Nazhonjenja sej wuměnjeć
Zły Komorow (dpa/ch/SN). Dorostowi dźiwadźelnicy z cyłeje Němskeje wuměnjeja sej hač do njedźele na Złokomorowskim Nowym jewišću nazhonjenja. Přichwatało je něhdźe 180 dorostowych hrajerjow mjez druhim z Lübecka, Lipska, Berlina kaž tež Coburga. Planowane su předstajenja, dźěłarnički a diskusije. Na zahajenju wčera wječor pokaza Złokomorowski młodźinski klub hru „Raj zwěrjatow“. Zwjazkowe zetkanje „Młodźinske kluby na dźiwadłach“, kotrež stajnje jedne druhe dźiwadło w Němskej wuhotuje, dožiwja nětko swoje 26. pokročowanje. Braniborska ministerka za kulturu Sabine Kunst (SPD) hódnoćeše je jako přikład poradźeneho kulturneho kubłanja.
Mjez sobu so zraniłoj
Choćebuz (dpa/ch/SN). Při zwadźe w domje požadarjow azyla w Choćebuzu staj so wobydlerjej zraniłoj. 25lětny poćerpje rězne rany na ruce, druhemu bu mjezwoči bite, zdźěli wčera policija. Zwada mjez mužomaj bě při zhromadnym warjenju wudyriła. Wobaj zranjenaj buštaj hišće samsny dźeń přesłyšowanaj. Kriminalna policija přepytuje mjezsobneho zranjenja ćěła dla.
Mać před sudnistwom