Dobra powěsć: Trenar Wollitz wostanje w Choćebuzu
Přiwisnicy FC Energije Choćebuz wjeselachu so pjatk na načolny duel w Saarbrückenje při wulkotnym nalětnim wjedrje a nadźijachu so wuspěšneho duela z towarstwom z Choćebuskeho partnerskeho města Saarbrückena.
Ale jako so hižo do hry powěsć wo podlěšenju zrěčenja roznjese, wubudźi to pola fanow FCE hoberske wjeselo. Na homepage FC Energije Choćebuz bu wozjewjene, zo šeftrenar Claus-Dieter Wollitz towarstwu po zakónčenju hrajneje doby 2024/25 dale jako trenar k dispoziciji steji.
Na wosebity wuznam termina wozjewjenja tutoho rozsuda pokaza koparska legenda VfL Bochuma Fabian Klos w pjatkownym interviewje w telewiziji. Klos praji, zo by towarstwo FC Energija Choćebuz we wuspěšnych tydźenjach hižo dołho kruće stejacy rozsud cyle prima mjez přiwisnikami roznjesć móhło. A doda, zo nětko, w tym wokomiku, hdyž je Choćebuz dwě hrě zasobu přěhrał, so wjednistwo FCE k Wollitzej wuznaje, zo by z nim tež do přichodneje sezony šoł. To pokazuje na jara dobru kwalitu zhromadneho dźěła wjednistwa towarstwa z trenarjom.
Seriju bjez dobyćow podlěšili
FC Energija Choćebuz – Hannover 96 II 2:2 (2:1)
Energija Choćebuz: Bethke - Hasse, Kusić, Slamar, Borgmann – Tolcay Ciğerci, Pelivan, Hofmann (69. Rorig) - Copado (46. Krauß), Engelhardt, Halbauer (69. Proničew).
slěd wrotow: 1:0 Engelhardt (20.), 1:1 Sulejmani (31.), 2:1 Copado (34.), 2:2 Uhlmann (53.)
přihladowarjo: 9.233
Po třoch na so sćěhowacych poražkach dyrbjała FC Energija přećiwo předposlednjemu w tabulke skónčnje zaso dobyć, zo by so dale wo postupje sonić směła. Drje njejsu po 2:2 přećiwo druhemu mustwu druheho zwjazkoweho ligista Hannover 96 tute sony dospołnje zničene. Přiwšěm by tu jasna lěpša pozicija w tabulce móžna była hladajo na runočasnu poražku 1. FC Saarbrücken (1:3 w Bielefeldźe).
Napjaty bójz wulkim zbožom dobyli
ST Marijina hwězda – Rakečanske ST II 2:1 (1:0)
Zestawa domjacych: Matik – Wróbl, E. Bulank, K. Pakoßnick (51. F. Bulank), R. Cyž, Peschmann (90.+1 Ladewig), Zelnak, Eldor, Clausen (46. Kurink), Kreuz, J. Pakoßnick (58. Bayer)
Sprawny remisna twjerdym hrajnišću
Sokoł Ralbicy/Hórki – Rakečanske ST 1:1 (1:0)
Zestawa domjacych: K. Gloxyn – Matka (53. Rawš), Schultz, Wałda, Mikławšk, D. Gloxyn, Mjechela (59. Korjeńk), N. Šnajder (76. Hicka), Rachela, Domaška (86. Bejmak), Bejma
Zestawa hosći: Schmidt – Nathe, Seeger, Woko, Schidun, Hobrack (72. Nowotny), Maiwald, Gärtner, Kärger (46. Janca), Zschornack, Pilz (46. Šołta)
Wrotar Willi Schöne a nazhonity hrajer Stanisław Šewc staj so pjatk po treningu pola trenarja Krystofa Gloxyna chorosće dla za njedźelnišu hru wotzjewiłoj. Pjateje žołteje karty dla pobrachowaše tež Balthasar Heidorn. Na zbožo pak maja Sokoljo lětsa wulki kader, tak zo móžeše Gloxyn w derbiju přećiwo Rakecam přiwšěm po kwaliće sylne mustwo nastajić. Z Tomašom Rawšom, Křesćanom Bejmakom, Fabianom Korjeńkom a Timom Hicku dalši sylni hrajerjo na ławce na zasadźenje łakachu.
Žadyn dypk za dobry wukon Chróšćanow
HZ Frankenthal/Germania Biskopicy/Biskopičanski KT 08 III – SJ Chrósćicy II 3:2 (3:0)
Zestawa hosći: M. Mark – M. Donat, Dórnik, Sćapan, Handrik, Budar, M. Zahrodnik, J. Donat, Wornar (69. Dridiger-Šołta), Klemenc (57. J. Mark), Kř. Zahrodnik´
Na spočatku druheje połserije wokrjesneje ligi bě sej Chróšćan koparska rezerwa na hru do Biskopic dojěła. Chowancy trenarja Fabiana Hejduški chcychu na dobre wukony a wuslědki do zymskeje přestawki nawjazać a so skónčnje z pincy tabulki wudrapać.
Wolejbulowy cyłk starobneje klasy U20 Sportoweho towarstwa Viktorije ...
Jasna poražka w Großnaundorfje
SZ Großnaundorf – SJ Chrósćicy 5:1 (2:0)
Zestawa SJ Chrósćicy: M. Cyž – Zynda, B. Cyž, Mark, L. Zahrodnik, M. Zahrodnik, B. Donat, G. Zahrodnik, Bogusz, Bjeńš (62. J. Donat), Młynk (75. Kř. Zahrodnik)
Na wosomnatym hrajnym dnju dojědźechu sej Chróšćenjo na wonkownu hru do Großnaundorfa. Duel w prěnjej połseriji móžachu koparjo SJC jasnje za sebje rozsudźić. Po dobyću tydźenja w Rakecach by dalše rady w Großnaundorfje sćěhować móhło.
W Połčnicy su iniciatorojo minjeny pjatk nowu kampanju w nošerstwje ...
Z Rakojdz třomi dypkami so nawróćili
Bartske ST 90 – ST 1922 Radwor 1:2 (1:1)
Za Radworske mustwo zasadźeni: Pěčak – B. Grubert, M. Grubert, M. Dźisławk, Wjeńka, Wjesela (66. Wjacławk), Hetaš, Schöne (87. Krječmar), Adam, Wencel, Glücklich (90. Wünderlich)
Třeća poražka pospochi
1. FC Saarbrücken – FC Energija Choćebuz 2:1 (1:1)
FC Energija Choćebuz: Bethke – Rorig, Kusić, Slamar, Bretschneider (75. Proničew) – Pelivan, Ciğerci, Borgmann – Krauß (75. Engelhardt), Thiele, Halbauer (46. Tallig); wrota: 1:0 Vasiliadis (22.), 2:0 Rabihić (38.), 2:1 Thiele (56.)
přihladowarjo: 14.544
