Zakónča sezonu z hódnoćenjom
Po dwěmaj hrajnymaj dobomaj bjez hódnoćenja chce Sakski wolejbulowy zwjazk (SSVB) aktualnu sezonu na kóždy pad z hódnoćenjom zakónčić. Za to su zamołwići dwaj scenarijej spřihotowałoj.
Sprěnja: Jeli smědźa wot 1. februara hrać, wuhraja wšitke zbywace hry hač do junija.
Zdruha: Jeli změja hakle wot 1. měrca abo pozdźišo dowolnosć duele přewjesć, zbytne partije prěnjeje połserije dohraja. Naposledk mjenowanemu scenarijej přizamknje so za mustwa na krajnej runinje playoff-system a na wobwodnej a wokrjesnej runinje turněrowy modus.
Sezona 2021/2022 měli poprawom w aprylu zakónčić, nětko dyrbja hač do meje abo samo junija hrać. Potrjecheni su tež serbscy wolejbulisća a serbske wolejbulistki Viktorije Worklecy, Sportoweho towarstwa Marijineje hwězdy a Sokoła Budyšin. Konstantin Hrjehor
Widźał, słyšał, napisał (03.01.22)
„Hrjehor Jan a Eiselt Jan rańše kemše, cyły tydźeń, njedźelu w dźewjećich a nyšpor tež hišće.“ Tele abo podobne słowa smój wobaj a hišće wjacori Róžeńčanscy ministranća před wjac hač 30 lětami w Róžeńčanskej administraturje wot njeboh patra Cyrila Jana Kindermana OCist. abo patra Ubalda Marije Kansy OCist. słyšeli. Cyły tydźeń rano w šesćich stawać, w zymskim času štwórć hodźiny pozdźišo póćmje a při zmjerzkach a sněze a lodźe do Róžeńčanskeje sakristije nóžkować a wot napoł sedmich z patrom a někotrymi kemšerkami a kemšerjemi „rańše“ swjećić. Krótko po sedmich běch zaso doma, wzach sej šulsku tobołu a wospjet běžach do směra na Róžeńčansku swjatnicu, nětko pak na busowe zastanišćo pola Eiseltec, wšako dyrbjach do šule.
Sport (30.12.21)
Wothłosowanje Budissy
Sportowe towarstwo Budissa Budyšin přewjedźe hač do pjatka, 31. decembra, 23.59 hodź. wothłosowanje k temje „Wrota lěta 2021“. Pjeć wrotow je jury Budissy wuzwoliła. Link k wideju steji na .
wrota 1: Tom Hagemann k 2:0 w relegaciskej hrě přećiwo SC Freital
wrota 2: Tom Hagemann k 1:1 přećiwo FC Hornjej Łužicy Neugersdorf
wrota 3: Florian Baudisch k 4:1 přećiwo Inter Lipsk
wrota 4: Julien Hentsch k 1:0 w pokalnej hrě přećiwo Lokomotiwje Lipsk
wrota 5: Paul Jokusch k 1:0 přećiwo rezerwje Carl Zeiss Jena
We winowatostnych dypkowych hrach je prěnje mustwo Budissy Budyšin w lěće 2021 cyłkownje 48 wrotow třěliło. Dwoje w relegaciskej hrě, 36 w dypkowych hrach we wyšej lize a 10 wrotow w pokalnych hrach.
Lětsa hišće jedna hra
Łužiske lodohokejowe liški hraja dźensa w Bayerskej, a to w měsće Selb. Hra přećiwo poslednjemu DEL 2 pak njebudźe runjewon lochka, dokelž pobrachuja Běłowodźanam wjacori hrajerjo. Hnydom třo su so při poražce 1:3 wutoru doma přećiwo Lodowym lawam Drježdźany mjenujcy zranili. Prěnju domjacu hru noweho lěta wuhraja potom njedźelu w Běłej Wodźe přećiwo Tölzskim Lawam.
Wuhódnoćenje prěnjeho koła za Budissu Budyšin
Z wosom dobytymi hrami a pjeć poražkami je sej prěnje koparske mustwo Budissy Budyšin cyłkownje 24 dypkow z třinaće hrow nahromadźiło. Jako jeničke mustwo we wyšej lize njeje wone ani jónu njerozsudnje hrało. Dla nowych postajenjow wokoło koronapandemije je so prěnje koło za mustwo Budissy a tež za wšitke tamne cyłki dočasnje zakónčiło. Z Hornjołužiskeje trójki Biskopičanske KT, Budissa Budyšin a FC Hornja Łužica Neugersdorf su Budyšenjo w tabulce najlěpje zaměstnjeni. Wot přetorhnjenja hrow trenuje mustwo digitalnje z běhanskimi jednotkami.
překwapjenka: Wotstup šeftrenarja Tomaša Henčela bě překwapjenka předkoła. Njehladajo dobreho starta do sezony wozjewi Tomaš Henčel po 6:1 dobyću přećiwo SV 09 Arnstadt dla powołanskich přičin swój wotstup. U 19 trenar Stefan Richter bu jako nowy naslědnik připowědźeny.
Janoš Nuk – wulki talent za zelenym blidom
Pola Nukec w Budyšinje hraje nětko hižo někotre lěta billard wulku rólu. Nan Michał hraje hromadźe ze synom Janošom w towarstwje. 17lětny talent je w swojich młodych lětach hižo tójšto wuspěchow žnjał a z nanowej podpěru dale na jara wuspěšnym puću. Jurij Bjeńš je so z woběmaj wo nakromnej sportowej družinje rozmołwjał.
Janošo, kak dołho hraješ hižo billard a kak sy k tomu přišoł?
J. Nuk: Hraju nětko hižo šěsć lět billard. Poprawom běch lochkoatlet, nažel pak mějach ćeže z nohu a po wjacorych operacijach sym za druhim sportom pytał. Mój nan hladaše stajnje rady Snooker w telewiziji a to sym rady raz sobu hladał. Nimo toho mějachmy w horće małe billardowe blido, na kotrymž nimale wšědnje kule suwach. Njetraješe dołho a přizamknych so w Budyšinje towarstwje „Biga99“.
Za wjetšinu ludźi nima Snooker žadyn wuznam. Čehodla so Wy za to tak horiće?
M. Nuk: Jako młodostni hrajachmy w Budyskich lokalach husto billard. A jako so potom jendźelska warianta Snooker w telewizoru wusyłaše, je mje to někak hrabnyło. Hač do dźensnišeho to rady hladam a sym runja swojemu synej tež čłon Biga99.
Hnydom koparski derby w Pančicach
Po wosom poražkach a naposledk dwěmaj dobyćomaj chce prěnje mustwo Sportoweho towarstwa Marijineje hwězdy tež w nowym lěće dypkować, a to po móžnosći hnydom spočatk februara w derbyju přećiwo cyłkej z Porchowa.
wokrjesna wyša liga
05.02. 14:00 Módro-běli Kulow –
TSV Wachau
05.02. 14:00 HZ Łaz/Běły Chołmc –
Sokoł Ralbicy/Hórki
05.02. 14:00 Póst Germania Budyšin –
Wojerowski FC
05.02. 14:00 ST Hnašecy-Dobruša –
ST Horni kraj-Sprjewja
05.02. 14:00 TSV Połčnica –
SC 1911 Großröhrsdorf
06.02. 10:30 LSV Hory –
Natwar Němske Pazlicy
06.02. 14:00 ST Marijina hwězda –
ST Porchow
06.02. 14:00 ST Kinspork/Łužnica –
SG Großnaundorf
wokrjesna liga, stafla 1
05.03. 15:00 Kumwałd/Schönbach –
Zeleno-běli Bukecy
05.03. 15:00 Arnsdorfske KT –
SV Frankenthal
05.03. 15:00 HZ Huska/Hodźij –
Bretnig-Hauswalde
05.03. 15:00 TSV Wjernarjecy –
TSV Wjazońca
06.03. 15:00 Zeleno-běli Sepicy –
SV Haselbachtal
06.03. 15:00 ST Wjelećin –
FV Ottendorf-Okrilla 05
wokrjesna liga, stafla 2
05.03. 13:00 Wósl./Skaskow/Kulow II –
Módro-běli Minakał
05.03. 15:00 Rakečanske ST II –
FSV Łuty
05.03. 15:00 ST Lubuš –
Wojerowski FC II
06.03. 12:30 SJ Chrósćicy II –
Traktor Malešecy
06.03. 15:00 SJ Njebjelčicy –
ST 1896 Wulka Dubrawa
06.03. 15:00 ST Nadrózna Hrabowka –
ST Hlinowc
06.03. 15:00 ST Radwor –
HZ Hórnikečanski jězor
wokrjesna klasa, stafla 1
Žane dypki pod dynamowskim hodownym štomom
FC Ingolstadt – Dynamo Drježdźany 3:0 (2:0)
Zestawa hosći: Broll – Ehlers, Sollbauer (67. Aidonis), Akoto, Stark, Löwe, Borello (46. Weihrauch), Becker (26. Herrmann), Königsdörffer (79. Seo), Daferner, Schröter (46. Mörschel)
Profikopańcaw zymskej přestawce
W zwjazkowej koparskej lize hraje so přichodny tydźeń zaso wot 7. januara a w druhej lize tydźeń pozdźišo wot 14. januara. Tež třeća liga započnje w nowym lěće z dypkowymi hrami na samsnym dnju kaž druha liga.
Dźensa podamy aktualnej tabulkowej stawaj prěnjeje a druheje profijoweje koparskeje ligi w Němskej a čoło tabulki třećeje ligi.
Prěnja zwjazkowa koparska liga
1. FC Bayern Mnichow 17 43
2. Borussia Dortmund 17 34
3. Sportowy klub Freiburg 17 29
4. Bayer 04 Leverkusen 17 28
5. TSG Hoffenheim 17 28
6. Eintracht Frankfurt 17 27
7. 1. FC Union Berlin 17 27
8. 1. FC Köln 17 25
9. 1. FSV Mainz 05 17 24
10. RB Lipsk 17 22
11. Hertha BSC 17 21
12. VfL Bochum 1848 17 20
13. VfL Wolfsburg 17 29
14. Borussia Mönchengladbach 17 19
15. FC Augsburg 17 18
16. VfB Stuttgart 17 17
17. Arminia Bielefeld 17 16
18. Greuther Fürth 17 5
Druha zwjazkowa koparska liga
1. FC St. Pauli 18 36
2. Darmstadt 98 18 35
3. Hamburgske SV 18 30
4. FC Schalke 04 18 30
5. 1. FC Nürnberg 18 30
6. 1. FC Heidenheim 18 30
7. Werder Bremen 18 29
8. Jahn Regensburg 18 28
9. SC Paderborn 07 18 27
10. Karlsruheski SC 18 25
11. Dynamo Drježdźany 18 22
12. Holstein Kiel 18 21
13. Fortuna Düsseldorf 18 20
14. FC Hansa Rostock 18 20
15. Hannover 96 18 20
16. SV Sandhausen 18 17
17. FC Rudne horiny Aue 18 14
18. FC Ingolstadt 18 10
Čoło tabulki třećeje ligi
1. 1. FC Magdeburg 20 44
2. Eintracht Braunschweig 20 36
3. SV Meppen 20 36
Widźał, słyšał, napisał (27.12.21)
Zhladuju na lěto 2021 móžu rjec, zo běše wone kaž jězba na seklowej čarje. Štó z nas je hižo móhł z wěstostu prajić, kak poběži lěto za sportowe towarstwa? Pandemije dla njebě znowa ničo po zwučenym wašnju. Njewěstosć hač a po kotrych wuměnjenjach so sportować hodźi, steješe na prěnim městnje. Smědźa so dypkowe hry přewjesć? Hdy póńdźe dale? Kotry hygieniski koncept je prawy? Štó je za čo zamołwity/a? Husto bě wjac prašenjow, hač wotmołwow. Ćim bóle su so koparki a koparjo, wolejbulistki a wolejbulisća wjeselili, hdyž přewjedźechu so winowatostne hry po skerje zwučenym wašnju. A kajke to nětko wupada? Znowa nasta stop w amaterskim sporće. Nic pak pola profijow. Woni smědźa dale za bulom honić abo na parkeće hrać. Tak tež Drježdźanske mjetelčki. Woni běchu do hód wuspěšne. Tak kwalifikowachu so za pokalne finale w Němskej a tež na mjezynarodnej runinje w champions league wuwojowachu sej prěnje dobyće. Chowanče trenarja Alexandera Waibla přesadźichu so přećiwo ukrainskemu teamej SC Prometey Dnipro z 3:2 po sadźbach.
