Dźensa na dnju swětłownjow su tež w Němskej mnohe přistupne. W ...
Freitag, 07. August 2020
geschrieben von: Janek Wowčer
Dźensa na dnju swětłownjow su tež w Němskej mnohe přistupne. W Sakskej mamy tajku wěžu w Moritzburgu. Wosebity dźeń, kotryž su 7. awgusta 1989 prěni raz swjećili, dósta so z Ameriki tež do našich kónčin. Moritzburgska swětłownja – sakski kurwjerch Bjedrich Awgust I. bě ju kónc 18. lětstotka twarić dał – je druha najstarša nutřkokrajna cyłeje Němskeje a rjany wulětny cil. Hišće hač do 16. awgusta wotměwa so wokoło hońtwjerskeho a barokneho hrodu lětuši Moritzburgski festiwal. Foto: Holger Schütze
Poskićeja digitalne jězdźenki
Freitag, 07. August 2020
geschrieben von: Měrćin Weclich
W přichodnych tydźenjach móža sej šulerjo po cyłej wuchodnej Sakskej nowe busowe jězdźenki za přichodne šulske lěto wobstarać. Za něhdźe 30 000 młodych pasažěrow to rěka, zo dóstanu mjez druhim wot Regiobusa Hornja Łužica a wot Wojerowskeje wobchadneje towaršnosće město dotalnych papjerjanych jězdźenkow digitalne chipy w jednotnym layouće. Foto: VVO/Lars Neumann
Křižowka (07.08.20)
Freitag, 07. August 2020
geschrieben von: Mikławš Krawc
Wodorunje: 3 jednory grat za syčenje, 5 posledni grjekski pismik, 6 druhi grjekski pismik, 7 ze štomami wobdata dróha, 10 kniha zemjepisnych kartow, 13 Fall, Sturz serbsce, 14 stolica Marokka, 15 wokno w słowjanskich rěčach
Padorunje: 1 hudźbne znamjo, 2 nic horje, 3 zwjeršna drasta, 4 nic bratr, 8 sakske město, 9 žro, 11 přitulny, posłušny, 12 nasyćeny
Ruce połnej dźěła maja při tuchwilnej suchoće runja swojim ...
Freitag, 31. Juli 2020
geschrieben von: Měrćin Weclich
Ruce połnej dźěła maja při tuchwilnej suchoće runja swojim kolegam w druhich městach sobudźěłaćerjo Budyskeje wobdźělenskeje a wobhospodarjenskeje towaršnosće, štomam, kwětkam a kerkam wodu přiliwać. Tak maja měšćenjo a jich hosćo tež njedaloko Walskeje w chłódku derje hladaneho zelenišća rjany blečk k wodychnjenju. Foto: SN/Hanka Šěnec
Křižowka (31.07.20)
Freitag, 31. Juli 2020
geschrieben von: Mikławš Krawc
Wodorunje: 3 amater, nic powołanski, 5 wumłóćene žito, 6 pomocnica při porodźe, 7 lutowar ma je na bance, 10 kročele, 11 nalětni měsac, 14 łužiska hora, 15 wulki porst
Padorunje: 1 pos, 2 dźělčk trawnika, 3 chemiske pospytnišćo, 4 wobšudźer, 8 grjekski pismik, 9 tekstilny dźěłaćer, 11 łužiski jězor pola Zubornički, 12 elektrisce nabite atomy
Wuhódanje wužadanje było
Freitag, 31. Juli 2020
geschrieben von: Marian Wjeńka
Dowolowu křižowku Serbskich Nowin wuhódać drje bě čitarjam předwčerawšim wosebite wužadanje. Nic, dokelž by wona přećežka była, ale dokelž je so při zestajenju misnjenje stało. Prěni pismik wuhódanja „Rjane dožiwjenja“ w křižowce mjenujcy na žanym městnje woznamjenjeny njebě. Štóž je hač na tón jedyn wšitke tamne pismiki prawje zwěsćił, móhł sej snano myslić, zo je „pjane dožiwjenja“ prawa wotmołwa. Tomu wězo tak njebě. Redakcija SN so tuž zamołwja. Lětsa wšak móhli wšitko na koronu wotsuwać, kotrejež dla je so wšo a wšitko z woporom stało. Nětko samo pismik w křižowce.
Zo by jězba z awtom do dowola wěsta była, poručeja fachowcy ...
Freitag, 24. Juli 2020
geschrieben von: Měrćin Weclich
Zo by jězba z awtom do dowola wěsta była, poručeja fachowcy šoferam znajmjeńša kóždej dwě hodźinje přestawku na parkowanišću. Wostudu w běhu jězby zahnać wšak móžeće sej z hudźbu. Tež nowše serbske spěwy hodźa so z internetneje strony Serbskeho rozhłosa na ličak sćahnyć a tak w awće přez USB poskać. Foto: romrodinka/iStockphoto
Z psami w Budyšinje trenowali
Freitag, 24. Juli 2020
geschrieben von: Janek Wowčer
Z třomi pytanskimi psami – zwěrjata su na pytanje wosobow specializowane – su wjacori sobudźěłaćerjo Naustadtskeje šule za słužbne psy wčera při tachantskej cyrkwi w sprjewinym měsće namakanje wosobow trenowali. Mjez nimi bě tež wodźerka-policistka Claudia ze ćulu Chiru (na wobrazu). Kaž zastojnicy rozłožichu, trenuja prawidłownje tydźensce jónu, a to stajnje na hinašim městnje a z hinašimi wosobami. Přidatnje přewjeduja z psami jónu měsačnje cyły treningowy kónc tydźenja. Po wšej Sakskej je šěsć psow wukubłanych na pytanje ludźi. Dalšeju hišće wukubłuja, štož traje dohromady tři lěta. Cyłkownje maja w swobodnym staće pjeć psyčich staflow, při čimž su zwěrjata na wšelake nadawki, kaž na přikład na namakanje slědow, specializowane. Foto: SN/Hanka Šěnec
Płastowka (24.07.20)
Freitag, 24. Juli 2020
geschrieben von: Mikławš Krawc
1 družina sadu, 2 dźeń tydźenja, 3 koło, 4 dalša družina sadu, 5 hora w Turkowskej, 6 wjetše mnóstwo, 7 nimo spěchać, 8 planet, 9 žónske předmjeno
Po tym zo bě Budyski jewišćowy lud na njedawnym swójbnym ...
Freitag, 17. Juli 2020
geschrieben von: Měrćin Weclich
Po tym zo bě Budyski jewišćowy lud na njedawnym swójbnym swjedźenju we Wojerowskej Kulturnej fabrice (Kufa) z programom „Šula z klawnom“ wjele přikleska žnjał, wotměje so na ležownosći Kufa njedźelu, 19. julija, dalši tajki swjedźeń. Wjeselić móža so swójby wot 14 hodź. na program ze spěwytwórcomaj Leichtfuß & Liederliesel. Zastup je darmotny. Foto: Gernot Menzel
