přiwšěm je mje na wróćo­jězbje z juha jedna wěc chětro mjerzała. Na něhdźe 1 100 kilometrach smy ja­ko­ swójba sylny wobchad w Chorwatskej, Słowjenskej, Awstriskej a Němskej jara derje zmištrowali. Najhórše na jězbje pak bě poslednje 50 kilometrow z Drježdźan do Budyšina. W Porchowje so rozsudźichmy zwjaz­kowu awtodróhu A 4 wopušćić. Jedne awto po druhim, karawana Lkw-jow pohibowaše so tam do směra na Pólsku. Štyričarowa A 4 bě sobotu připołdnju kopata połna. Kak drje tam wšědny dźeń rano abo popoł­dnju wupada, hdyž ludźo na abo wot dźěła jězdźa, nochcu sej radšo předstajić. Mnohim je to zawěsće wšědnje wulke wužadanje.

Fr., 23. August 2019

Ralbicy (SN/JaW). Lektorka za dźěćacu lite­raturu a wuhotowar w Ludowym nakładnistwje Domowina (LND) Weronika Žurowa a Tomaš Šołta staj dźensa dopołdnja wosebity projekt ze 7. lětnikom Ralbičanskeje wyšeje šule zahajili. Pod hesłom „Naša serbska kniha“ ma hač do spo­čatka decembra nastać cyle nowa kniha z cyle nowymi wot šulerjow sa­mospi­sa­nymi fabulemi, zdźěli Weronika Žuro­wa na naprašowanje. Zaměr je, dźěći ze­znajomić z dźěłom a powołanjemi w nakładnistwje kaž tež wobdźělić so na na­staću serbskeje knihi wot spisa­nja při­­­noškow a zdźěłanja ilustracijow hač k ho­towej ćišćanej publi­kaciji. Šula bě wupisa­nje projekta LND dobyła. Na­mje­towała a přizjewiła je direktorka kubła­nišća Milenka Koberowa rjadownju z temu fabule. Dźensa staj so sobudźě­łaćerjej LND, lektorka Weronika Žurowa a wuhotowar Tomaš Šołta, we wobłuku wučby serbšćiny – tam so mjenujcy z fabulemi za­bě­raja – dźěćom najprjedy raz předstajiłoj a jim wotběh a jednotliwe kroki projekta a terminowy plan rozło­žiłoj ...

Fr., 23. August 2019

Waršawa/Bratislava (dpa/SN). We Wysokich Tatrach je njewjedrow na pólskej a słowakskej stronje dla znajmjeńša pjeć ludźi žiwjenje přisadźiło. Wjace hač sto so zrani, kaž pomocnicy pólskim medijam zdźělichu. Zranjenych su z helikopterami do chorownje dowjezli. Po informacijach powěsćernje bě błysk do rjećaza zrazył, kotryž słužeše pućowarjam jako pomoc při krosnowanju na skały.Najwjace woporow mějachu na pólskim boku. Słowakska rěčeše wo jednym mortwym. Muž bě ze žonu po puću, jako błysk do njeju zrazy. Wotmach bě tak wulki, zo muž na to wjacore sta metrow do hłubiny padny. Njejapke njewjedra běchu pućowarjow překwapili.

Anzeige

  • Sernjany su swoju róčnicu prěnjeho naspomnjenja wsy před 600 lětami z wosebitym wjesnym swjedźenjom wuspěšnje woswjećili. Tule nańdźeće někotre fotowe impresije wo tym:
Zerna feierte unlängst die Ersterwähnung des Ortes vor 600 Jahren mit einem beson