Šef chorownje pušćeny

Choćebuz (dpa/SN). Po runje jednym lěće w zastojnstwje su šefa Choćebuskeho Carla Thiemoweho klinikuma Andreasa Brakmanna pušćili. Tole je dohladowanska rada komunalneje chorownje zawčerawšim, wutoru, na wurjadnym posedźenju wobzamknyła. Rěčnik města je informaciju mjeztym wobkrućił. Wo pozadkach nochcyše pak rěčeć, skedźbnjejo na hrožace juristiske rozestajenje. Šef klinikuma bě zastojnstwo hakle spočatk lěta 2015 přewzał, a to na tři lěta. Carla Thiemowy klinikum je najwjetša chorownja Braniborskeje. Dom ma wjace hač 1 200 łožow a něhdźe 2 300 sobudźěłaćerjow. Přichodne lěta planuja tam wobšěrne ponowjenja, za čož chcedźa hač do 70 milionow eurow nałožić.

Moderna w starym měsće