Z jednoho hrajnišća nastawatej dwě
Bičwolejbulnišćo we Worklecach je mjez druhim w serbskej młodźinje chětro znate městno. Hakle zašłe lěto je młodźinske wusyłanje Radijo Satkula na swojej kóždolětnej bičwolejbulowej turje we Worklecach pozastało.
Hrajnišćo bu w lěće 2006 natwarjene. Lětsa srjedź oktobra započachu z wutwarom wobstejaceho bičwolejbulnišća na dwupólne hrajnišćo. Wotzamknjenje projekta je za kónc meje přichodneho lěta planowane. Naprawu z pomocu dawkowych srědkow na zakładźe wobzamknjenja etata Sakskeho krajneho sejma sobu financuja.
Widźał, słyšał, napisał (30.11.20)
Youssoufa Moukoko, tute mjeno sće w minjenych tydźenjach zawěsće słyšeli abo čitali. W hrě přećiwo Hertha BSC Berlinej bu kopar Borussije Dortmund (BVB) jenož dźeń po swojich 16. narodninach do partije zaměnjeny. Z tym je wón w stawiznach zwjazkoweje koparskeje ligi najmłódši zasadźeny akter scyła. Diskusije běchu wulke, hač njeje za njeho hišće přezahe pola profijow sobu hrać. Tam wšak knježi wosebje wulki ćišć z medialneje kaž tež fanoweje strony. Moje měnjenje: Fyzisce kaž tež psychisce so młode talenty hižo wot zažneje staroby w koparskich internatach na čas jako profijowy kopar přihotuja a dóstanu při tym wulku podpěru wot najlěpšich nazwučowarjow a samo tež sportowych psychologow. Sym jara wćipny na karjeru młodostneho.
Sport (27.11.20)
Trening w lockdownje light
Spěchowanski program za talenty Němskeho koparskeho zwjazka DFB poskići póndźelu, 30. nowembra, dalšu treningowu jednotku online, a to za zajimowane hrajerki a zajimowanych hrajerjow a trenarkow a trenarjow. Zašłu póndźelu bě Marc-Patrick Meister, šeftrenar narodneho mustwa DFB U 16, na rjedźe; přichodnu póndźelu budźe to potom zaso Nate Weiss, indiwidualny trenar 1. FC Nürnberga. Link namakaće pod sfv-online.de. Započatk budźe w 17.30 hodź.
Lětsa hižo žane koparske hry
Sakski koparski zwjazk njebudźe lětsa hižo žane winowatostne koparske hry planować. Tutón rozsud płaći za wšitke starobne klasy na krajnej runinje.
Zwjazkowa liga w telewiziji
Wolejbulistki Drježdźanskeho SC hraja jutře w prěnjej zwjazkowej lize doma přećiwo hosćom z Erfurta. Hry pokazaja pak w telewiziji na sćelaku SPORT1 abo w livestreamje na www.sporttotal.tv. Za tydźeń pojědu Drježdźanjanki potom do Wiesbadena.
28.11. 17:30 Drježdźanski SC –
Erfurt
05.12. 19:00 Wiesbaden –
Drježdźanski SC
12.12. 15:30 Drježdźanski SC –
Schwerin
19.12. 19:00 Vilsbiburg–
Drježdźanski SC
Derby ma zaso stary termin
Jubilar Sokołow do noweho lětstotka wjedł
Hišće dźensa rěča w Delanach wo spěchowanskim myće za sportowe towarstwa we Wuchodosakskej, kotrež je Sokoł Ralbicy/Hórki w januarje 2007 dobył. Wulke mjena kaž Dynamo Drježdźany dyrbjachu so tehdy małym Sokołkam a Sokołam z Delan kłonić. Hišće dźensa je w Ralbicach rěč wo wosebitym tež přez wubědźowanje dobytym treningowym lěhwje w Ganzgrünje, na kotrymž smědźachu so 16 dorostowych hrajerjow a dwaj trenarjej w lěće 2006 wobdźělić. Filozofija serbskich sportowcow z gmejny Ralbicy-Róžant bě jury tehdy hnydom dwójce přeswědčiła. „Swójske talenty spěchować a doma w Delanach w prěnim a druhim mustwje hrać dać, to bě naš rozsudny trumf, kotryž smy tehdy wuhrali“, dopomni so bywši předsyda Sokoła Ralbicy/Hórki Pětr Hrjehor. Wón swjeći dźensa swoje 70. narodniny, na kotrež bychu zawěsće težo tójšto Sokołkow a Sokołow a dalšich sportowych přećelow přišli, tak zo njebychu městna doma w mjeztym dwuswójbnym domje w dobrej stwě dosahali.
Normalita a europeada cilej Šunowčana
Aktualna tabulka krajneje ligi
1. SC Freital 7 20 : 6 19
2. Budissa Budyšin 7 18 : 7 18
3. FC 1910 Lößnitz 7 13 : 4 14
4. Jednota Kamjenc 5 17 : 7 13
5. SG Taucha 99 7 16 : 11 12
6. Großenhainski FV 90 6 14 : 10 10
7. SSV Markranstädt 7 12 : 10 10
8. SG Motor Wilsdruff 7 15 : 16 10
9. FV Přezjednota Niska 5 8 : 5 9
10. Germania Mittweida 7 14 : 13 9
11. FSV Nowosólc-Hródk 8 14 : 14 9
12. Drjěždźany-Laubegast 7 12 : 13 9
13. Radebeulski BC 08 6 10 : 11 8
14. FSV Motor Marienberg 6 8 : 10 8
15. VfB Empor Glauchau 7 9 : 9 7
16. Módro-běli Lipsk 6 6 : 12 6
17. BSG Wocl Riesa 6 8 : 15 6
18. Rjemjesło Rabenstein 6 7 : 17 6
19. VfL Pirna-Copitz 07 6 9 : 12 5
20. LSV Nowe Město 5 5 : 12 3
21. Kickers Markkleeberg 6 5 : 14 3
22. SZ Drježdźany-Strěžin 6 5 : 17 2
Rodźeny Šunowčan Patrik Woko je hrajer Serbskeje koparskeje wubranki muži a tež krajneho ligista Jednoty Kamjenc. Tež wón ma nětko přestawku, wšako na amaterskej runinje hrać njesmědźa. Tadej Cyž-Njebjelčanski je so z Patrikom Wokom rozmołwjał.
Kak so Wam wjedźe a što měniće k aktualnej přestawce, nastupajo trening, hry a amaterski sport?
Wuslědki dorosta (24.11.20)
Mjez lockdownomaj su dorostowe mustwa na teritoriju Zapadołužiskeho koparskeho zwjazka (WFV) kaž tež Sakskeho koparskeho zwjazka hrali. Tule wozjewja WFV aktualne tabulki dorosta. Hač móža tón potom po 30. nowembrje z kopańcu pokročować, drje dotal hišće jasne njeje, nadźija je přiwšěm wulka.
młodźina E, wokrjesna wyša liga
Liegau-August. – Póst Budyšin 5:5 (3:2)
Biskopicy – Großröhrsdorf 8:0 (4:0)
Połčnica – Bukecy 5:0 (3:0)
1. Budissa Budyšin 5 34 : 17 13
2. Biskopičanske KT 08 5 30 : 18 12
3. Póst Germania Budyšin 5 39 : 20 10
4. SV Liegau-Augustusbad 5 25 : 21 7
5. SC 1911 Großröhrsdorf 6 12 : 34 6
6. TSV Połčnica 1920 5 10 : 23 3
7. Zeleno-běli Bukecy 5 11 : 28 1
młodźina E, wokrjesna liga, stafla 1
Wjernarjecy II – Budyšin II 0:25 (0:12)
Wóspork – Póst Budyšin II 8:3 (4:1)
Wulka Dubrawa – Horni kraj 3:2 (1:1)
Kumwałd – Wjernarjecy 9:1 (5:1)
1. Motor Kumwałd 5 40 : 10 15
2. ST 1896 Wulka Dubrawa 5 35 : 11 15
3. ST Horni kraj-Sprjewja 6 64 : 13 12
4. TSV Wóspork/Hrodźišćo 6 35 : 26 12
5. Budissa Budyšin II 6 49 : 21 10
6. Póst Germ. Budyšin II 6 30 : 23 10
7. ST 1922 Radwor 5 20 : 37 3
8. TSV 1859 Wjernarjecy 6 22 : 48 3
9. TSV 1859 Wjernarjecy II 6 9 : 75 3
10. ST Horni kraj-Sprjewja II 5 5 : 45 0
młodźina E, wokrjesna liga, stafla 2
Wjelećin – Huska1:4 (1:2)
Marijina hw. – Großharthau 1:12 (1:5)
Huska II – Biskopičanske KT II 9:6 (5:3)
Ramnow – Marijina hwězda II 4:4 (1:3)
1. HZ Postup Großharthau 6 42 : 12 18
2. HZ Drohotka Ramnow 5 34 : 18 13
3. ST Huska II 6 47 : 33 12
Liški ze špatnym startom doma w liščej jamje
Łužiske lodohokejowe liški Běła Woda – Bayreuth Tigers 2:3
Nowa sezona w druhej zwjazkowej lize DEL 2 je so pjatk, 6. nowembra, za lodohokejistow z Běłeje Wody zahajiła. Z hosćom we Łužicy běchu tigry z Bayreutha. Sportowcy z Wagneroweho města běchu wot spočatka lěpši cyłk a tłóčachu na tempo. Po prěnim dwumjeńšinskim chłostanju za domjacych poradźi so jim w powerplayju po někotrych sekundach hižo nawjedowanje. Wotnětka pak so hosćo na defensiwu koncentrowachu, tak zo móžachu Łužiske liški w ofensiwje akcenty sadźeć. Krótko do prěnjeje přestawki docpě hakle 17lětny debitant Bennet Roßmy, kiž pochadźa ze Žitawy, zasłužene wurunanje.
Pančičanskaj nowopřichadaj
Prěnje koparske mustwo Sportoweho towarstwa Marijineje hwězdy hraje wot spočatka sezony 2020/2021 z dwěmaj nowopřichadomaj. Staj to Patrick a Pierre Lugge, wobaj z Małeho Wosyka. Sobuhrajer Dawid Matik jeju tule skrótka předstaji.
Patrick Lugge
Ćežow přizjewjenja dla dyrbješe 32lětny Patrick kusk dlěje na hrajnu dowolnosć čakać. Wón přińdźe přez kooperaciske zrěčenje ze sportowym klubom z Małeho Wosyka najprjedy raz na jednu hrajnu dobu do Pančic-Kukowa. Hłownje budźe 1,86 metrow wulki a hižo w Pančicach bydlacy sympatiski kadla w nadběhu zasadźeny. Wón wuznamjenja so přez swoju bojownosć něšto docpěć, wšojedne hač wosobinsce abo ze swojim nowym towarstwom. Patrick wjeseli so na wužadanje we wokrjesnej wyšej lize a chce so tak derje kaž móžno za swoje nowe mustwo zasadźeć a z nim zwostaće w lize docpěć.
ST Marijina hwězda je nadźijepołna, zo so to hromadźe z nowym ofensiwnym akterom zešlachći, a přeje jemu wjele wuspěcha a zboža w módro-žołtym trikoće. Ze swojim nastajenjom budźe wón klóšterskim koparjam na hrajnišću z wulkej wěstotu dale pomhać.
Pierre Lugge
W druhej hrě znowa jenož dypk
Drježdźanske lodowe lawy
– Łužiske lodohokejowe liški 5:4 po podlěšenju (2:1; 1:1; 1:2 – 1:0)
Po prěnjej hrě sezony dźěše w druhej hnydom na wulki derby do Drježdźan. Tež tam wojowachu wobě mustwje bjez přihladowarjow wo kóždy puk. Spočatk bě za liški prima. Hižo w 5. min. prasny Robert Farmer gumijowu tačel wysoko do wrotow k nawjedowanju. Tola wjeselić so liški dołho njemóžachu. Jenož tři mjeńšiny po tym domjacy z módreje linije k wurunanju trjechichu. Hosćićeljo wostachu tež dale aktiwniši team, wrotar Mac Carruth měješe dosć dźěła. 56 sekundow do prěnjeje sireny pak padny zasłužbne nawjedowanje za Drježdźanskich lodowych lawow.
W druhim wotrězku pokazachu so hrajerjo z Běłeje Wody ze swojeje lěpšeje strony. Hrajachu derje doprědka a jako dyrbješe stajnje jedyn hrajer z wobeju mustwow dwumjeńšinsku chłostansku přestawku zapołožić, trjechi Nick Ross za Běłu Wodu 2:2 – Kale Karbeshian bě wrota wulkotnje přihotował. Drježdźanskich hrajerjow tole wulce njeboleše a tak přewzachu woni zaso komando. Hakle krótko do druheje sireny móžachu wuslědk z wotfalšowanym pospytom zaso na 3:2 zwjertnyć.
Njewšědnje krótka sezona
Spočatk měrca 2020 běše koparski swět hišće w porjadku. Tak tež stari knježa Sokoła Ralbicy/Hórki z toho wuchadźachu, zo so jich winowatostne hry 14. měrca z pokalnej hru zahaja. Zo bychu prawje přihotowani byli, zetkachu so tydźeń do toho na kumštnym trawniku w Hnašecach z tamnišim mustwom, kotrež dotal hišće ženje přećiwo Sokołej nastupiło njebě. Delanscy koparjo hru tehdy 8:1 za sebje rozsudźichu.
Po tym pak přińdźe prěni lockdown a z nim wulka njewěstosć. 13. meje Zapadołužiski koparski zwjazk rozsudźi, sezonu kaž tež pokalne koło njepřewjesć. Kajka to zrudźaca powěsć. Traješe hač do kónca meje, prjedy hač Sokoljo znajmjeńša zaso trenować započachu. W zdźělence koparskeho zwjazka z 11. junija běše pod wěstymi hygienowymi naprawami zaso dowolene přećelske hry přewjesć. Tola přećiwo komu? Wólnočasne mustwa mějachu swoje hrajne terminy dawno zaplanowane. Organizować partije přećiwo znatym cyłkam z ligi so tohorunja jako jara ćežke wopokaza.
