Bilanca a wuhlady w zarjadniskim zwjazku Při Klóšterskej wodźe

Pančicy-Kukow (SN/MWj). W twarjenju zarjadniskeho zwjazka Při Klóšterskej wodźe w Pančicach-Kukowje zda so jedne lěto być kaž druhe. Přistajeni wobstaraja swoje běrowowe dźěło, wobdźěłaja personalne dokumenty a wopisma, maja dołhe lisćiny z wjele ličbami na pisanskim blidźe, wupisuja zličbowanki a zdźěłaja hospodarske plany za sobustawske gmejny. „Zwjetša to tež tak přitrjechi“, praji předsyda zarjadniskeho zwjazka Stefan Anders. Su pak tež wusahowace podawki, kotrež sej přidatne dźěło žadaja.

Tornow (AK/SN). We Łužiskej jězorinje ma bórze wosom stacijow ADAC za reparowanje kolesow nastać. Tole su čłonojo zwjazka Łužiska jězorina Sakska jednohłósnje na zašłej zhromadźiznje wobzamknyli. Zhromadnje z wobchadnym zwjazkom ADAC Sakska, komunami a priwatnymi wobsedźerjemi ležownosćow chcedźa projekt zwoprawdźić.

Tam, hdźež wjele turistow přichadźa – při jězorach, kolesowarskich šćežkach, při škitnych hětach abo informaciskich taflach – maja so stacije natwarić. Po móžnosći hač do apryla, takrjec do spočatka noweje sezony, dyrbi wšitko hotowe być.

ADAC chce stacije darmotnje k dispoziciji stajić. Nimo toho wobchadny zwjazk hladanje stacijow a narunanje skóncowanych abo zhubjenych gratow zawěsći. Dale přewozmje ADAC kóšty za material w zwisku z instalaciju kolesowanskich stacijow. Sobudźěłaćerjo zaměroweho zwjazka pak maja fundamenty přihotować a so wo wotpowědne dojednanja z mějićelemi ležownosćow starać. Tohorunja změja woni prawidłownje staw stacijow kontrolować. Hdźe stacije dokładnje nastanu, to akterojo hišće wothłosuja.

Monika Škodźina z Wotrowa ma přispomnjenja resp. korektury k swojemu přinoškej z 12. decembra w SN:

Wutrobny dźak za wozjewjenje mojeho přinoška. Kaž sym hižo telefonisce naspomniła su so w mojim nastawku zmylki wozjewili.

1. Sym z lubosću a česću hotwańča. Hotwańča rěka, zo holcy katolsku drastu woblěkam. Tutón 1. nastawk je so w SWR wozjewił. Tohodla tele rozjasnjenje.

2. Lubi młodostni! Nochcu swarjeć abo kritizować. Chcu wam młodostnym tute bohatstwo; našu katolsku narodnu drastu ze swojimi myslemi rozjasnić. W dźakownosći a z česću sej drastu wažimy a ju tež na wšelakich swjedźenjach nosymy. Tutón wotrězk je za mnje jara wažny a w cyłkownym wozjewjenju nastawku njeparujomny. Namjetuju: Tutón nastawk w cyłku hišće raz wozjewić resp. wo korekturu.

Regina Šołćina z Konjec:

Budyšin (SN/BŠe). Cyle wosebite dožiwjenje měješe wčera a dźensa 19 šulerjow 4. lětnika Pančičanskeje zakładnje šule. W Budyskim studiju mdr woni spěwaj nahrawachu. „Spěchujemy dorost a dźěćace produkcije“, rozłoži Handrij Špitank z hudźbneje redakcije Serbskeho rozhłosa. Iniciator noweho projekta je hudźbnik Měrćin Weclich. Wón wobroći so zaměrnje na Pančičansku zakładnu šulu pytajo za nowymi talentami. Wu­zwolił je dwaj spěwaj ze cyklusa „Mjezwočo“ spisowaćelki Lubiny Hajduk-Veljkovićoweje. Cyłkownje wobjima cyklus sydom spěwow na temu mjezwočo.

Clemens chce 100 šulow wopytać

Drježdźany. Nowy sakski kubłanski minister Conrad Clemens (CDU) chce nowe lěto z turu po šulach zahajić. W běhu 100 dnjow chce wón 100 kubłanišćow wopytać a so na městnje wo mnohostronskej šulskej krajinje informować, zdźěli nětko kultusowe ministerstwo w Drježdźanach. Clemens chce z nawodami šulow, wučerjemi, zastupjerjemi staršich a šulerjemi wo aktualnych wužadanjach rěčeć.

Wjace ludźi bjez dźěła

Budyšin. We wobwodźe Budyskeje agentury za dźěło, kotremuž Budyski a Zhorjelski wokrjes přisłušatej, bě loni w decembru 19 943 bjezdźěłnych přizjewjenych. To je porno předchadźacemu měsacej 166 wosobow (0,8 procentow) wjace. Porno decembrej lěta 2023 je to 204 wosobow wjace. Kwota bjezdźěłnosće je na 7,3 procenty stupała. Před lětom wučinješe kwota 7,2 procentow.

Šćedriwy dar wopomnišću

W składźe woheń wudyrił

Dźěwin. Silwesterskich pryzlow dla je so w Dźěwinje skład słomy wupalił. Skupina młodostnych bě tam po wsy po puću, jako 15lětna holca praskotak do hale ćisny. W hali bě 400 walčkow słomy, kotrež so zapalichu. Zasadźenych bě dźesać wohnjowych woborow ze 16 jězdźidłami a něhdźe 70 wobornikami. Jich dźěło bě sčasami ćežke, dokelž dyrbjachu wodu po dlěšej čarje z jězora klumpać. Hašenje traješe hač do dopołdnja Noweho lěta. Zranił so na zbožo nichtó njeje, wěcna škoda pak wučinja něhdźe 20 000 eurow.

Čłonojo serbskeje lajskeje dźiwadłoweje skupiny Chrósćicy podachu so před tydźenjom pjatk zhromadnje z Chróšćanskimi muzikantami na adwentny wulět. Předsyda dujerskeje kapały Roman Wjesela nas wobdźělnikow w busu powita a nam dnjowy wotběh předstaji. Prěnja stacija bě hród w Rogeńcu blisko Choćebuza. Z wupožčenym awdijo-guidom je sej kóždy samostatnje wustajeńcu we wulkotnje ponowjenym hrodźe wobhladał. Dalši puć wjedźeše nas do hrodźišća Słowjanow w Radušu. Tu wotměchu so na tutym kóncu tydźenja „Prěnje słowjanske hody“. Nowy wobhospodar běše sej wjacore hudźbne, spěwne a rejowanske skupiny z wšelakich słowjanskich ­krajow přeprosył, ale tež naši Chróšćanscy muzikanća stejachu na programowej lisćinje. Jako do Raduša dojědźechmy, předstajichu tam runje rejowarjo čěskeje skupiny JARO z Prahi swój program. Chróšćanscy hercy dyrbjachu so do spěcha měć a spěšnje swoje instrumenty ­wupakować, ­wšako mějachu hnydom po nimi swój wustup. Woni poskićichu hosćom čěske, serbske a morawske dujerske pěsnje a njejsu jenož nas Chróšćanow k sobuspěwanju pohnuli.

„Posłuchaj lěkarja, prjed hač jeho ­trjebaš!“, serbske přisłowo namołwja.

Tuž wěnuje so student mediciny ­Pětr Dźisławk znatym a mjenje znatym chorosćam, zo by je ­čitarjam trochu ­bliže rozłožował (60).

W zašłym wudaću Mediciny raz serbsce smy hłowywjerćenje definowali a zwěsćili, zo je za tajke mnoho přičinow. Nimo klasikarjow, kaž infekty a pjanosć, mjenowachmy benigne paroksysmalne wot połoženja wotwisne hłowywjerćenje jako daloko rozšěrjene schorjenje, při kotrymž tworja so w nutřkownym wuchu kamuški, kotrež runowahu poćežuja.

Chrósćicy. Puć z Portugalskeje hač do Santiaga de Compostella staj Donatec mandźelskaj z Chrósćic loni jako putnikaj pěši zmištrowałoj, a to 280 kilometrow w běhu 10 dnjow. Startowałoj staj w měsće Porto. Puć wjedźeše jeju do znateho putniskeho cila w sewjerowuchodźe Španiskeje, do Santiaga de ­Compostella. Što staj při putnikowanju dožiwiłoj, što je jeju jimało, koho staj zetkałoj, wosebite stacije a drohoćinki po puću – wšo tole předstajitaj zajimowanym z mnoho wobrazami sobotu, 4. januara, wot 19.45 hodź w Chróšćanskej putniskej hospodźe. Při tym podataj tež tu abo tamnu radu putniskim započatkarjam. Hižo do přednoška pokaza so w 16 hodź za dźěći serbske dźěćace kino.

Swójbne mjena su přeco zaso zajimawe swědčenja rěče našich prjedownikow. W serbšćinje maja wone wosebitu hódnotu, dokelž pochadźeja z časa, z kotrehož hišće žane pisomne pomniki njewobsedźimy. Kak su naši prjedownicy před wjele lětstotkami myslili a so rěčnje zwuraznili, wo tym nam wone mjena znajmjeńša něšto přeradźeja.

Chcemy so zaso wěnować někotrym serbskim prócowarjam zańdźenosće, kotřiž maja lětsa kulojtu abo połkulojtu róčnicu narodnin abo posmjertnin, a so zamyslić do jich mjenow. Swójbne mjena nastachu často z mjenow powołanjow, kotrež běchu prěni nošerjo mjenow wukonjeli. Tak je to na přikład pola Šewčika, takrjec „małeho šewca“. Jakub Šewčik, rodźeny w Baćonju a farar mjez druhim w Chrósćicach, wěsty čas předsyda Domowiny, předewšěm pak awtor basnjow patriotiskeho charaktera, změje 6. septembra 150. róčnicu narodnin.

Korla Awgust­ Fiedler, znaty hudźbnik a sobuwuhotowar spěwanskich swjedźenjow, zemrě 16. meje 1917. Swójbne mjeno Fiedler pochadźa tohorunja z mjena powołanja; w tym padźe wšak je wone němskeho pochada, měnjeny je wězo­ „husler“.